Jeremi Bubula 2:19 - Gourmanchéma Bible

¹⁹ Bi fii ki mua boncianla. Ku yagu yaa cili ki yagidi yaa yogunu, Togidi Li Miali Diedo a yantugu kuli. Yugidi a nii opo ki jaandi Ki mia a bila laafialo, Mi koma n caa ki baa je yaaba i sankuni nni kuli yeni.

U TIENU MAAMA TILI 2013

¹⁹ Fii ki mua boncianla. Li yaa pundi yoagisiigu, Ŋan togidi o Diedo a yantugu kuli. Yugidi a nii o po ki jaandi Ki mia a bila laafialo, Mi koma n caa ki baa je yaaba I sankuni kuli nni yeni.

Jeremi Bubula 2:19 ပူးပေါင်းရင်းမြစ်များ

Jobi 3:24

N ñiindi n tie n bonjekaala. N mua ki kan fidi suo mo.

Pisomi 119:55

Li Miali Diedo, ku ñiagu n yen tiadi a yeli po, Ki kubi a bali maama.

Pisomi 134:2

Yugidi mani yi nii ki teli u *kaangagidiŋamu po Ki kpiagi Li Miali Diedo.

Pisomi 141:2

N jaandi n do ki pundi a kani nani a *dugibila muñii yeni, Min yugidi n nuu ki miadi a yeni Lan yaa tie nani ku yenjuogu padili.

Pisomi 142:2

N kpaani ki miadi Li Miali Diedo! N kpaani ki miadi Li Miali Diedo leni n nialu kuli!

Pisomi 142:3

N cuani n miabu o yaa nintuali Ki doagidi o kani n paboanli.

Pisomi 28:2

Cengi n miabu min kpaani ki miadi a yaa yogunu. Min yugidi n nii ki teli a *kaangagidiŋamu yaa yogunu.

Pisomi 42:3

U ñunñuunu pia nni U Tienu po, wani yaa Tienu n fo yeni. N baa fidi ki gedi ki sedi U Tienu nintuali u laa yogunu yo?

Pisomi 42:4

N ninsiidi n tie n jiema u yensiinu leni ku ñiagu kuli, Kelima bi tua nni yogunu kuli: «A Tienu ye lee?»

Pisomi 42:8

A teni ke i kpenciami fu. A ñingola puubi ki tuugi leni aya A teni ke a kuli baali npo A ñingola den milini nni cain.

Pisomi 62:8

N faabima leni n kpiagidi ye U Tienu kane. Wani n tie n tangu yaagu n pia u fidu, Wani n go tie n wuonkaanu mo.

Pisomi 63:4

Kelima a *ŋanbili cie li miali, N baa yiini ki pagi a.

Esayi 26:9

Ku ñiagu kuli n pegidi ki diidi fine Ki lingi a leni n pali kuli. Kelima a yaa jia a buudi ki tinga nni, Li ŋandunli nni yaaba baa bangi ki yaa tiendi yaala n tiegi.

Esayi 51:20

Yi bijaba gbali Ki bibili i sankuni kani kuli Nani yaa kabilo n baa ku diagu nni yeni, Ke Li Miali Diedo pabienli jagi bi yula po Ke yi Tienu mo fu leni ba.

Jeremi 14:18

A yaa gedi ku muagu po, Diidi bu toabu n dini yaaba nne. Min didi kua u dogu nni mo, Mi koma n teni ke yaaba n yiagi nne. Baa o sawalipualo leni o kopadiciamo Goadi mi diema nni ke li paki ba.»

Jeremi 9:20

Kelima mi kuuma kua ti diebona kani. Mi kua ti dieŋama nni. Mi di a bila i sani nni, Ki di bi nipanba mu daamu nni.

Esekieli 5:10

Li tie lani yaa po po ke dogu nni bi bidanba baa ŋmani bi bila, ke a bila mo baa ŋmani bi danba. N baa yadi yadi a niba yaaba n sieni li ŋandunli nni ki go bu ŋa leni min den bili yaa buudi apo.›

Esekieli 5:16

N yaa toani mi koma paboanli piemi, min baa soani mi bolinma piemi yin bolini yi yeni, n baa biagi mi koma yipo ki teni yin da go baa kuli jesienkaama.

Mise 1:16

Yinba Juda yaaba, kuo mani yi yula, Kelima li paboanli cuo yi, yi bibuadimu po. Kuo mani yubima nani o yobilo yeni, Kelima yi bila yeni caa ti yonbidi ki baa foagidi leni yi.»

Nahumi 3:10

Ama baa leni lani kuli, bani Tebi yaaba moko, Bi den gedini ba ti yonbidi, Yaaba n den paadi ba den ku bi bila a sankada kuli nni, Ki loli mi diema yudanba leni ti kpaadi, Ki toani tiatia ki boagidi bi niciama bi ŋmiali nni.

Matie 14:25

O kootonmua-yuamo Jesu den cuoni u ñingbanu po ki kpendi bi kani.

Marki 1:35

Jesu den yagidi ki fii ke li daa fa, ki ñani ki gedi naani n foagi leni bi niba n ye naani ki ban jaandi.

Marki 13:35

Lani yaa po yi mo n yaa gu mani kelima yii bani o diedaano n baa kpeni yaa yogunu, ku yenjuogu, bi ku yagisiigu, bi i kootonmoe, bi ku tiŋaagu yo.

Luki 6:12

Laa yogunu Jesu den gedi li juali po ki baan jaandi. O den tieni ñamungu ki jaandi U Tienu.

1 Timote 2:8

Lanwani n bua ke bi jaba n yaa jaandi i kaani kuli ki yugidi yaa nii n ŋani cain, ki naa pia pabienli leni niamaba kuli.

Bi Bujiaba 7:19

Madiana yaaba n den lebidi bi toaguuda ku yagisiigu ke laa waagi, Jedeyono leni yaa nikobiga n den ye leni o den pundi li toanagili kunu. Bi den piebi kakacinba ki mudi ban den kubi yaa cuana.

1 Samueli 1:15

Ana den goa ki yedi: «A-a, n daano, mii ñuni ka. N tie ti yanyagidi n kubi yaa pua. N cua ki doagidi ki waani Li Miali Diedo n payianu.

1 Samueli 7:6

Bi den taani Mitisipa ki luuni mi ñima ki wuli Li Miali Diedo nintuali. Bi den loli bu ñoabu laa daali ki yedi: «Ti tudi Li Miali Diedo po.» Samueli den ye Mitisipa ki gobidi Isalele yaaba.