Jan n diani U Tienu Laabaaliŋamo maama 10:36 - Gourmanchéma Bible

³⁶ Li ga lede ke yi yedi ke n sugi U Tienu kelima n yedi ke n tie U Tienu Bijua yeni, mini U Tienu yua n tie ti Baa n gandi ki gagidi yua, ki soani nni ŋanduna nni?

U TIENU MAAMA TILI 2013

³⁶ Li gaa lede ke yi yedi ke n sugi U Tienu, kelima n yedi ke n tie U Tienu Bijua, mini U Tienu yua n tie ti Baa n gandi ki gagidi yua, ki soani nni ŋanduna nni?

Jan n diani U Tienu Laabaaliŋamo maama 10:36 ပူးပေါင်းရင်းမြစ်များ

Pisomi 2:2

Ki tinga badiba kuli fii ki sedi. Bi badijaba mo taani ki tuu ñoayenbu Ki fii ki sedi Li Miali Diedo Leni wan gandi yua po ki tua:

Esayi 42:1

Diidi n naacemo, min kubi yua ke o se bonŋanla, Min gandi yua, n pali n mani yua yaa po. N kuani n Fuoma o niinni O baa yaa wangi i nibuoli mi *teginma.

Esayi 42:3

O kan kua ki dudi yaa ñinkankagili n diegi, O kan gbindi yaa fidisancabigu n ŋubidi. O baa cuani yaa bujiali n tiegi leni i moamoani.

Esayi 55:4

Diidi n teni ke o tua siedi i nibuoli po, Nani o yudaano, ki gobidi i nibuoli.

Jeremi 1:5

«Hali ke n daa tagi a a naa tugu nni, n den tuodi ki bani a. Hali ke a daa ñani a naa tugu nni, n den gandi a ki gagidi ki ŋanbi a, ki dini a mi diema buoli sawalipualo.»

Matie 27:43

O dugi U Tienu po, U Tienu yaa bua o moamoani, wan nan ga o moala. Kelima o den yedi: ‹N tie U Tienu Bijua yo.› »

Matie 27:54

Minteela kobiga yudaano leni yaaba n den taa leni o ki ji Jesu kuli n den laa mi tindigibima leni yaala n tieni kuli, ti jawaandi den cuo ba boncianla, ke bi yedi: «Moamoani, one den tie U Tienu Bijua yo.»

Luki 1:35

Maleki den goa ki yedi o: «U Tienu Fuoma Yua baa cua a kani, Tanpojoma Tienu paalu baa yini apo. Lani yaa po bi baa yini ŋan baa maa yaa bigagidikaaga yeni U Tienu Bijua.

Jan n diani U Tienu Laabaaliŋamo maama 10:35

Leni U Tienu n yedi i Diani nni ke o maama n den soagini yaaba po naani leni wani U Tienu yeni, ti bani ke i Diani mo kan lebidi.

Jan n diani U Tienu Laabaaliŋamo maama 17:18

Nani ŋan den soani nni ŋanduna nni maama, n moko soani ba ŋanduna nni yene.

Jan n diani U Tienu Laabaaliŋamo maama 17:21

Min mia ŋa bipo yaala tie line, ke bikuli n yaa tie yendo nani fini Baa n ye n niinni ke n moko ye a niinni maama, ke bani mo n yaa ye ti niinni ke ŋanduna yaaba n daani ke fini n soani nni.

Jan n diani U Tienu Laabaaliŋamo maama 17:8

Kelima n caa ba ŋan den soani nni yaa tondu, bi mo ga ki bandi ke n ñani a kani moamoani, ki go daani ke fini n soani nni.

Jan n diani U Tienu Laabaaliŋamo maama 19:7

Jufinba den goa ki yedi o: «Tinba wani pia li *bali maama. Laa bali maama mo yaa po li bili ke li pundi wan kpe, kelima o den yedi ke o tie U Tienu Bijua.»

Jan n diani U Tienu Laabaaliŋamo maama 20:28

Toma den goa ki yedi o: «N Diedo leni n Tienu.»

Jan n diani U Tienu Laabaaliŋamo maama 20:31

Ama yaama n tie na diani ke yin daani ke Jesu tie *U Tienu n Gandi Yua, U Tienu Bijua, ke yi yaa tuo ki daani o, yin baa li miali o yeli nni.

Jan n diani U Tienu Laabaaliŋamo maama 3:17

U Tienu naa den soani o Bijua ŋanduna nni ke wan jia leni ŋanduna yaaba ti buudi ka, li tie ke wani U Tienu n faabi ba kelima o Bijua yaa po.

Jan n diani U Tienu Laabaaliŋamo maama 3:34

Kelima U Tienu n soani yua maadi U Tienu n maadi yaa maama, kelima wani U Tienu n puuni o o Fuoma ke o gbie o niinni.

Jan n diani U Tienu Laabaaliŋamo maama 5:30

N kan fidi ki tieni pu n yuceli po. N ja ti buudi nani min gba U Tienu kani maama. N ja yaa buudi n tiegi, kelima mii lingi ki baa tiendi n yaa yanbuama, kali yua n soani nni yaa yanbuama.

Jan n diani U Tienu Laabaaliŋamo maama 6:27

Yin da tuuni mani ki baadi yaa jiema n pendi ka. Yin yaa tuuni mani ki baadi yaa jiema n baa ye hali yaa yogunu kuli ki puuni yaa miali n kan gbeni. O *Ja Bijua n baa pa yi laa jiema kelima Baa U Tienu n tieni opo o maalima.»

Jan n diani U Tienu Laabaaliŋamo maama 6:38

Kelima mii ñani tanpoli po ki jiidi ki baa tiendi n yanbuama ka, kali yua n soani nni yaa yanbuama.

Jan n diani U Tienu Laabaaliŋamo maama 6:57

Baa yua n soani nni fo, n moko fo kelima wani yaa po. Li go tie yeni leni yua n di nni, o mo baa fo kelima n yaa po.

Jan n diani U Tienu Laabaaliŋamo maama 6:69

Tinba wani daani ki bani cain ke fini n tie U Tienu Nigagidika.»

Jan n diani U Tienu Laabaaliŋamo maama 8:42

Jesu den yedi ba: «U Tienu n yaa bi tie yi Baa, yi bi baa bua nni, kelima n ñani U Tienu kani ki cua. Mii cua n yuceli po ka, wani n soani nni.

LOMA YAABA 1:4

Ama li doagidi leni U Tienu Fuoma Yua paaciamu po, ke o tie U Tienu Bijua kelima o fiima bi tinkpiba siiga yaa po. Wani n tie ti Diedo Jesu Kilisiti.

LOMA YAABA 8:3

Li *bali maama n kaa den fidi ki tieni yaala kelima ti gbanandi tadingu po, U Tienu den tieni la. O den soani o Bijacele kelima ti tuonbiadi po, ke o taa yaa gbanandi n naani leni ti tuonbiadi n diedi yaa gbanandi. Wan den tieni yeni, o den buni ki cuo ti tuonbiadi ti gbanandi nni.

LOMA YAABA 9:5

Bi tie ti yaajanba puoliŋuani, Kilisiti moko den mali bi yaa buolu nne ti gbanandi po, wani yua n die li bonla kuli. U Tienu n baa ti pagidi hali yaa yogunu kuli. Amina.

Galati 4:4

Ama U Tienu n den bili yaa yogunu n pundi, o den soani o Bijua ŋanduna nni ke o pua mali o, ke li *balimaama n die o,