Jeremi Bubula 5:5 - Gourmanchéma Bible

⁵ Ti yibalinba fii ki sedi tipo. Ti coagi hali boncianla, Baa puni ti fuodima baa waamu.

U TIENU MAAMA TILI 2013

⁵ Ti yibalinba fii ki sedi ti po. Bi coagi ti hali boncianla, Baa puni ti fuodima ba waamu.

Jeremi Bubula 5:5 ပူးပေါင်းရင်းမြစ်များ

Jeremi 27:2

«Li Miali Diedo maadi leni nni mine: Ŋan figi i baabi ki lingi a landa ki laa a tulu nni.

Jeremi 27:8

Nibuoluba, bi diemaba yaa yie ki kan soani Babilona bado Nebukanesa po, ki yie ki kan teni o tulu Babilona bado n lani o li landili, n baa fii ki sedi laa diema po leni ki jugisiega, mi koma leni u yianbiadipuodiko hali ki ban bolini mi diema yeni leni o nuu. Mini Li Miali Diedo n yedi yeni.

Jeremi 28:14

Kelima Isalele Tienu U Paaciamu Kuli Daano Li Miali Diedo yedi nanda: ‹N baa lani i nibuoli kuli yaa landili n tie ti kudi ki teni ban soani Nebukanesa Babilona bado po. Bi baa soani opo mo. N go puni wane baa ku muagu nni yandi moko.› »

Jeremi 51:58

Li Miali Diedo U Paaciamu Kuli Daano n go yedi mine: «Babilona bilinciami baa ŋmadi ki baa cain. Mi fantama baa juu o buliñoana ya n kpedi boncianla yeni. Bi niba baa sua ke bi soani fanma po yo. I nibuoli baa sua ke bi coagi bi yula mi fantama po.»

Jeremi Bubula 1:14

O taa n biadima kuli ki tuni nni. Lani n tie Li Miali Diedo n gbeni n gbanmanu maama n yeni. O teni ke yaa nii n muubi nni yeni, n kan ŋmadi.

Jeremi Bubula 1:3

Bi gedini Juda ti yonbidi, o laa i fe. O fala kandi hali boncianla. O kaa i nibuoli siiga kaa pia yanduanma. Yaaba n sedi opo kuli baa paadi o, O paboankandikaali siiga.

Jeremi Bubula 4:19

Ti yibalinba jaligi ki cie jiebaninba. Bi ŋua ki deli ti a juana po Ki dia ti ti diadi mi fanpienma nni.

Mise 2:3

Li tie lani yaa po ke Li Miali Diedo yedi yaa maama n tie na: «Diidi, n jagi ke n baa teni fala n baa yaa nibuolu n tie na. Yi kan fidi ki ciadi, Laa yogunu yi kan go fidi ki yaani yi yula Ki cuoni leni ti japaadi, Kelima u yogunu yeni baa bia.

Matie 11:29

Laa mani n naakpakpaadi-daagu, ki ga n bangima, kelima n dingi ki pia li yumiinli, yeni yi baa baa mi fuodima yi naani po.

Jesu Tondiba Tuona 15:10

Lanwani be yaa po ke yi moandi ki baa biigi U Tienu, ki bua ki tuni bi ŋoadikaaba yaa tugili ke tinba leni ti yaajanba kuli n kaa den fidi ki tugi yaali.

Mi Tiadima 28:48

diidi moala yi baa yaa tuuni Li Miali Diedo n baa soani yipo yaa yibalinba yeni siiga, mi koma leni u ñunñuunu nni, li mubili leni mi luoma cain siiga. O baa maani yi bunkpana po ti kudi yaa naakpakpaadi daadi, hali wan bolini yi ki gbeni.