Jeremi Bubula 2:7 - Gourmanchéma Bible

⁷ Li Miali Diedo ñani o *padibinbinli maama nni Ki fali o *kaangagidiŋamu. O ŋa yibali nuu nni Jelusalema badidiegu bilini. Bi yibalinba laa ki yigini Li Miali Diedo diegu nni Nani u badu daale yeni.

U TIENU MAAMA TILI 2013

⁷ O Diedo ñani o padibinbinli, Ki fali o kaangagidiŋamu. O luni Jerusalemi badidiegu bilini Yibali nuu nni. Bi laa ki yigini o Diedo diegu nni, Nani u badu daali yeni.

Jeremi Bubula 2:7 ပူးပေါင်းရင်းမြစ်များ

2 Bi Badiba 25:9

Nebusaladani den juu Li Miali Diedo diegu leni o bado diegu leni Jelusalema diedi yaadi n den ŋani kuli.

2 Bi Badiba Jama 36:19

Babilona yaaba den juu U Tienu diegu, ki tudi ki luni Jelusalema bilinu, ki juu o bado diegu, ki mudi yaa tiadi n den pia mayuli kuli.

Pisomi 89:39

Ama leni lankuli a yie Ki luni ŋan gandi yua, Kelima a pali beni opo.

Esayi 64:9

A dogi yi n gagidi ki ŋani yeni kuli tua fanpienma. Siyono tua fanpienma. Jelusalema mo tua paboanli kaanu.

Jeremi 21:4

Li Miali Diedo Isalele Tienu yedi nanda: ‹N baa pegidi yin kubi yaa jatiadi yi nuu nni ki koani leni Babilona bado leni o niba Kalide yaaba bani yaaba n gaani ki cebini yi diema yeni ki kuani li jatiadi u dogu tugu nni ki koani leni yi.

Jeremi 26:18

«Mise Moeseti yua den pua sawali Esekiasi Juda bado yogunu ki tua Juda yaaba kuli: ‹Li Miali Diedo U Paaciamu Kuli Daano yedi ke Siyono dogu baa tua kuanu. Jelusalema baa kpandi kulinjagbeligu, Li jaandieli juali mo baa tua yaa juali n baa kpandi fuali.›

Jeremi 26:6

N baa soani ku naa diegu tuonli nani min soani Silo yaa tuonli yene. N baa teni ku naa diegu n tua ti solindi bonla ki tinga nibuoli kuli po.› »

Jeremi 32:29

Babilona yaaba, yaaba n baa u dogu nne baa kua u niinni. Bi baa juu u mi fantama ki taani leni ban juugi A *dugibila yaa diena po o bulo *Baali po, Ki go cabi butoe po ki baa biidi n pali.

Jeremi 39:8

Babilona yaaba den juu o bado diegu leni bi niba diedi leni mi fantama. Bi den pua ki guli Jelusalema bilini kuli.

Jeremi 4:26

N diidi ki sua ke Kalimeli Kpandi ki tua fanpienma. O dogi mo taani ki tie yoala Li Miali Diedo nintuali, Kelima o pabienkandikaali po.

Jeremi 4:27

Kelima Li Miali Diedo yedi mine: «Mi diema kuli baa jugi, Ama n kan bolini mi kukuli.

Jeremi 50:28

Li tie yaaba n tiini ki ña Babilona po yaa kuudi yo, Ki wangi Siyono dogu nni Ke Li Miali Diedo tu o panli. O tu li panli o diegu po.

Jeremi 52:13

O den juu Li Miali Diedo diegu, o bado diegu leni Jelusalema diedi kuli leni yaa dieli n den pia mayuli kuli.

Jeremi Bubula 1:4

Siyono sani kuli ye leni li pabiidili, Kelima baa go kpendi u badu po. O buliñoana kuli biidi cain, O kopadicianba duni, U dogu badisiaba ye leni li paboanli, O dogu baa ye leni pabiidicianmoanli.

Jeremi Bubula 2:1

Jam, li ga lede ke o Diedo pabienli nni, O teni ke ti tawaboandi libini Jelusalema? O pieni ki luni tinga nni Isalele kpiagidi. Waa tiani o diegu po. O pabienli nni o sundi o taaŋmaakaanu po.

Jeremi Bubula 2:5

O Diedo goa ki tua nani yibali yene, Ki nali Isalele. O nali o badidiedi kuli, Ki bolini o dopaali. O teni ke Juda badisalo yenbidi ki go ñiindi. I kaliti leni i ñiindi yabidi.

Esekieli 24:21

Ŋan yedi Isalele buolu yaaba ke mini o Diedo, Li Miali Diedo yedi mi ne: Diidi n baa *joagini n*kaangagidiŋamu, yu n teni ke yi jigini yi yula, ki tie yi nuni pamanli leni yi suginma yeni. Yi bijaba leni yi bisiaba, yin ŋa yaaba Jelusalema po yeni, ki jugisiega n baa kpa ba.

Esekieli 7:24

N baa teni yaa nibuoli n bia ki cie ba N cua ki fie bi diedi. N baa teni yaaba n pa yaa japaadi n baa u bianu, Ki teni bi jaandi kaanu n joagini.

Levi 26:31

N go baa bolini yi dogi, yin tua diegbendi. N baa bolini yin padi yi buli naankani yeni. N kan go tuo ki ga yi tulale pada nuulimanu.

Levi 26:44

Ama baa bi yaa ban ye bi yibalinba diema nni, n kan yie ba cain. N kan yaa nani ba hali ki bolini ba, ki ŋa min den kuani leni ba yaa ŋantaado. N tie Li Miali Diedo bi Tienu.

Amosi 2:5

N baa soani mi fantama Juda diema nni, Mi baa je yaa dieŋama n ye Jelusalema.»

Mise 3:12

Lanwani kelima yinba yaa po, Bi baa ko Siyono nani u kuanu yeni. Jelusalema baa tua kulinjagbejuali. Ku tiigu mo baa pini U Tienu diegu n ye yaa juali yuli po.

Matie 24:2

Jesu den yedi ba: «Yi nua laa bonla kuli? N waani yi i moamoani, ke baa tanyenli kan sieni ki yaa maa li lieli po, ke a kuli naa padi ki baa.»