Jan n diani U Tienu Laabaaliŋamo maama 10:6 - Gourmanchéma Bible

⁶ Jesu den pua ba laa kpanjama, ama baa den bandi wan maadi ba yaala.

U TIENU MAAMA TILI 2013

⁶ Jesu den pua ba laa kpanjama, ama baa den bandi wan maadi ba yaala.

Jan n diani U Tienu Laabaaliŋamo maama 10:6 ပူးပေါင်းရင်းမြစ်များ

Pisomi 106:7

Ti baanba n den ye Ejipiti diema nni, Baa den baa yanfuoma a bancianma po, Ki den sundi a ŋanbicianli po. Bi den fiini mi yiema mi ñincianmoanma kani.

Pisomi 82:5

Ama yii pia bandima ki buali yanfuoma, Yi cuoni li *biigili nni. Lani yaa po n teni ke tinga tanpuuna kuli begibi.

Mi Kpanjama 28:5

Bi nibiadiba ki bani mi *teginma n bua ki yedi yaala, Ama yaaba n lingi Li Miali Diedo wani bani likuli.

Esayi 56:11

Bi tie sangbantugidanbe Yaaba n ki pia ke bi guo. Bi tie yaa yankpaaba N ki bani ki gagidi liba. Bikuli ŋua bi sancele, Yua kuli bi siiga li lingi o yaa yuceli ŋamu yo.

Danieli 12:10

Bi niba boncianla baa ŋuudi ki pendi paipai ki ŋanbi nani ban yen jugi ti kudi ki ñani ti joagindi maama yeni. Bi nibiadiba baa yaa tiendi mi biadima, bi siiga nni oba kuli kan ga liba, ama yaaba n pia mi yanfuoma baa ga.

Matie 13:34

Jesu den waani ku niligu laa bonla kuli leni mi kpanjama. Waa den maadi leni ba kaa pua kpanjama.

Matie 13:51

O den buali ba: «Naani yi gbadi laa bonla kuli bonŋanla?» Bi den goa ki yedi o: «Mm.»

Marki 4:34

Waa den maadi leni ba kaa pua mi kpanjama. Ama wani leni o ŋoadikaaba yaa den piadi ki ye bi bebe, o yen bundi bipo mikuli.

Jan n diani U Tienu Laabaaliŋamo maama 16:25

N maadi yi lankuli leni mi kpanjama. Ama u yogunu kpendi ke n kan go pua kpanjama ka ki maadi leni yi. N baa maadi yi n Baa maama fuuli lan doagidi.

Jan n diani U Tienu Laabaaliŋamo maama 16:29

O ŋoadikaaba den yedi o: «To, moala a maadi bonŋanla, ŋaa go pua ti kpanjama.

Jan n diani U Tienu Laabaaliŋamo maama 6:52

Lani yaa po Jufinba den nia leni biyaba ki tua: «O naa nilo baa ga lede ki pa ti o gbanandi tin ŋmani?»

Jan n diani U Tienu Laabaaliŋamo maama 6:60

O ŋoadikaaba siiga boncianla n den gbadi laa maama bi den yedi: «Mi naa maama pa, ŋme baa fidi ki ga ma?»

Jan n diani U Tienu Laabaaliŋamo maama 7:36

Wan maadi yaa maama yeni ki yedi: ‹Yi baa lingi nni ki nan kan le nni,› ki go yedi: ‹Min baa ye naani, yi kan fidi ki cua likani,› laa maama mo bua ki yedi be?»

Jan n diani U Tienu Laabaaliŋamo maama 8:27

Baa den bani ke o maadi ba Baa yaa maame.

Jan n diani U Tienu Laabaaliŋamo maama 8:43

Be yaa po ke yii gbadi min maadi yaa maama? Li tie kelima yii fidi ki ga min yedi yaala.

1 Korenti 2:14

Ama li nisaali-yantiali n die yua, kan fidi ki ga yaa bonla n ñani U Tienu Fuoma kani, kelima li tie opo yanluobonla. O kan bandi la kelima li bigidi leni U Tienu Fuoma Yua yaa yantiale.

2 Pieri 2:22

Li tie bipo nani yaa kpanjama n tie moamoani na n yedi yaala: «O sangbanlo goa ki dini o siindi,» leni: «Bi wali o duoñua ke o goa ki labini ti moamoadi nni.»

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.