Jan n diani U Tienu Laabaaliŋamo maama 1:29 - Gourmanchéma Bible

²⁹ Lan den fii ki fa, Jan den laa Jesu ke o kpendi o kani ki yedi: «Diidi mani U Tienu Pebiga, yua n tugi ki ñandi ŋanduna *tuonbiadi.

U TIENU MAAMA TILI 2013

²⁹ Lan den fii ki faa, Jan den laa Jesu ke o kpendi o kani, ki yedi: «Diidi mani U Tienu Pebiga, yua n ñandi ŋanduna tuonbiadi.

Jan n diani U Tienu Laabaaliŋamo maama 1:29 ပူးပေါင်းရင်းမြစ်များ

Mi Ñama 28:38

Laa bonla baa ye Alono yutunli po. Alono baa tugi Isalele yaaba tagili a pada po, li baa yaa ye o yutunli po wan baa cua Li Miali Diedo nintuali yaa yogunu kuli lan tie wan fidi ki tuo bi miabu.

Esayi 53:10

Baa yeni, li den mani Li Miali Diedo Ke wan pua ki moagi o leni fala. Wan puni o miali ke li tua li padili yeni, O baa le o puoliŋuani, O miali dana mo n foagidi, Li Miali Diedo yanbuama mo baa tieni o yaa nuu nni.

Esayi 53:11

Wan laa yaa fala lipo yeni, O baa le li ñuadi Leni ban baa bandi o maama po Wani n naacemo yua n tiegi yeni baa saa niba boncianla po moamoani Ki taa bi tagili ki tugi.

Esayi 53:7

Bi den faligi o, ki fiagi o Ke o naa den yaadi o ñoabu Nani ban caani yaa pebiga u yankodikaanu yeni. Nani ban moagi o pia kobidi ke o ŋmini maama yeni Waa yaadi o ñoabu.

Ose Tili 14:2

Isalele yaaba, lebidi ki guani mani Li Miali Diedo, yi Tienu kani, Kelima, yi *tuonbiadi n teni ke yi baa.

Levi 10:17

O den yedi ba: «Be yaa po ke yii ŋmani i candanbaani padiyanga yeni nandi yaa kaanu n gagidi nni? Li tie yaa bonla n gagidi ki ŋani hali bonŋanla. Li Miali Diedo den puni yi laa bonla ke yin ñani li nitaanli tagili ki go mia bipo sugili Li Miali Diedo nintuali.

Sakari 13:1

Li Miali Diedo, U Paaciamu Kuli Daano yedi: «Laa daali, Li ñinbunli baa pudi, Ki yaa ŋuudi ki ñandi Dafidi puoliŋuani Leni Jelusalema yaaba *tuonbiadi leni bi joagindi.

Mi Coadima 18:1

Li Miali Diedo den yedi Alono: «Fini, a bijaba leni a diegu nni yaaba, yi baa yaa tugi yaa tagili n tieni U*kaangagidiŋamu yaa panpaani. Fini leni a bijaba mo n baa yaa tugi yaa tagili n tieni li kopadician-tuonli nni kuli yaa panpaani.

Mi Coadima 18:23

Lefi buolu yaaba n baa yaa tuuni u Kadikaanu gbandieli nni, ki yaa tugi bi tagili tugili. Li baa yaa tie yaa mabilikaama n baa ye yaa yogunu n tu yaa yogu yi nifiima yaama n baa ŋoadi kuli siiga.

Mi Coadima 21:9

Musa den duadi ti kumoandi wa ki joani o ku dafoagidigu po. Wa n den ñidi yua kuli ke o yaadi ki diidi ti kumoandi wa yeni, o yen ciadi.

Matie 1:21

O baa maa bonjaga, ŋan yini o Jesu, kelima wani n baa faabi o niba leni bi *tuonbiadi.»

