Jan n diani U Tienu Laabaaliŋamo maama 10:28 - Gourmanchéma Bible

²⁸ N puuni ba yaa miali n kan gbeni. Bi kan bodi hali abada, oba kuli kan fie baa n nuu nni mo.

U TIENU MAAMA TILI 2013

²⁸ N puuni ba yaa miali n kan gbeni. Bi kan bodi abada. Oba kuli kan fie ba n nuu nni mo.

Jan n diani U Tienu Laabaaliŋamo maama 10:28 ပူးပေါင်းရင်းမြစ်များ

Jobi 17:9

O niteginka wani n yaa li suagi liiga o tagu nni, Yua yaa nii n ki pia *joagindi mo yaa fidu n yaa pugidi!

Pisomi 31:5

A baa faabi nni leni ban dia nni yaa diagu, Kelima fini n guu nni.

Pisomi 37:28

Kelima Li Miali Diedo bua mi teginma. O kan ŋa o ŋoadikaaba, o kubi ba yogunu kuli. Ama bi nibiadiba puoliŋuani baa bodi.

Mi Kpanjama 24:16

O niteginka fidi ki ŋmadi ki baa figilima lele, o baa goa ki fii mo, Ama bi pieni ki luni bi nibiadiba wani fala nni.

Mi Kpanjama 4:18

Bi niteginkaaba n tagi yaa sanu tie nani u tiŋafaanu yenma yene. Mi baa yaa yendi, ki yendi ki pugidi hali u yensiinu.

Esayi 27:3

Mini Li Miali Diedo n tie o koaguudo, N kpidi u yogunu kuli Ñiagu leni yensiinu kuli n guu u kelima mii bua ban baa u.

Esayi 45:17

Isalele yaaba wani, bi baa baa mi faabima kelima Li Miali Diedo po. Yaa faabima n baa ye hali yaa yogunu kuli Yi kan go fiagi, Yi kan go yaa ye leni i fe hali yaa yogunu kuli po.»

Esayi 54:17

Ama ban tagi yaa jatiagu ki koani leni a kuli kan fidi a, Yaa lanbu n buni leni a ti buudi kuli, A baa maadi ki guli bu. Lani n tie Li Miali Diedo naacenba faali Lani n tie ban baa mini Li Miali Diedo kani yaa *moamoansaali. Li Miali Diedo n yedi yeni.

Esayi 55:3

Diadi mani yi tuba ki cua n kani, Cengi mani, yi miana baa yaa ye. N baa kuani leni yi yaa *ŋantaado n kan fidi, Li ŋanbimoanli ŋantaado, Dafidi po.

Jeremi 23:4

N baa lingi bipo yaa yankpaaba n baa taa ba ki ban yaa kpaa ba. Bi kan go yaa jie, bi kan go yaa digibi Baa bonyendo kan poadi bi siiga mo.» Li Miali Diedo n yedi yeni.

Jeremi 31:3

Mini Li Miali Diedo go yedi: ‹Hali yogu, n bua yi yaa buama n ki pia gbenma. Lani n teni ke n baa kubi n ŋanma yipo.

Jeremi 31:34

Oba kan go bangi o yua. Oba kan go yedi o kpiilo: ‹Bandi mani Li Miali Diedo!› Kelima bikuli baa yaa bani nni, Ki cili yua n wa bi siiga ki ban taani o nikpelo, Li Miali Diedo n yedi yeni. N baa tieni sugili bi tagili po. N kan go tiadi bi tuonbiadi po.»

Jeremi 32:40

N baa kuani yaa ŋantaado n kan fidi hali abada leni ba. N kan go buli ki ŋa ba. N baa tieni ba mi ŋanma, N baa kuani n fangili bi pala nni Lani n tie ban da foagidi leni nni.

Marki 13:22

Kelima yaa tuonanda n yedi ke bi tie U Tienu n gandi yaaba leni bi sawalipua-faadanba baa fii ki yaa tiendi sinankeeninba leni li bonlidikaala hali ke li yaa baa fidi, bi bi baa boandi U Tienu n gandi yaaba.

Luki 23:46

Jesu den kpaani ki yedi: «N Baa, n teni miali a nuu nni.» Wan den yedi yeni, o den fuo ki jiidi.

