Jeremi Bubula 2:15 - Gourmanchéma Bible

¹⁵ Bi santagiba kuli puogi bi nii apo Bi fuoni ki duani bi yula Ki ñuadi Jelusalema badisalo. Naani baa den li yi laa dogu ka: «Yaa ŋamu n ki pia lie, ki tinga kuli pamanli yeni?»

U TIENU MAAMA TILI 2013

¹⁵ Bi santagiba kuli puogi bi nii a po, Bi fuoni ki duani bi yula, Ki ñuadi Jerusalemi o badisalo. Naani baa den li yi laa dogu ka: «Yaa ŋamu n ki pia lie, Ki tinga kuli pamanli?»

Jeremi Bubula 2:15 ပူးပေါင်းရင်းမြစ်များ

2 Bi Badiba 19:21

O maadi wani Senakeliba po yaa maama n tie na: Fini Asili bado, Siyono yaaba fali a ki ñuadi a. Bi fegini bi yula a puoli. Bani, Jelusalema yaaba Yaaba n tie apo nani yaa bisalo n daa bani ja yeni.

2 Bi Badiba Jama 7:21

Yaa niba n ti tagini ku naa diegu yaagu n bi den kpedi boncianla yeni kani, li pakili baa cuo ba ke bi baa yedi: ‹Be yaa po ke Li Miali Diedo soani mi naa diema leni ku naa diegu nande?›

Pisomi 109:25

Mini, n tie ban ñuadi yua, Bi yaa nua nni se ban yaa duani bi yula.

Pisomi 22:7

Ama min wani n tie sidibilo, Mii tie nisaalo, N tie ban fali ki go sengi yua.

Pisomi 48:2

Li Miali Diedo yaba, Li pundi tin pagi ti Tienu o dogu nni, o joagagidikaali po.

Pisomi 48:3

Li juali yeni ŋani, ŋanduna kuli pali mani lipo, Lini Siyono juali. Siyono juali ye nijienu po, Siyono n tie o badiciamo dogu.

Pisomi 50:2

Siyono, yaa dogu n ŋani hali boncianla po, U Tienu yendi Siyono dogu yu yaa ŋamu n ki pia lie yeni po.

Pisomi 64:8

U Tienu mo ludi ba, ki toani ba o piemi ki nandi ba.

Esayi 28:21

Kelima Li Miali Diedo baa fii nani Pelatisima juali po yeni. O baa yaa cuoni nani Gabaono joaloangu nni yeni Ki soani o tuonli. O tuonli yaali n pia ki lidiga, Ki soani yaa tuonli n pia li pakili hali boncianla.

Esayi 37:22

yedi mine: ‹Line n tie Li Miali Diedo n maadi yaa maama ki yie opo: Siyono niba fali a, bi ñuadi a, Jelusalema niba ŋua ki duani bi yula a puoli po.

Esayi 64:11

Li Miali Diedo, baa leni lani kuli, a baa ŋmini Ki kan yedi liba ki faligi ti hali lan pendi?

Jeremi 18:16

Bi teni ke bi dogu kpandi ki tua ti jawaandi bonla Leni li ñuali bonla. Yaaba n tagi likani kuli ti jawaandi leni li pakili cuo ba Ke bi fegini bi yula.

Jeremi 19:8

N baa teni u naa dogu n tua i jeje leni li ñuali bonla. Yaaba n baa tagi laa dogu kani kuli Baa jie lan paki ba, ban go ñuadi u mo. Kelima wun laa yaa fala kuli po.

Jeremi 25:18

Jelusalema leni Juda dogi, li badiba leni li koanbala kuli baa tua diegbendi, lidiga bonla, ñuali leni ti solindi, nani dinla lan tie maama yeni.

Jeremi 25:9

N baa soani ban yini nijienu po yaa niba kuli leni Nebukanesa Babilona bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain lan tua gbanankpiendi bonla leni ñuali bonla. Likani mo baa tua diegbengu yaa yogunu kuli po.

