Jan n diani U Tienu Laabaaliŋamo maama 10:27 - Gourmanchéma Bible

²⁷ N yaa pe cengi n nialu. N bani ba, bi mo ŋua nni.

U TIENU MAAMA TILI 2013

²⁷ N pe cengi n nialu. N bani ba, bimo ŋua nni.

Jan n diani U Tienu Laabaaliŋamo maama 10:27 ပူးပေါင်းရင်းမြစ်များ

1 Bi Badiba 18:21

Elia den nagini ki yedi ku niligu yeni: «Yi baa yaa lengidi sanilie siiga ki pundi hali u laa yogunu? Li Miali Diedo n yaa tie U Tienu, yin cubini ki ŋoadi o mani. Li yaa tie Baali mo n tie, yin cubini ki ŋoadi mani wani.» Ku niligu ki den guani o liba kuli.

Esayi 66:22

Lanwani nani min tieni Yaa tanpopaano leni yaa tinpanga Ke bi baa ye n nintuali maama, Yi puoliŋuani leni yi yeli mo baa ye yene. Li Miali Diedo n yedi yeni.

Matie 16:24

Lani Jesu den yedi o ŋoadikaaba: «Yua n bua ki yaa ŋua nni kuli, wan yie o yuli ki taa o *dapoanpoanli ki bugi, ki nan yaa ŋua nni.

Matie 17:5

Wan den maadi yeni yaa yogunu, yaa tawaligu n yieni den libini ba. U nialu den maadi ku tawaligu yeni niinni ki yedi: «One n tie n Bibuadiga, n pali n mani yua yaa po hali boncianla. Cengi mani o.»

Matie 25:12

Ama o den goa ki yedi ba: ‹N waani yi i moamoani, mii bani yi.›

Matie 7:23

Lane n baa kadi ki yedi ba: ‹Kalam, mii bani yi. Fuadi mani n kani, yinba yaaba n tiendi mi biadima.›

Marki 10:21

Jesu den diidi o ki bua o ki yedi o: «Bonyenla n poadi a kani. Gedi ki ban kuadi ŋan pia yaala kuli ki pa la a luoda, lane a baa baa ŋalimani tanpoli po. Li yaa puoli ŋan cua ki ŋoadi nni.»

Marki 8:34

Lani Jesu den yini ku niligu ke ku nagini o kani ki taani leni o ŋoadikaaba ke o yedi ba: «Yua n bua ki yaa ŋua nni kuli, wan yie o yuli ki taa o *dapoanpoanli ki bugi ki nan yaa ŋua nni.

Luki 13:27

O go baa goa ki yedi yi: ‹N yedi yi, mii bani yin ñani naani, fuadi mani n kani, yinba yaaba n tiendi mi biadima.›

Luki 9:23

Lani Jesu den yedi bi niba kuli: «Yua n bua ki yaa ŋua nni kuli, wan yie o yuli, ki yaa bugi o *dapoanpoanli daali kuli ki nan yaa ŋua nni.

Jan n diani U Tienu Laabaaliŋamo maama 10:14

Mini n tie o yankpaaŋamo. N bani n pe, n pe mo bani nni,

Jan n diani U Tienu Laabaaliŋamo maama 10:16

N go pia yaa pe n kaa ye li naa yanloli nni. Li tie tiladi min cuani bani moko. Bi moko baa cengi n nialu. Lani n pe kuli baa taani ki tua yangoyenli ki yaa pia yankpaayendo.

Jan n diani U Tienu Laabaaliŋamo maama 10:8

Yaaba n den cua ke n daa cua kuli tie concona leni sanjiaba, ama i pe ki den cengi ba.

Jan n diani U Tienu Laabaaliŋamo maama 12:26

O nilo yaa tuuni npo, wan yaa ŋua nni. Min baa ye naani, wani n naacemo mo baa ye lankani. Yua n tuuni npo kuli, n Baa baa jigini o.

Jan n diani U Tienu Laabaaliŋamo maama 21:22

Jesu den yedi o: «N yaa bua wan yaa ye hali min go baa cua, li ŋua ŋa bi? Fini, ŋoadi nni.»

Jan n diani U Tienu Laabaaliŋamo maama 5:25

N yedi yi i moamoani, u yogunu kpendi ki pundi baa moala, ke yaaba n kpe baa gbadi U Tienu Bijua nialu. Yaaba n baa gbadi u mo kuli baa fo.

Jan n diani U Tienu Laabaaliŋamo maama 8:12

Jesu go den yedi bi niba: «Mini n tie ŋanduna yenma, yua n ŋua nni kuli kan go cuoni li *biigili nni, ama o baa baa li miali yenma.»

Jan n diani U Tienu Laabaaliŋamo maama 8:43

Be yaa po ke yii gbadi min maadi yaa maama? Li tie kelima yii fidi ki ga min yedi yaala.

Jesu Tondiba Tuona 3:23

Yua n kan tuo ki cengi laa sawalipualo maama, bi baa ñani o U Tienu niba siiga ki bolini o.›

1 Korenti 8:3

Ama yua n bua U Tienu kuli, U Tienu mo bani wane.

Galati 4:9

Ama moala ke yi bandi U Tienu, bi ke U Tienu n bani yi, be n teni ke yi lebidi ki go ŋua bi nisaaliba bogida ya n tadi kaa pia mayuli, ki bua ki go tua laa bonla yonbi?

2 Timote 2:19

Baa yeni, U Tienu n pu yaa tanpuuli se bonŋanla, ki ñii mi naa maama po: «O Diedo bani o yaaba,» leni: «Yua n yedi ke o tie o Diedo yua kuli n sani ki ŋa mi biadima.»

Hebilunba 3:7

Lanwani, nani U Tienu Fuoma Yua n yedi maama: «Dinla, yi yaa gbadi o nialu,

Mi Doagidima 14:4

Bani n tie yaaba n kaa den *joagini bi yula leni bi puoba, ki tie nani a *powandiana yeni. Bi baa ŋua ki Pebiga wan caa naani kuli. Bi tie wan da yaaba bi niba kuli siiga, ke bi tie nani li bonluonka-kpiala yeni U Tienu po leni ki Pebiga po.

Mi Doagidima 3:20

Diidi, n se bu buliñoabu kani ki tua: Gafala! O nilo yaa gbadi n nialu ki luodi npo bu buliñoabu kuli, n baa kua o deni ki je leni o, o mo n je leni nni.