Jeremi Bubula 3:25 - Gourmanchéma Bible

²⁵ Li Miali Diedo ŋanma yaba Yua n dugi opo leni yua n lingi o kuli po.

U TIENU MAAMA TILI 2013

²⁵ O Diedo ŋanma yabi yua n dugi o po kuli po Leni yua n lingi o kuli po.

Jeremi Bubula 3:25 ပူးပေါင်းရင်းမြစ်များ

Mi cilima 49:18

N dugi a yaa *faabima po, Li Miali Diedo.

1 Bi Badiba Jama 28:9

Lanwani fini, Salomono n bijua, ŋan bandi a baa Tienu, ki yaa tuuni opo leni payenli leni yantiayenli, kelima Li Miali Diedo bani a pala kuli ki diidi a yantiana kuli. A yaa lingi o, o baa tuo ŋan le o. Ama a yaa ŋa o, o mo baa lu ŋa yaa yogunu kuli po.

2 Bi Badiba Jama 15:2

ke o ñani ki ban tuogi Asa ki yedi o: «Cengi mani nni, Asa leni yinba Juda buolu yaaba leni Benjamina buolu yaaba kuli! Li Miali Diedo ye leni yi li yaa tie ke yimo ye leni o. Yi yaa lingi o, o baa cedi yin le o. Ama yi yaa ŋa o, o moko baa ŋa yi.

2 Bi Badiba Jama 19:3

Baa yeni, yaala n ŋani baa ye a niinni, kelima a ñani *Akela *buli daadi yaadi n den ye mi diema nni. A go baa ŋua U Tienu leni a pali kuli.»

2 Bi Badiba Jama 30:19

«Li Miali Diedo ti yaajanba Tienu, a ŋanbili po tieni sugili yaaba n moandi leni bi pala kuli ki bua ki bandi a yanbuama baa ke baa gagidi ki ŋanbi biba.»

2 Bi Badiba Jama 31:21

Wan den cili yaa tuonli kuli, U Tienu diegu tuonli *ŋantaado nni leni li balimaama nni, leni mi mabilikaama nni ki lingi U Tienu yanbuama, o den tieni la leni o pali kuli. Lane U Tienu mo den todi o.

Esidirasi 8:22

I fe den baa cuo nni n yaa den mia o bado yaa minteela leni yaa tanjagiba n baa ciani ti ki guudi ti ke yibalinba n da jia ti u sanu po. I fe den baa cuo nni kelima ti den yedi o ke U Tienu tandi o nuu ki kubi yaaba n dugi opo ama ke o pabiencianli ye yaaba n yie opo.

Pisomi 105:3

Jigini mani yi yula kelima o yeli yaali n gagidi ki ŋani yeni po! Yaaba n lingi Li Miali Diedo kuli yaa pala mo n mangi!

Pisomi 119:2

Li pamanli ye leni yaaba n kubi o ñoabonbilikaana Ki lingi o leni bi pala kuli!

Pisomi 22:26

Li nitaancianli nni a baa tua npo pagidi. Yaaba n fangi a nintuali n baa kuani n ñoaniani.

Pisomi 25:8

Li Miali Diedo ŋani ki go tiegi. Lani n teni ke o wangi ti tuonbiadi danba o sanu.

Pisomi 27:14

Dugi Li Miali Diedo po! Paagi aba, ki paagi a pali! Dugi Li Miali Diedo po!

Pisomi 27:8

N kpaagi a maama po yaama n yedi: «Lingi mani n nunga,» Fini Li Miali Diedo.

Pisomi 37:34

Dugi Li Miali Diedo po, ŋoadi o sanu. O baa teni ŋan kpedi ki diedi mi diema, A baa le bi nibiadiba bodima.

Pisomi 37:7

Duani a yama Li Miali Diedo nintuali, ki yaa dugi opo. Da bieni a pali leni yua yaa bonla cuoni opo bonŋanla Ki da bieni a pali leni yua mo n kubi o yanjagibiada.