Matie 20:28

Lani n tie o Ja Bijua n cua ki tiendi maama. Laa tie nitoaba n yaa tuuni opo ka, ama ke wan yaa tuuni nitoaba po, ki go pa o miali ki kpe, ki da ki faabi bi niba boncianla.»

Jan n diani U Tienu Laabaaliŋamo maama 1:35

Lan go den fii ki fa Jan den ye likani leni o ŋoadikaaba siiga bonba lie,

Jan n diani U Tienu Laabaaliŋamo maama 1:36

ki laa Jesu ke o cuoni ki yedi: «Diidi mani U Tienu Pebiga.»

Jan n diani U Tienu Laabaaliŋamo maama 1:43

Lan go den fii ki fa Jesu den jagi ke o baa gedi *Galile. O den tuogi Filipi ki yedi o: «Ŋoadi nni.»

Jan n diani U Tienu Laabaaliŋamo maama 2:1

Li dataali daali li pocaali den tieni Kana, *Galile diema nni. Jesu naa mo den ye likani.

Jan n diani U Tienu Laabaaliŋamo maama 3:16

U Tienu den bua ŋanduna yaaba bonŋanla hali ki puni o Bonjayenyenga, ke yua n daani o kuli n da bodi, ama wan yaa pia yaa miali n kan gbeni.

Jan n diani U Tienu Laabaaliŋamo maama 4:42

Bi den yedi o pua yeni: «Moala, laa di tie ŋan bi waani ti yaa maama bebe ka teni ke ti tuo ki daani o, tinba tiba gbadi o maama ki bani ke moamoani wani n tie ŋanduna Candaano.»

Jan n diani U Tienu Laabaaliŋamo maama 6:51

Mini, n tie yaa jiema n fo ki ñani tanpoli po ki jiidi ki puuni li miali. Yua n di laa jiema kuli baa ye hali yaa yogunu kuli. Min baa pa o yaa jiema yeni tie n gbanandi, min baa pa yaadi ŋanduna yaaba kuli po ke ban baa li miali.»

Jesu Tondiba Tuona 8:32

Wan den cogi i Diani nni naankani den maadi yaa maama n tie na: «Bi den dia o nani o pia yeni ki caani o u yankodikaanu po. Nani ki pebiga n ŋmini yua n moagidi o kobidi kani maama. Waa den yaadi o ñoabu.

1 Korenti 15:3

N den kpa waani yi mini nba n den baa yaa bangima, lani n tie ke Kilisiti den kpe ti yaa *tuonbiadi po nani i Diani n yedi maama,

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba yaa po, ke timo n baa o yaa niinni U Tienu*moamoansaali.

Galati 1:4

Wani Jesu Kilisiti n den puni o yuli ti *tuonbiadi po, nani ti Baa U Tienu n den bua maama, ki baa faabi ti leni ŋanduna na leni o biadima.

Galati 3:13

Kilisiti den da ki faabi ti leni li bali maama yaa solindi, ki den tua ti solindi ti yaa po, kelima li diani: «Ban joani yua ku daagu po kuli tie ti solindi yua.»

1 Timote 2:6

Wani n den puni o yuli ki kpe ki pani mi *faabima panli bi niba kuli po. Laa siedi n den tieni u yogunu n den pundi.

Titi 2:14

O den puni o yuli ki kpe tipo ke wan da ki faabi ti leni mi biadima kuli, ki ŋuudi ki ŋanbi ti tin tua wani n die yaaba, yaaba n baa pia li yankuali a tuonŋama po.

Hebilunba 1:3

Wani Bijua yeni n yadi U Tienu kpiagidi yendima. U Tienu n tie maama, o Bijua moko tie yeni cain. O go kubi mi tagima kuli ke mi ye kelima o maama paaciamu po. Wan den soani ti *tuonbiadi ŋuudi-ñanma tuonli ki dudi, o den kali hali tanpojoma, U Tienu yua n pia ti kpiagidi jienu po.

