Jeremi Bubula 3:26 - Gourmanchéma Bible

²⁶ Li ŋani hali bonŋanla o nilo n guudi leni li juunli Li Miali Diedo *faabima.

U TIENU MAAMA TILI 2013

²⁶ Li ŋani hali boncianla, O nilo n guudi o Diedo faabima Leni li juunli.

Jeremi Bubula 3:26 ပူးပေါင်းရင်းမြစ်များ

Mi cilima 49:18

N dugi a yaa *faabima po, Li Miali Diedo.

2 Bi Badiba Jama 20:17

Yi kan kua bu toabu nni. Yin cua ki sedi lankani, yi baa le Li Miali Diedo n baa faabi yi maama. Juda yaaba leni yaaba n ye Jelusalema, yin da jie mani, yi gbani mo n da jeli.› Saala yin ña mani ki tuogi ba, Li Miali Diedo n baa yaa ye leni yi.»

Pisomi 119:166

Li Miali Diedo, n suginma n tie ke a baa faabi nni! Lani n teni ke n tiendi a bali maama.

Pisomi 119:174

Li Miali Diedo, n fuo ki duogi ki lingi a yaa faabima A bali maama mo n tie n pamanli.

Pisomi 130:5

N dugi Li Miali Diedo po yo leni n pali kuli, N dugi o maama po.

Pisomi 37:34

Dugi Li Miali Diedo po, ŋoadi o sanu. O baa teni ŋan kpedi ki diedi mi diema, A baa le bi nibiadiba bodima.

Pisomi 37:7

Duani a yama Li Miali Diedo nintuali, ki yaa dugi opo. Da bieni a pali leni yua yaa bonla cuoni opo bonŋanla Ki da bieni a pali leni yua mo n kubi o yanjagibiada.

Pisomi 52:9

«Diidi mani yua n ki den teni ke U Tienu tie o gaaka. Ama ki den dugi o piacianma po Ki den guuni o yuli leni o janbi.»

Pisomi 54:6

Ama U Tienu n tie n todika. O Diedo ye leni yaaba n todi nni.

Pisomi 62:2

U Tienu yaa kani bebe yo ke n yama dua, Kelima n *faabima ña o yaa po yo.

Pisomi 73:28

Mini wani, ki nagini U Tienu n tie yaala n mani npo. N bili n dugidi O Diedo Li Miali Diedo kani, Ke min fidi ki togidi ŋan tieni yaala kuli.

Pisomi 92:1

Pisoma. Mi *fuodima daali yanbu.

Mi Ñama 14:13

Musa den goa ki yedi bi niba yeni: «Yin da jie mani liba kuli. Sedi mani yi baa le Li Miali Diedo n baa faabi yi maama dinla. Kelima Ejipiti niba yaaba ke yi nua ba dinla yeni, yi kan go faa le ba hali abada.

Mi Ñama 14:14

Li Miali Diedo n baa koani ki ga yi, yinba wani n sedi mani suoo.»

Esayi 30:15

Kelima o Diedo Li Miali Diedo Isalele Tienu Yua n Gagidi ki ŋani maadi yaa maama n tie na: Yi yaa guani U Tienu kani leni mi yanduanma yi baa mi*faabima. Mi yanduanma leni ti dugidi n baa cuani yi fidu. Ama yi naa bua la!

Esayi 30:7

Ejipiti diema todima kuli ki pia mayuli, li tie fanma bebe. Lani yaa po yo ke n tiani ki yedi: «Japaadanba bebe, bi kan sedi kaanyendu!»

Esayi 7:4

Ŋan yedi o: ‹Duani a yama, da jie liba, a tugusoama n da sani a mudatalieda yaa da baa ŋubidi, bani Letisini, Sili leni Lamalia bijua yeni kani.

Jeremi 14:22

Naani i nibuoli buyuodi siiga pia yaa bulo n baa fidi ki teni ki taaga n mii? Ti tawadi yaadi n kpendinni ki taaga ye le? Naani laa tie fini Li Miali Diedo ti Tienu kaa? Ti dugi apo, kelima fini n tiendi laa bonla kuli.

Jeremi Bubula 3:27

Li go ŋani bonŋanla Wan bangi ki juuni fala nni O panma yogunu.

Habakuki 2:3

N jagi ki bili li bonlekaala yeni n baa tieni yaa yogunu. Li yogunu kan pendi. Baa li yaa waagi, ŋan yaa guu. Yen de, li baa cua ke laa pia kuli tama, Li yogunu kan mibidi.

Galati 4:18

To, li ŋani ke yin yaa pia li yankuali yaala n ŋani boncianla po yogunu kuli, laa tie min ye leni yi yaa yogunu bebe ka.

Hebilunba 10:35

Lanwani yin da ŋa mani yin pia yaa dugidi, yaadi n pia yaa panpaani n yaba.

Hebilunba 3:14

Kelima ti taa leni Kilisiti ki tie yenma leni o li yaa tie ke ti kubi tin den kpa pia yaa dugidi hali mi juodima.

1 Pieri 1:13

Lani yaa po yin bogini, yi yantiana mo n yaa se kaanyendu, ki bili yi suginma yin baa baa yaa ŋanbili nni Jesu Kilisiti n baa doagidi yaa yogunu.