Jan n diani U Tienu Laabaaliŋamo maama 1:5 - Gourmanchéma Bible

⁵ Mi yenma yeni yendi li *biigili nni, ama li biigili ki ga ma.

U TIENU MAAMA TILI 2013

⁵ Mi yenma yeni yendi li biigili nni, ama li biigili ki gaa ma.

Jan n diani U Tienu Laabaaliŋamo maama 1:5 ပူးပေါင်းရင်းမြစ်များ

Mi Kpanjama 1:22

«Yinba bi yanpiidanba, yi baa bua mi yanpiima ki pundi hali u laa yogune? Yinba a ñuañuada yi baa yaa mangidi yi pala leni yi ñuali ki ban pundi hali u laa yogune? Yinba bi yanluodanba mo, yi baa nani mi bandima ki pundi hali u laa yogune?

Matie 5:15

Bi kan go cuoni ki fidisanga mo ki taa li sancianli ki ŋoagini ga, ama bi baa tuani ga u fidisantuankaanu, gan yendi yaaba n ye li dieli nni kuli po.

Jan n diani U Tienu Laabaaliŋamo maama 1:10

Mi Maama yeni den ye ŋanduna nni, mani n den tagi ŋanduna, ama ŋanduna ki den bandi ma.

Jesu Tondiba Tuona 26:18

N soani a bikani ke ŋan ŋubidi bi nuni, ki ñani ba li *biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani ban baa bi *tuonbiadi sugili, ki baa bi u kaanu U Tienu gagidi ki ŋanbi yaaba kelima li *dandanli po yaa siiga.›

LOMA YAABA 1:28

Nani bi nisaaliba n den sua ke laa pundi ban bandi U Tienu yeni, U Tienu mo ŋa ba ke bi yantiabiada paadi ba, ke ban yaa tiendi yaala n ki pundi.

1 Korenti 2:14

Ama li nisaali-yantiali n die yua, kan fidi ki ga yaa bonla n ñani U Tienu Fuoma kani, kelima li tie opo yanluobonla. O kan bandi la kelima li bigidi leni U Tienu Fuoma Yua yaa yantiale.