Hebilunba 2:17

Lani yaa po, li den tie tiladi ke wan tua nani o waamu yeni li bonla kuli nni. Yeni, ke wan yaa tie yaa kopadicianba bado n gba bipo mi niñima ki go tie o nidugika wan tuuni bipo yaa tuonli U Tienu kani leni wan go den padi i *candanbaani padili ki baa sugili bi niba*tuonbiadi po maama.

Hebilunba 9:28

Li tie yeni ke Kilisiti den padi o yuli ki kpe yenma, ki tugi bi nisaaliba boncianla tuonbiadi. O go baa cua mi liema ki doagidi o yuli ke li kan go yaa tie ti tuonbiadi ñanma po ka, ama yaaba n den gu o *tindima po.

1 Pieri 1:19

Ama, o den da ki faabi yi leni Kilisiti yaa soama, yaama n pia mayuli hali boncianla ki tie nani ban padi yaa pebiga n ki pia poadoba kuli yaama maama yeni.

1 Pieri 2:24

Wani yua n den tugi ti tuonbiadi O gbanandi nni ku daagu po, Ke tinba yaaba n kpe ti tuonbiadi po yeni, N yaa di ye ki fo ki baa tiendi mi teginma. Li tie kelima o poagilima yaa po ke yi paagi.

1 Pieri 3:18

Kilisiti moko den laa fala yenma ti *tuonbiadi po ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den goa ki baa li miali kelima mi Fuoma po.

1 Jan 2:2

Wani n tie i candanbaani padili ti tuonbiadi po. Laa tie ti yaa tuonbiadi bebe po ka, ama ŋanduna yaaba kuli yaa tuonbiadi po.

1 Jan 3:5

Yi bani ke wani o Diedo n den doagidi ki baa ñani tin yaa tuonbiadi. Tuonbiadiba kuli ki ye o niinni baa waamu.

1 Jan 4:10

Mi buama yeni naa tie ke tinba ka den bua U Tienu, ama mi tie ke wani n den bua ti, ki soani o Bijua ke o tua i *candanbaani padili ti yaa *tuonbiadi po.

Mi Doagidima 1:5

leni Jesu Kilisiti yua n tie o siedi-dugika leni o nikpialo yua n kpa fii bi tinkpiba siiga, leni ŋanduna badiba kuli bado, n pa yi li *ŋanbili leni mi yanduanma! Wani yua n bua ti ki den faabi ti leni ti *tuonbiadi kelima o soama yaa po,

Mi Doagidima 12:11

Bi den paadi o Kelima ki Pebiga soawulima Leni bi siedi maama yaa po, Baa den bua ki ga bi miana, Hali ki baa jie mi kuuma.

Mi Doagidima 13:8

Ki tinga nni yaaba kuli baa gbaani ki kpiagi ki fuayanga, bani yaaba yaa yela n kaa diani ki pebiga miali tili nni, lani n tie ban den kodi yaaga hali ke ŋanduna daa tagi.

Mi Doagidima 14:1

N den diidi ki laa ke ki Pebiga se yaa juali n yi Siyono po, ke kobiga n piinaa n niba tudanaa (144 000) se leni o. Bi den tie yaaba n den pia ki Pebiga yeli leni o Baa yeli bi yutuna po.

Mi Doagidima 14:10

o moko baa ño yaa duven n tie U Tienu pabienli cuonu, laa duven ki laa leni liba, ama o kuodi o o pabienli cuonu tadiñokaaga nni. O baa laadi fala mi fantama leni li cidibili nni, bi maleki gagidiŋanba nintuali leni ki Pebiga nintuali.

Mi Doagidima 14:4

Bani n tie yaaba n kaa den *joagini bi yula leni bi puoba, ki tie nani a *powandiana yeni. Bi baa ŋua ki Pebiga wan caa naani kuli. Bi tie wan da yaaba bi niba kuli siiga, ke bi tie nani li bonluonka-kpiala yeni U Tienu po leni ki Pebiga po.

