Jeremi Bubula 3:38 - Gourmanchéma Bible

³⁸ Naani tanpoli Badiciamo ka teni Ke yaala n ŋani leni yaala n bia kuli tiendi?

U TIENU MAAMA TILI 2013

³⁸ Naani tanpoli Badiciamo ka teni Ke yaala n ŋani leni yaala n bia kuli tiendi?

Jeremi Bubula 3:38 ပူးပေါင်းရင်းမြစ်များ

2 Samueli 16:10

Ama o bado den goa ki yedi: «Yinba Tiseluja bijaba, yi maama ki ye lienni. O yaa soli nni, li tie kelima Li Miali Diedo n yedi o: ‹Ŋan soli Dafidi.› Lanwani ŋme baa fidi ki fu leni o.»

Jobi 2:10

Ama Joba den goa ki yedi o: «A maadi nani yaa pua n ki pia mi yama yene! Be! Ti baa yaa gaani U Tienu kani yaala n ŋani, Ki nan kan ga yaala n bia wani?» Baa laa bonla kuli yaa niinni, Joba naa den tieni ti*tuonbiadi o maama nni.

Pisomi 75:7

Kelima li bali duonma ki ña niganu po, Bi nijienu po, nintuali bi puoli po ka.

Mi Kpanjama 29:26

Bi niba boncianla lingi ku danligu leni yua n pia u paalu, Ama yua kuli moamoasaali ña Li Miali Diedo kane.

O Yanfuodaano 7:14

Li bonla kuli yaa cuoni bonŋanla, tin mangi ti pala. Li yaa cuoni bonŋanla mo, tin kpaagi. U Tienu n tieni lani bonla lie yeni kuli ke tin da bandi yaala n baa faa ki tieni.

Esayi 45:7

N tagi mi yenma Ki go tagi li *biigili. N puuni mi yanduanma Ki go kpendinni mi yebiadima. Mini Li Miali Diedo n tiendi laa bonla kuli.

Jeremi 32:42

Kelima Li Miali Diedo yedi nanda: ‹Nani min teni ke mi yebiadima ŋma bi niba nne maama yeni, Moko, n baa tieni bipo min maadi yaa ŋanma yeni kuli.›

Amosi 3:6

Naani bi baa pua li toagangaali u dogu nni, Ke bi niba kan jie bi? Naani fala baa baa dogu Ke laa tie Li Miali Diedo n cuani la bi?