Jeremi Bubula 4:22 - Gourmanchéma Bible

²² Fini Siyono dogu badisalo A tagili gbeni. O kan go gedini a ti yonbidi. Edomi diema badisalo, o baa waani a tagili fala. O baa doagidi a tuonbiadi kuli.

U TIENU MAAMA TILI 2013

²² Fini Siyon dogu badisalo, A tagili gbeni. O kan go gedini a ti yonbidi. Edomi diema badisalo, O baa waani a tagili, Ki doagidi a tuonbiadi kuli.

Jeremi Bubula 4:22 ပူးပေါင်းရင်းမြစ်များ

Pisomi 137:7

Li Miali Diedo, da sundi Edomi yaaba n tieni yaala po, Bani yaaba n den tua, ban paadi Jelusalema yaa daali: «Koadi mani! Koadi mani ki ñani hali a tanpuuna!»

Esayi 40:2

Maadi mani leni Jelusalema yaaba ki waani ba Ke bi janjanma gbeni, Ke bi baa sugili bi tagili po, Kelima bi baa U Tienu kani Bi *tuonbiadi panpaani figilima lie.»

Esayi 52:1

Fundi mani, fundi mani yinba Siyono yaaba! Fii mani leni yi fidu yinba u dogagidiŋamu, Jelusalema yaaba! Bobi mani yi tiaŋandi, Kelima jifola leni yaaba n *joagini kuli kan go kua yi kani.

Esayi 60:18

Bi kan go gbadi ke bi maadi mabinga maama a diema nni Bi febu leni bolinma kan yaa ye a tinga nni. A baa yini a bilini yeli “mi Yanduanma,” Ki go yini a buliñoana yeli mo “ti Pagidi.”

Jeremi 32:40

N baa kuani yaa ŋantaado n kan fidi hali abada leni ba. N kan go buli ki ŋa ba. N baa tieni ba mi ŋanma, N baa kuani n fangili bi pala nni Lani n tie ban da foagidi leni nni.

Jeremi 33:7

N baa teni Juda leni Isalele niba yaaba n ye ti yonbidi N guani, min goa ki kaani ba nani kpiama yeni.

Jeremi 33:8

N baa ŋuudi ki ŋanbi ba Leni ban den tieni yaa *tuonbiadi kuli ki tudi npo. N baa tieni bipo sugili leni ban den tudi npo Ki tieni yaa tuonbiadi leni ban den fii npo leni yaa yiema.

Jeremi 49:10

Kelima n baa kpabidi Esayu. N baa doagidi o wuonkaani kuli. O kan go fidi ki wuoni. Bi baa bolini o puoliŋuani, O kpiiba, o yieninlieba kuli kaa go ye.

Jeremi 50:20

Laa dana nni, Li Miali Diedo yedi: «Bi baa lingi Isalele tagili, Ama bi kan go le i. Juda tuonbiadi mo, bi kan le ti, Kelima min sieni yaaba, n baa tieni bipo sugili.

Jeremi Bubula 4:21

Edomi diema poŋamo, suagi ki yaa mangidi a pali, Fini yua n kaa Utisi diema nni. A moko baa mubini ki tadiñokaaga Ki ño ki gaadi, Ki sedi mubili.

Jeremi Bubula 4:6

N niba diema badisalo tagili cie Sodoma dogu yaaba *tuonbiadi, Yaaba n den ŋmadi ki baa yenma Ke niloba ki pieni ki luni ba.

Esekieli 37:28

N kaangagidiŋamu yaa ye bi siiga yaa yogunu kuli po, nibuotoe baa bandi ke n tie Li Miali Diedo yua n gagidi ki ŋanbidi Isalele yaaba.»

Esekieli 6:12

U yianbiadipuodiko baa kpa yaaba n ye foagima Ki jugisiega mo n kpa yaaba n ye koanma nni, Mi koma mo n bolini ban cua ki baa mi diema Ki cuo ki sieni yaaba. N baa teni n pabienli bipo n tuoni li bianu.

Abidiasi 1:10

Yinba Edomi yaaba den tieni Yi kpiiba Jakobo puoliŋuani mi biadima. Lani n teni ke yi baa le i fe, Ki bodi cain hali yaa yogunu kuli po!

Malaki 1:3

Ki nandi Esayu leni o yaa puoliŋuani. N den bolini Esayu diema, yaama n den ye a juana nni, Ki teni ke i tanboe diedi ma, Ke mi tua fanpienma.

Malaki 1:4

Edomi yaaba, bani Esayu puoliŋuani yeni yaa fii Ki yedi ke bi bolini bi dogi, Ama bi baa guani ki maa bi ci.» Li Miali Diedo, U Paaciamu Kuli Daano baa guani ki yedi: «Cedi ba mani ban goa ki maa bi ci, N didi go baa bolini i. Bi niba baa yaa yi bi diema: “Mi biadima diema,” Bani, mi niba mo, bi baa yaa yi ba: “Li Miali Diedo pali n be yaa nibuolu po yogunu kuli.”