Jeremi Bubula 3:40 - Gourmanchéma Bible

⁴⁰ Tin noanli, tin diidi mani ti sani bonŋanla, Ki guani Li Miali Diedo kani.

U TIENU MAAMA TILI 2013

⁴⁰ Tin diidi mani ti sani bonŋanla, Ki guani o Diedo kani.

Jeremi Bubula 3:40 ပူးပေါင်းရင်းမြစ်များ

2 Bi Badiba Jama 30:6

A tonda den gaani Juda diema nni leni Isalele diema nni kuli, ki teni o bado leni o koanbala n den diani yaa tila, ki go den maadi nani o bado mo n den puogi ba maama ki yedi: «Yinba Isalele yaaba, yaaba n ki baa Asili bado nuu nni, yin lebidi ki guani Abalahama leni Isaaka leni Jakobo Tienu kani. Yeni omo baa guani yikani.

2 Bi Badiba Jama 30:9

Yi yaa guani Li Miali Diedo kani, yaaba n gedini yi bila leni yi kpeliba ti yonbidi yeni, baa gbadi bipo mi niñima ki ŋa ba ban guani mi naa diema nni. Kelima Li Miali Diedo yi Tienu tiendi li *ŋanbili ki go gba mi niñima, ki kan buli yi o nunga, yi yaa guani o kani.»

Pisomi 119:59

N den kpaagi n tagu po Ki guani n yantiana a ñoabonbilikaana po.

Pisomi 4:4

Yin nan bandi mani ke Li Miali Diedo gandi o *nidugika. Li Miali Diedo cengi n yaa kpaani ki miadi o yaa yogunu. *Joma

Esayi 55:7

O nibiado n ŋa o tagu Fanma miali mo n ŋa o yantiajoagindi, Ki lebidi ki goa Li Miali Diedo kani Yua n baa gbadi opo mi niñima, Leni ti Tienu yua n puuni sugili leni ti bulicindi kaa cedi yeni kani.

Esekieli 18:28

O yaa bandi wan den tieni yaa biadima kuli, ki nan goa ki ŋa likuli, moamoani o baa yaa ye, o kan kpe ba.

Ose Tili 5:15

N baa lebidi ki kuni ki ŋa ba, Hali ban baa tuo bi tagili, Ki goa ki lingi nni. Bi yaa ye fala nni, bi baa lingi n todima.»

Ose Tili 6:1

Lanwani, yi tua: «Cua mani tin lebidi ki goa ki ŋoadi Li Miali Diedo, Kelima o den dadi ki toatoadi ti, ama o baa buu ti, O den poagili ti, ama o baa fini tipo ti nala.

Jesu Tondiba Tuona 26:20

N den kpa wangi Damasa yaaba, ki yuandi ki wangi Jelusalema yaaba, leni Jude yaa diema nni yaaba kuli. N go den wangi bi nilanba moko, ke ban lebidi bi yama ki ŋoadi U Tienu, ki yaa tuuni yaa tuona n doagidi ke bi lebidi.

1 Korenti 11:28

Lanwani nilo kuli n kpa biigi o yuli, lani yaa puoli wan ŋmani laa dupen ki go ño laa tadiñokaaga.

1 Korenti 11:31

Ti yaa den biigi ti yula, U Tienu kan bi bu leni ti.

2 Korenti 13:5

Yinba yiba, yin kpaagikpaagi ki le yi yaa ye li *dandanli nni. Biigi mani yi yula yiba. Naani yii bani ke Jesu Kilisiti ye yi niinni yoo? Li yaa tie ke yi biigi yi yula, yi baa sua ke yi poadi.

Mi Tiadima 4:30

Laa bonla kuli yaa tieni yi ke yi ye li paboanli nni yaa yogunu, yi baa lebidi ki guani Li Miali Diedo yi Tienu kani ki cengi o nialu.