Jeremi Bubula 3:24 - Gourmanchéma Bible

²⁴ N yedi: «Li Miali Diedo tie n biinu, Lani n teni ke n baa yaa dugi opo.»

U TIENU MAAMA TILI 2013

²⁴ N yedi: «O Diedo n tie n biinu, Lani n teni ke n baa yaa dugi o po.»

Jeremi Bubula 3:24 ပူးပေါင်းရင်းမြစ်များ

1 Bi Badiba Jama 5:20

Bi den baa mi todima ki fidi ki koani leni ba. Hagali yaaba leni yaaba n den ye leni ba kuli den baa bi nuu nni, kelima bu toabu yogunu bi den mia U Tienu todima, ke U Tienu mo den todi ba kelima bi den dugi opo.

Jobi 13:15

Baa o yaa baa kpa nni, n baa dugi o yaa po. Ama o nintuali n baa waani o ke mii pia tagili.

Jobi 22:25

U Paaciamu Kuli Daano n baa tua a wula, Ki go tua apo ŋanjilifa.

Pisomi 119:57

N den yedi: «Li Miali Diedo, N tuonli n tie min kubi a maama.»

Pisomi 130:7

Yinba Isalele yaaba, yaa dugi mani Li Miali Diedo po Kelima li *ŋanbili ye Li Miali Diedo kani Mi *faabima mo ye o yaa kane.

Pisomi 142:5

Diidi nijienu po ki le Niloba kuli ki go bani nni. Mii go pia min baa fidi ki sani ki gedi naani ki cia. Niloba ki go yagini o yama npo.

Pisomi 16:5

Li Miali Diedo tie n biinu leni n tadiñokaaga, Min baa faa ki tua yaala kuli ye a nuu nni.

Pisomi 31:24

Bua mani Li Miali Diedo, yinba o ŋoadikaaba kuli. Li Miali Diedo kubi yaaba n dugi opo. Ama bi japaadanba wani, o yen waani ba fala.

Pisomi 33:18

Li Miali Diedo nunbu nua yaaba n fangi o. Bani yaaba n dugi o ŋanbili po.

Pisomi 42:11

Diidi n mudi cain kelima bi sugidi po, Yaa yogunu ke bi fiagidi nni ki tua: ‹A Tienu ye lee?› »

Pisomi 42:5

N tiadi ki ŋuundi n paboanli nni Min den yen cuoni ku niligu siiga, Ki gaani bi liiga ki cuoni ki caa U Tienu diegu po, Ki kpaani li pamanli kpaani leni i jaandi yaa kpaani Nani yaa niligu n taani mi *jaanma po yeni.

Pisomi 43:5

N tua n yuli: «Be n teni ke li paboanli paadi a? Be n teni ke a duni a pali nni? Dugi U Tienu po kelima n go baa pagi o. O tie n *faabima leni n Tienu.»

Pisomi 62:8

N faabima leni n kpiagidi ye U Tienu kane. Wani n tie n tangu yaagu n pia u fidu, Wani n go tie n wuonkaanu mo.

Pisomi 71:14

Ama mini wani, n baa yaa pia mi suginma. N baa yaa yiini ki pagi a ki pugidi.

Pisomi 73:26

N gbanandi leni n pali kuli baa fidi ki tadigi, Ama yogunu kuli U Tienu tie n pali n jigini yua, Wani n tie n biinu.

Pisomi 84:12

Li Miali Diedo U Tienu n tie n yienu leni n gbankoandigu. Li Miali Diedo puuni li seli leni ti kpiagidi O kan muni mi yemanma yaaba n cuoni leni li papienli.

Pisomi 94:19

Baa ti yanyagidi yaa paagi n yama, A baagidi nni ki mangidi n pali.

Jeremi 10:16

Ama Isalele Tienu yua n tagi tanpoli leni ki tinga Naa tie nani i buli yeni ka. Wani n die Isalele yaaba. O yeli n tie Li Miali Diedo U Paaciamu Kuli Daano.

Jeremi 51:19

Yua n tie Jakobo biinu naa tie nani bi buli yeni, Kelima wani n die likuli. Yua n tagi li ŋandunli yeni n go die Isalele. Li Miali Diedo U Paaciamu Kuli Daano n tie o yeli.

Jeremi Bubula 3:21

Diidi min bua ki bili yaala n pali nni, Min pia mi suginma yaala yaa niinni.

Mise 7:7

Ama mini, n baa diidi Li Miali Diedo yo, Ki bili n suginma wani n *faabima Tienu kani, Wani n Tienu baa tuo n miabu.

LOMA YAABA 15:12

*Esayi moko yedi: «Li benkpeli baa pudi *Isayi jiinu nni, Yua n baa fii ki diedi i nibuoli kuli. I nibuoli baa bili bi suginma o yaa kani.»

Mi Tiadima 18:2

Bi kan je faali bi kpiiba siiga. Li Miali Diedo n baa tie bi faali nani wan yedi maama.

1 Pieri 1:21

Li tie kelima wani Kilisiti yaa po ke yi daani U Tienu wani yua n den fiini o bi tinkpiba siiga ki puni o ti kpiagidi, ke yin yaa pia li dandanli leni mi suginma wani U Tienu po.

1 Samueli 30:6

Dafidi den ye leni li paboancianli kelima o toatieba den yedi ke bi baa lugidi o a tana, kelima bikuli pala den biidi kelima bi bijaba leni bi bisiaba po. Ama Dafidi den goa ki paagi o pali kelima Li Miali Diedo o Tienu po.