Jan n diani U Tienu Laabaaliŋamo maama 10:29

N Baa yua n den puni nni ba, cie yua kuli. Oba kuli kan fidi ki fie ba Baa nuu nni mo.

Jan n diani U Tienu Laabaaliŋamo maama 11:25

Jesu den yedi o: «Mini n tie bi tinkpiba fiima, leni li miali. Yua n daani nni, baa o yaa kpe, o baa fo.

Jan n diani U Tienu Laabaaliŋamo maama 14:19

Li yaa go pugini waamu, ŋanduna kan go le nni. Ama yinba wani, yi baa le nni kelima n fo ki ye, yi mo baa fo ki ye.

Jan n diani U Tienu Laabaaliŋamo maama 17:2

Kelima a dini o li bali ke o die bi nisaaliba kuli, ke wan pa ŋan puni o yaaba kuli yaa miali n kan gbeni.

Jan n diani U Tienu Laabaaliŋamo maama 18:9

O den yedi yeni ke wan den kpa maadi yaa maama n tieni, mani nna: «Ŋan puni nni yaaba yaa siiga, mii biani baa yendo.»

Jan n diani U Tienu Laabaaliŋamo maama 3:36

Yua n tuo ki daani Bijua kuli pia yaa miali n kan gbeni. Ama yua kaa tuo ki daani Bijua, o kan le laa miali. U Tienu pabienli bebe n baa sedi o yuli po.»

Jan n diani U Tienu Laabaaliŋamo maama 4:14

Ama yua n ñuni min baa pa o yaa ñima kuli, u ñunñuunu kan go cuo o hali abada. Min baa pa o yaa ñima baa tua ñinbunli o niinni ki yaa pudi ki puubi hali yaa miali n kan gbeni nni.»

Jan n diani U Tienu Laabaaliŋamo maama 5:24

N yedi yi i moamoani, yua n cengi n maama, ki daani yua n soani nni, pia yaa miali n kan gbeni. O kan cua ti buudi po, ama o ñani mi kuuma nni ki kua li miali nni.

Jan n diani U Tienu Laabaaliŋamo maama 6:27

Yin da tuuni mani ki baadi yaa jiema n pendi ka. Yin yaa tuuni mani ki baadi yaa jiema n baa ye hali yaa yogunu kuli ki puuni yaa miali n kan gbeni. O *Ja Bijua n baa pa yi laa jiema kelima Baa U Tienu n tieni opo o maalima.»

Jan n diani U Tienu Laabaaliŋamo maama 6:37

Baa n puni nni yaaba kuli baa cua n kani. N kan deli yua n cua n kani kuli.

Jan n diani U Tienu Laabaaliŋamo maama 6:47

N yedi yi i moamoani, yua n tuo ki daani nni pia yaa miali n kan gbeni.

Jan n diani U Tienu Laabaaliŋamo maama 6:68

Simono Pieli den goa ki yedi o: «N Daano, ti baa gedi ŋme kani? Fini n pia yaa miali n kan gbeni yaa maama.

Jesu Tondiba Tuona 7:59

Ban den lugidi Etiena a tana yaa yogunu, o den jaandi ki yedi: «N Diedo Jesu, ŋan ga n naano.»

LOMA YAABA 5:17

Li yaa tie ke o niyendo yeni n den tieni yaa tuonbiadi po, mi kuuma den die bi niba kuli ke bi kpe kelima laa niyendo po, lanwani laa pia kuli tama ke yaaba n baa U Tienu ŋanbicianli, ki go baa yaa paabu n tie li moamoansaali baa pia li miali ki die kelima laa niyendo yua n tie Jesu Kilisiti yaa po.

LOMA YAABA 5:2

Li tie kelima li dandanli Jesu po n teni ke ti baa U Tienu *ŋanbili, tin se yaali yaa niinni bonŋanla. Ti go pia li pamancianli kelima ti sugini ke ti baa taani leni U Tienu o kpiagidi nni.

LOMA YAABA 5:21

Lanwani, nani ti tuonbiadi n den die bi niba ki teni ke bi ku maama, li go tie yeni, U Tienu ŋanbili mo die bi niba kelima wani U Tienu puni baa li moamoansaali, ki caani ba yaa miali n kan gbeni po kelima ti Diedo Jesu Kilisiti yaa po.

