Jan n diani U Tienu Laabaaliŋamo maama 1:18 - Gourmanchéma Bible

¹⁸ Oba kuli daa laa U Tienu. Ama ki Bonjayenyenga, yua n tie U Tienu ki ye Baa kani yogunu kuli, n teni ke bi niba bandi o.

U TIENU MAAMA TILI 2013

¹⁸ Oba kuli daa laa U Tienu. Ama ki Bonjayenyenga, yua n tie U Tienu ki ye Baa kani yogunu kuli, n teni ke ti bandi o.

Jan n diani U Tienu Laabaaliŋamo maama 1:18 ပူးပေါင်းရင်းမြစ်များ

Mi cilima 16:13

Agala den buali o yuli yaa buali n tie na: «Naani n li laa U Tienu moamoane ki baa se leni li miali?» Li yaa puoli, o den puni Li Miali Diedo yua n den maadi leni o yaa yeli n tie na: «U Tienu yua n nua nni.»

Mi cilima 18:33

Li Miali Diedo den gedi wan den maadi ki gbeni leni Abalahama yaa yogunu. Abalahama den guani o denpo.

Mi Ñama 23:21

Cengi o maama, tieni wan yedi a yaala, ŋan da fiini opo yiema, kelima mini n soani o. O kan pa ŋa sugili a yaa fiini opo yiema.

Mi Ñama 24:10

Bi den laa Isalele yaaba Tienu. O taana tiipo den naani leni safili tana ki boani nani tanpoli n boani maama ki ñuliti kolikoli.

Mi Kpanjama 8:30

N den taa ki tuuni leni wani U Tienu, Ki mangidi o pali daali kuli, Ki jeli o nintuali yogunu kuli.

Esayi 40:11

O kpaa o yangoli nani o yankpaalo yeni. O gobidi ki taani a pebila leni o buagu Ki taa ba ki ŋmabi. O gobidi yaa peñoe n da ŋaandi.

Jeremi Bubula 2:12

Bi den tua bi naanba: «Ti baa baa mi jiema leni mi ñima le?» Bi den ŋmadi ki baali nani yaaba n poagili u dogu siiga yeni. Bi den yen fuo ki jiindi Bi naanba biina po yo.

Mi Coadima 12:8

N maadi leni o ke o gba n nialu. N doagidi n yuli o kani, ke laa tie wuoli nni, hali ke o laadi Li Miali Diedo nannanli. Lanwani, be yaa po ke yii jie ki yenbidi n naacemo Musa po?»

Matie 11:27

N Baa puni nni li bonla kuli bali. Oba kuli ki bani Bijua, li yaa tie Baa yaaka, oba kuli mo ki bani Baa, li yaa tie Bijua, leni wani Bijua n bua ki doagidi o yua yaa po yaaka.

Luki 10:22

Jesu den pugini ki yedi: «N Baa puni nni li bonla kuli bali. Oba kuli ki bani Bijua n tie yua kali Baa bebe, oba kuli mo ki bani Baa n tie yua kali Bijua leni wani Bijua n bua ki doagidi o yua yaa po.»

Jan n diani U Tienu Laabaaliŋamo maama 1:14

Mi Maama yeni den tua nisaalo, ki ye ti siiga ki gbie leni li*ŋanbili leni i moamoani. Ti den laa o kpiagidi, wani ki Bonjayenyenga yua n ñani Baa kani yaa kpiagidi.

Jan n diani U Tienu Laabaaliŋamo maama 12:41

Esayi den maadi lani kelima o den laa Jesu kpiagidi ki maadi o maama.

Jan n diani U Tienu Laabaaliŋamo maama 13:23

O ŋoadikaaba siiga, Jesu n den bua yua den kpaagi ki kuu leni o.

Jan n diani U Tienu Laabaaliŋamo maama 14:9

Jesu den yedi o: «Filipi, baa ke n waagi ki ye leni yi, a daa bani nni? Yua n laa nni kuli laa Baa. Be yaa po ke a yedi min waani yi Baa?

Jan n diani U Tienu Laabaaliŋamo maama 17:26

N den teni ke bi bandi a yeli n go baa teni ban bandi li, ke ŋan bua nni yaa buama buolu n yaa ye bi pala nni, ke mini mo n yaa ye bi niinni.»

Jan n diani U Tienu Laabaaliŋamo maama 17:6

N doagidi a yeli ŋan den puni nni yaa niba kani ŋanduna siiga. Bi den tie a yaa yaaba, ke a den puni nni ba. Bi mo tuo ki kubi a maama.

Jan n diani U Tienu Laabaaliŋamo maama 3:11

N yedi a i moamoani, ti maadi tin bani yaala, ki tiendi siedi tin laa yaala po, ama yii tuodi ki gaani ti siedi.

Jan n diani U Tienu Laabaaliŋamo maama 6:46

Laa bua ki yedi ke niloba kuli laa Baa ka. Yua n ñani U Tienu kani yaaka. Wani bebe n laa Baa.

2 Korenti 4:4

bani yaaba n kaa daani po. Sutaani, yua n die ŋanduna, na juani bi yantiana, ke ban da le Kilisiti yua n tie U Tienu nannanli yaa Laabaaliŋamo kpiagidi yendi.

Mi Tiadima 4:12

Li Miali Diedo den maadi leni yi mi fantama siiga. Yi den gba u nialu leni mi maama, ama yi naa den nua nunga. U nialu bebe n den li ye.

Kolosi 1:15

Wani Kilisiti n tie U Tienu tin kaa fidi ki nua yua yaa nannanli, ki go tie o Bijakpiaga yua n den ye hali ke bonlaba kuli daa tagi.

1 Timote 1:17

U Tienu, yua n tie o Badiciamo hali yaa yogunu kuli kaa pia kuuma, tin ki nua yua, wani yua bebe n tie U Tienu n yaa baadi ti jigidi leni ti kpiagidi yaa yogu n tu yaa yogu. Amina.

1 Timote 6:16

Wani bebe n ki pia kuuma, Ki ye miali kuli n kan nagini yaa yenma nni. Miali kuli n daa laa yua Ki kan fidi ki le o mo. Wani n pia yaa jigidi leni yaa paaciamu N ki pia gbenma hali yaa yogunu kuli. Amina!

Josue 5:13

Dayenli Josue den kuu leni Jeliko dogu. O den yaadi ki noanli o liiga ki sua ke o ja se o nintuali ki noadi ki jugisiega ki muubi. Josue den nagini o ki yedi o: «A tie ti yaa po yua bi, bi ti yibalinba yaa po yua yo?»

1 Jan 4:12

Oba kuli daa laa U Tienu, ama ti yaa bua tiyaba, U Tienu ye ti niinni, o buama moko ye ti niinni ki dagidi cain.

1 Jan 4:20

O nilo yaa tua ke o bua U Tienu, ki nan nani o kpiilo, o tie tuofaadaano, kelima yua n naa bua o kpiilo wan nua yua, o baa ga lede ki bua U Tienu wan ki nua yua.

1 Jan 4:9

U Tienu n den doagidi o buama tipo maama n tie line: U Tienu den soani o *Bijayenyenga ŋanduna nni ke tin yaa pia li miali kelima o yaa po.

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.