Jeremi Bubula 3:22 - Gourmanchéma Bible

²² Lani n tie ke Li Miali Diedo ŋanma Ki gbeni cain, O niñingbadima mo kan tuoni mi bianu.

U TIENU MAAMA TILI 2013

²² N bani ke o Diedo ŋanma ki gbeni cain, Ke o ninñingbadima mo ki tuoni mi bianu.

Jeremi Bubula 3:22 ပူးပေါင်းရင်းမြစ်များ

2 Samueli 24:14

Dafidi den goa ki yedi Gada: «N ye paboancianli nni. N yaa baa Li Miali Diedo yaa nuu nni li cie kelima o niñingbadima yaba. Ama min da baa bi nisaaliba yaa nuu nni wani.»

Nehemi 9:31

Ama a niñingbadicianma po, ŋaa den bolini ba, Ŋaa den ŋa ba. Kelima a tie yaa Tienu n juogidi, ki gba mi niñima.

Pisomi 103:10

Waa tiendi ti nani ti *tuonbiadi n tie maama, Waa guandi ti tagili panpaani mo.

Pisomi 106:45

O den tiadi wan den kuani yaa *ŋantaado leni ba Ki den gbadi bipo mi niñima o ŋanbicianli nni,

Pisomi 69:17

Guani npo n miabu kelima a ŋanbili leni a niñima po! Gbegi ki diidi nni, Kelima a niñingbadicianma po!

Pisomi 77:8

Naani O Diedo baa lu ti u yogunu kuli po? Naani o kan go goa ki tieni ti mi ŋanma?

Pisomi 78:38

Ama wani yua n pia mi niñingbadima Den puuni ba sugili bi tagili po, Ki naa bolindi ba. Yoguni boncianla o den yen ñiigi o pali ki tiendi li juunli.

Pisomi 86:15

Ama fini, O Diedo, a tie yaa Tienu n gba mi niñima, Ki go pia ti bulicindi. A pia li juunli leni li ŋanbili Ki go tie ti dugidi daano.

Jeremi 3:12

Gedi mani ki ban kpaani nijienu po ki yedi: Isalele “Kan sedi kaanyendu,” Li Miali Diedo yedi mine: ‹N kan go yaa pia apo nunbiadiga Kelima n yama dingi. Li Miali Diedo n yedi yeni. N pali mo kan go waagi ki be apo yogunu kuli.

Jeremi 30:11

Kelima n ye leni a ki baa faabi a N baa bolini i nibuoli kuli Min yayadi a naani kuli. Ama n kan bolini fini wani ba. N baa faligi a nani lan pundi maama, N kan bi fidi ki ŋa ŋa nani yua n ki pia tagiliba yeni.»

Jeremi 31:20

Efilayima tie n bibuadiga Wani n tie n bigbabili. N kan fidi ki kan tiadi opo Kelima min bua o maama po. Mi niñima pia nni opo. N li bua o moamoane. Li Miali Diedo n yedi yeni.

Danieli 9:9

Ama fini ti Diedo ti Tienu, a gba tipo mi niñima ki tieni tipo sugili baa ke ti yie a bali.

Malaki 3:6

U Paaciamu Kuli Daano go yedi: «N tie Li Miali Diedo, N kan lebidi, Lani n teni ke yinba, Jakobo puoliŋuani daa bodi.

Luki 1:50

O baa gba mi niñima yaaba n fangi o Nifiima n tu nifiima kuli po.