LOMA YAABA 5:9

Tin baa li moamoansaali kelima Kilisiti soama po yeni, laa pia kuli tama ke ti baa faabi leni U Tienu pabienli kelima wani Kilisiti yaa po.

LOMA YAABA 6:23

Kelima ti tuonbiadi panpaani tie mi kuuma, ama U Tienu *ŋanbili-paabu tie yaa miali n kan gbeni ti Diedo Jesu Kilisiti nni.

LOMA YAABA 8:1

Lanwani moala buudi cuonuba ki go ye yaaba n ye Jesu Kilisiti nni po.

LOMA YAABA 8:29

U Tienu n den tuodi ki bani yaaba, o go den tuodi ki gandi ba ki baa teni ban tua nani o Bijua yeni, ke o Bijua n tua o bijakpelo o waamu U Tienu bila boncianla siiga.

Mi Tiadima 33:3

Moamoani de, o bua i nibuoli. Laa nibuoli nigagidiŋanba kuli ye a nuu nni, Bi kaa a taana kani Ki tie a nisoaginkaaba.

Filipi 1:6

N daani ki go bani cain ke wani yua n cili laa tuonŋanli yi niinni, baa tuuni li hali lin dudi Jesu Kilisiti goacuama daali.

2 Tesaloniki 2:13

Ti kpiiba, o Diedo buakaaba, li pundi tin yaa tuondi U Tienu yipo yogunu kuli, kelima o den gandi yi hali mi cilima mi *tindima po kelima o Fuoma yaa gagidiŋanbima po leni li *dandanli i moamoani nni yaa po.

1 Timote 1:16

Ama o den gbadi npo mi niñima line yaa po: Jesu Kilisiti cili ki doagidi o juunli mini yaa kani, ke min tua li bontogidikaala yaaba n baa daani o ki baa yaa miali n kan gbeni kuli yaa po.

2 Timote 1:12

Li tie lani yaa po ke n laadi yaa fala n tie na moala, ama mii jie i fe lipo baa waamu kelima n bani min daani yua, ki go bani ke o pia u paalu ki baa fidi ki kubi n pianli hali li daali n pundi.

Hebilunba 7:25

Li tie lani yaa po, ke o baa fidi ki faabi yaaba n nagidi U Tienu kelima o yaa todima po yaa yogunu kuli, kelima o ye ki fo yogunu kuli ki miadi U Tienu bipo.

1 Pieri 1:5

O bili la yinba yaa po, wani U Tienu paaciamu n kubi yaaba kelima li *dandanli po, yaa *tindima n baa yuandi ki doagidi mi juodima yogunu po.

1 Jan 1:2

Li miali yeni den doagidi ke ti laa li. Ti tiendi lipo siedi ki wangi yi yaa miali n kan gbeni, Yaali n den ye Baa kani, wan den doagidi tipo yaali yeni.

1 Jan 2:19

Kilisiti-yiekaaba yeni den ñani ti siiga, ama baa den tie ti siiga yaaba. Kelima bi yaa den tie ti siiga yaaba, bi bi baa ye leni ti. Ama ban ñani ti siiga yeni doagidi ke bikuli naa tie ti yaaba.

1 Jan 2:25

Wani n niani ti yaala tie yaa miali n kan gbeni.

1 Jan 5:11

Laa siedi n tie na: U Tienu puni ti yaa miali n kan gbeni, laa miali ye o Bijua niinni.

Jude 1:1

Mini Juda, yua n tie Jesu Kilisiti naacemo ki go tie Jaka waalo, n diani li tili yipo, yinba U Tienu yua n tie Baa n yini yaaba ki go bua yaaba, ki kubi yaaba Jesu Kilisiti po.

Jude 1:21

Yin yaa kubi mani yi yula U Tienu buama nni, ki gu ti Diedo Jesu Kilisiti n pa yi yaa miali n kan gbeni kelima o niñingbadima po.

Jude 1:24

U Tienu fidi ki kubi yi ke yin da tuudi ki baa, ki go sieni yi o kpiagidi nintuali ke yi naa pia ban baa fidi ki kuli yi leni yaala, leni li pamancianli.

1 Samueli 2:9

O baa yaa kubi o buakaaba ban caa naankani kuli. Ama bi nibiadiba wani baa bodi li *biigili nni. O nilo kan paadi liba leni o fidiceli.