Mi Doagidima 15:3

ki yiini U Tienu naacemo Musa yanbu, buni, ki Pebiga yanbu, ki tua: «O Diedo U Tienu, U Paaciamu Kuli Daano, A tuona yaba ki pia mi ñuadima. A sani tiegi ki tie moamoani, Fini yua n tie i nibuoli kuli bado.

Mi Doagidima 17:14

Bi baa tuogi bu toabu leni ki Pebiga, ama ki Pebiga baa paadi ba kelima o tie bi diediba Diedo leni bi badiba Bado. Wan den yini ki gandi yaaba, yaaba n tie o nidugikaaba, baa taani leni o ki moko n paadi ba.»

Mi Doagidima 19:7

Tin mangi mani ti pala Ki yaa pia li pamancianli Ki kpiagi o, Kelima ki Pebiga Potaali yogunu pundi, O pocaano bogini ki bobi.

Mi Doagidima 19:9

Lani maleki yeni den yedi nni: «Diani yaa maama n tie na: li pamanli ye leni ban yini yaaba ki Pebiga pocaajiema po.» O go den yedi nni: «Mi naa maama tie U Tienu n maadi yaa moamoani.»

Mi Doagidima 21:14

U dogu bilinciamu yeni den pia piiga n tanpuuna lie, ke ki Pebiga piiga n tondiliediba yela taabi apo.

Mi Doagidima 21:27

Joagindi baa kuli kan baa ki kua u niinni. Yua n tiendi ti cagindi leni yua n pua mi faama kan kua u niinni, kali yaaba yaa yela n diani ki Pebiga tili nni, li miali tili nni yeni, bani bebe n baa baa ki kua u niinni.

Mi Doagidima 21:9

Lani yaa maleki-leleediba n den kubi yaa tadibuo-leleedimu n gbie leni i falabiadi-leleedi-juodike siiga nni yendo den cua n kani ki maadi leni nni, ki yedi: «Cua na, n baa waani a o pocaano, yua n tie ki Pebiga pua.»

Mi Doagidima 5:6

Lani, n go den laa ki Pebiga, ke li naani ke bi kodi ga, ke ki se li bali kalikaanu kani, a bonfuodinaada leni bi nikpeliba yeni siiga. O den pia yina lele leni nuni lele yi n tie U Tienu fuoma yaaba bilele, wan soani yaaba ki tinga kuli nni.

Mi Doagidima 5:8

Wan den ga li tili, a bonfuodinaada leni bi piilie n nikpenaadiba den gbaani wani ki Pebiga nintuali. Bi siiga yua kuli den muubi ku kogidigu, leni wula tadibuomu ke mu gbie leni a *dugibila, yaala n tie bi *nigagidiŋanba jaandi.

Mi Doagidima 6:1

Lani, n den laa ke ki Pebiga den tabidi maalima bontabinkaala lele yeni siiga yenma yaa yogunu. N den gbadi ke a bonfuodinaada siiga yendo maadi ke o nialu tie nani i tatantani yeni ki yedi: «Cua na.»

Mi Doagidima 6:16

Bi den miadi a juana leni a tanciama ki tua: «Baa mani tipo ki wuoni ti yua n ka li bali kalikaanu po leni ki Pebiga pabienli po.

Mi Doagidima 7:14

N den goa ki yedi o: «Canbaa, a bani.» O den yedi nni: «Bi tie yaaba n ñani o falaciamo nni, bi ŋuudi bi liadiciama ki Pebiga yaa soama nni ki pendi ŋa.

Mi Doagidima 7:17

Kelima ki Pebiga, yua n ye li bali kalikaanu siiga baa tie bi yankpaalo, ki gobidi ki caani ba li miali ñinbuna kani, U Tienu mo baa duuni ki ñani bi ninsiidi kuli bi nuni nni.»