Jan n diani U Tienu Laabaaliŋamo maama 11:26 - Gourmanchéma Bible

²⁶ Yua n fo ki daani nni kan kpe hali abada. Naani a dugi mi naa maama po bi?»

U TIENU MAAMA TILI 2013

²⁶ Yua n fo ki daani nni kan kpe abada. Naani a dugi mi naa maama po?»

Jan n diani U Tienu Laabaaliŋamo maama 11:26 ပူးပေါင်းရင်းမြစ်များ

Matie 26:53

Naani a tama ke mii pia sanu ki mia n Baa moala moala bi? O baa pa nni yaa malekinba n yaba ki cie piiga n toagola lie.

Matie 9:28

Jesu n den kua li dieli nni, a juama yeni den cua o kani. Jesu den buali ba: «Yi daani ke n baa fidi ki tieni yipo yin miadi yaala?» Bi den goa ki yedi o: «Mm, ti Daano.»

Marki 9:23

Jesu den yedi o: «Be yaa po ke a yedi: ‹A yaa baa fidi?› Kelima li bonla kuli fidi yua n daani yaa po.»

Jan n diani U Tienu Laabaaliŋamo maama 10:28

N puuni ba yaa miali n kan gbeni. Bi kan bodi hali abada, oba kuli kan fie baa n nuu nni mo.

Jan n diani U Tienu Laabaaliŋamo maama 14:10

Ŋaa daani ke n ye Baa niinni, ke Baa moko ye n niinni yoo? Min maadi yi yaa maama yeni, maa ñani n yaa kani ka. Li tie Baa yua n ye n niinni n tuuni o tuona yeni.

Jan n diani U Tienu Laabaaliŋamo maama 4:14

Ama yua n ñuni min baa pa o yaa ñima kuli, u ñunñuunu kan go cuo o hali abada. Min baa pa o yaa ñima baa tua ñinbunli o niinni ki yaa pudi ki puubi hali yaa miali n kan gbeni nni.»

Jan n diani U Tienu Laabaaliŋamo maama 5:24

N yedi yi i moamoani, yua n cengi n maama, ki daani yua n soani nni, pia yaa miali n kan gbeni. O kan cua ti buudi po, ama o ñani mi kuuma nni ki kua li miali nni.

Jan n diani U Tienu Laabaaliŋamo maama 6:47

N yedi yi i moamoani, yua n tuo ki daani nni pia yaa miali n kan gbeni.

Jan n diani U Tienu Laabaaliŋamo maama 9:35

Jesu den gbadi ke bi deli ki ñani o. Wan den tuogi o o den buali o: «Naani a daani o *Ja Bijua bi?»

LOMA YAABA 8:13

Yi yaa tiendi ti gbanandi n bua yaala, yi baa kpe. Ama yi yaa teni ke mi Fuoma paalu ku yi gbanandi bontienkaala, yi baa ye.