Pisomi 39:7

O nisaalo yen goadi nani ku jinjingu yeni O lengidi, ama o li tie bonpendikaala bebe O baadi ŋalimani ki dogindi Ama o naa bani yua n baa ti diedi la.

Pisomi 61:1

Bi yanyanba yudaano yani siiga yanbu yaabu n yiini leni ku kogidigu. Dafidi yanbu.

Pisomi 61:5

N bua ki yaa ye a gbandieli nni yaa yogu n tu yaa yogu, Ki baa ki yaa wuo a fiabi nni. *Joma

Pisomi 69:32

Laa bonla mani Li Miali Diedo po ki cie Min baa padi opo yaa naatonbienli leni li yina kuli.

Pisomi 71:14

Ama mini wani, n baa yaa pia mi suginma. N baa yaa yiini ki pagi a ki pugidi.

Esayi 25:9

Laa daali bi baa yedi: «Ti Tienu n na. Wani n tie tin dugi yua yaa po. Moko, wani n faabi ti. Li Miali Diedo n tie tin dugi yua yaa po. Tin mangi mani ti pala bonŋanla Tin mangi mani ti pala leni o *faabima.

Esayi 26:9

Ku ñiagu kuli n pegidi ki diidi fine Ki lingi a leni n pali kuli. Kelima a yaa jia a buudi ki tinga nni, Li ŋandunli nni yaaba baa bangi ki yaa tiendi yaala n tiegi.

Esayi 30:18

Lani yaa po yo ke Li Miali Diedo guu ki baa ŋanbi yipo. O baa fii ki gbadi yipo mi niñima Kelima Li Miali Diedo tie yaa Tienu n tiegi. Li pamanli ye leni yaaba n dugi opo kuli.

Esayi 40:31

Ama yaaba n dugi Li Miali Diedo po, Bi fidu baa pugidi. Bi yen yugi nani jiebani yeni. Bi tiini, ama baa tadigidi, Bi cuoni, ama baa coagidi.

Esayi 55:6

Lingi mani Li Miali Diedo Yin baa fidi ki le o yaa yogunu. Jaandi ki mia o mani Wan kuu yi kani yaa yogunu.

Esayi 64:4

A tuogi ki biali Yua n tiendi mi *teginma leni li pamanli, Leni yaaba n ŋua a sani ki tiadi apo, Tin den ŋua yaa sani ke a den faabidi ti yogu kuli. Ama a pali den fii kelima ti tieni ti *tuonbiadi.

Jeremi Bubula 3:26

Li ŋani hali bonŋanla o nilo n guudi leni li juunli Li Miali Diedo *faabima.

Ose Tili 10:12

N yedi Isalele yaaba: «Tieni mani mi teginma, Lani n tie yin baa yaala n ŋani Ŋanbi mani yi pala nani yua n cuo U koapaanu ki pedi ki ŋanbi u yeni, Kelima u yogunu pundi Ke yin lingi mini Li Miali Diedo, Hali min baa cua ki yadi yipo mi faabima.

Sofoni 3:8

Li tie lani yaa po ke mini Li Miali Diedo yedi: ‹Yin guudi nni mani, Min baa cua yaa daali ki waani yi ke yi nani. N jagi ke n baa taani i nibuoli kuli leni mi diema kuli niba, Ki teni ke ban bandi n pabienli n bia maama, Kelima n pabienli fantama baa buoni ki tinga kuli.› »

1 Tesaloniki 1:10

Moala yi gu ke o Bijua Jesu, U Tienu n den fiini yua bi tinkpiba siiga baa ña tanpoli ki goa ki cua, yua n baa faabi ti leni U Tienu pabienli yaali n kpendi.

Jaki 5:7

Lanwani n kpiiba, yin yaa pia li juunli hali o Diedo cuama. Diidi mani, o kpakpaalo yen gu ki tinga bonluonkaala, yaala n pia mayuli hali boncianla, ki juuni lipo hali wan baa baa ki takpiaga leni ki tajuodikaaga kuli.