Jan n diani U Tienu Laabaaliŋamo maama 11:47 - Gourmanchéma Bible

⁴⁷ Lanwani bi kopadicianba yudanba leni Falisieninba den taani bi *cancannikpeliba ki yedi: «Ti baa tieni be? Laa nilo tiendi mi bancianma boncianla.

U TIENU MAAMA TILI 2013

⁴⁷ Lanwani, bi kopadicianba yudanba leni Farisieninba den taani bi cancantieba, ki yedi: «Ti baa tieni be? Laa nilo tiendi mi bancianma boncianla.

Jan n diani U Tienu Laabaaliŋamo maama 11:47 ပူးပေါင်းရင်းမြစ်များ

Matie 26:3

Laa yogunu bi kopadicianba yudanba leni Jufinba nikpeliba den taani bi kopadicianba bado yua n yi Kayifa luolu nni.

Matie 5:22

Ama mini n yedi yi, yua n bieni o pali o lielo po kuli, li pundi ban bu leni o, yua n yedi o lielo: ‹O yanpiidaano na›, li pundi ke yi *cancannikpeliba taancianli n cuo o. Yua n yedi o lielo: ‹O yanluodaano na,› li pundi ban cuo ki kuani o ku *fantanbuogu nni.

Marki 14:1

Mi *Pendima jaanma leni yaa dupen n ki pia *dabinli jaanma n den sieni dana lie, bi kopadicianba yudanba leni li *bali maama bangikaaba den moandi ban baa tieni maama ki cuo Jesu leni bu nunfanbu ki kpa o.

Luki 22:2

Bi kopadicianba yudanba leni li *bali maama bangikaaba den lingi ban baa tieni maama ki kpa Jesu, kelima bi den jie ku niligu.

Jan n diani U Tienu Laabaaliŋamo maama 11:57

Li sua ke bi kopadicianba yudanba leni Falisieninba den ñani li ñoabonli, ke yua n bani Jesu n ye naani, wan teni ban bandi ke bi baa cuo o.

Jan n diani U Tienu Laabaaliŋamo maama 12:19

Lani yaa po *Falisieninba den yedi biyaba: «Diidi ki le, yin tiendi yaala kuli, yi baa gbali, kelima ŋanduna kuli ŋoadi o.»

Jan n diani U Tienu Laabaaliŋamo maama 2:11

Lani n tie Jesu n den cili ki tieni yaa bancianma Kana, Galile diema nni. O den doagidi o kpiagidi ke o ŋoadikaaba den daani o.

Jan n diani U Tienu Laabaaliŋamo maama 6:2

Ku niligu boncianla den ŋua o kelima bi den laadi wan tiendi yaa bancianma ki paagidi a yiama.

Jan n diani U Tienu Laabaaliŋamo maama 7:32

*Falisieninba den gbadi ke ku niligu soabidi leni biyaba ki maadi Jesu maama yeni. Lani bi kopadicianba yudanba leni Falisieninba den soani U Tienu diegu jiidikaaba ban cuo o.

Jan n diani U Tienu Laabaaliŋamo maama 7:45

U Tienu diegu jiidikaaba n den guani bi kopadicianba yudanba leni Falisieninba yeni kani, bi den buali ba: «Be n teni ke yii cuani o?»

Jesu Tondiba Tuona 5:21

Ban gbadi lani, bi den kua U Tienu diegu nni ku tiŋaapanpangu ki cili ki bangi bi niba. Bi kopadicianba bado leni yaaba n ye leni o n den cua, bi den yini Isalele yaaba nikpeliba kuli, bi *cancannikpeliba taanli po. Bi den soani li kpaadidieli po ke ban cuani Jesu tondiba.

Jesu Tondiba Tuona 5:24

U Tienu diegu jiidikaaba yudaano leni bi kopadicianba yudanba n den gbadi laa maama, li den wudi ba ke bi bungi yaala n baa yuandi ki tieni.