Jeremi 26:6

N baa soani ku naa diegu tuonli nani min soani Silo yaa tuonli yene. N baa teni ku naa diegu n tua ti solindi bonla ki tinga nibuoli kuli po.› »

Jeremi 29:18

N baa ŋoadi ki deli ba leni bu toabu, mi koma leni u yianbiadipuodiko. N baa teni ban tua ti jawaanciandi bonla ki tinga diema nibuoli po, ti solindi bonla, li pakili, ti laadi, li ñuali leni u yualu bonla min baa yadi yi yaa nibuoli siiga kuli.

Jeremi 48:27

Moabi diema, ŋan tiadi ŋan den ñuadi Isalele diema maama. A den nua ma nani li conconli yeni, ki maadi mi maama ki digini a boacaba.

Jeremi 51:37

Babilona baa kpandi diegbengu, i tanboe yekaanu, Likani n tua pakili leni laadi bonla. O kaa go pia niba mo.

Jeremi Bubula 1:21

Bi den gbadi ke n duni, Ama oba kuli naa den baagi nni. N yibalinba kuli gbadi n yebiadima, Bi mangi bi pala leni ŋan teni ke li tieni. Ŋan den maadi yaa daali yaa maama yeni, A teni ke li cua. Teni bani moko n goa ki tua nani mini yeni!

Jeremi Bubula 1:8

Jelusalema tieni o *tuonbiadi boncianla, Lani n teni ke o *joagini. Yaaba n den kpiagidi o kuli Fali o kelima bi laa o mubili. O duni ki guani puoli po.

Jeremi Bubula 2:16

A yibalinba kuli yaadi bi ñoana apo. Bi fuoni ki kadi bi ñina. Bi yedi: «Ti nali o.» Tin den bua yaa daali n yeni Ti nandi o, ti nua o.

Jeremi Bubula 2:6

O tudi o sadinga nagili yeni Ki bolini wan den kadi leni ti naankani. Li Miali Diedo teni ke bi sundi Siyono nni Mi jaanma taana leni mi fuodima jaanma po. O pabienli nni o teni ke bi fali bi badiba leni bi kopadicianba.

Esekieli 16:13

A laani leni a tubilenlenma kuli den tie wula leni ŋanjilifa, a tiayiekaadi mo den tie yaa tiadi n ŋani hali boncianla, leni len gaali yaa caba ki go ŋali ki kpa. A jiema den tie yaa yoma n dingi bonŋanla, leni ti siadi leni*olifie yaa kpama. A den ŋani hali boncianla ki suagi liiga ki tua pobado.

Esekieli 16:14

A yeli den ñani i nibuoli nni kelima a nunyeŋanga leni min den bobini a yaa tiakpiagidi ki ŋanbi a maama po. Mini o Diedo Li Miali Diedo n yedi yeni.

Esekieli 23:32

O Diedo, Li Miali Diedo yedi mine: A baa ño a kpelo tadiñokaaga nni, Kani yaaga n pia ki go ñua. Ki tadiñokaaga yeni baa tie faliga leni ñuali bonla Kelima ki gbie bonŋanla.

Esekieli 25:6

O Diedo, Li Miali Diedo yedi mi ne: Yi den pua yi nupola Ki ciini yi taana Ki mangi yi pala ki waani Yi faliga Isalele diema po n pundi yaa bianu.

Esekieli 5:15

A baa tua i fe leni fala kaanu, i tundi leni i jeje kaanu yaa nibuoli n lindi yi kuli po, n pabienli leni n pafiima buudi n baa cuo ŋa yaa yogunu leni i panpaanbiadi. Mini Li Miali Diedo maadi.›

Danieli 9:16

Ti Diedo, nani a niñingbadima n yaba maama yaa po, ŋan jiini a pali a dogu Jelusalema a joagagidikaali po, kelima ti tuonbiadi leni ti baanba yaa tudima po. Yaaba n lindi ti kuli fali ti ki yuandi Jelusalema leni a niba.

Mise 6:16

Yikuli ŋoadi o bado Omili n den bili yaa bogidibiada, Leni wani Omili bijua Akabi puoliŋuani N den tiendi yaala kuli. Yi ŋua ki kubi ban den jagi ki bili yaa bonbiadila. Li tie lani yaa po ke n baa taa yi Ki teni yi yibalinba nuu nni ban bolini yi. Fini u dogu, n baa teni a niba n tua bi niba po laadi bonla. Yi baa tugi ban den n fiagidi n niba yaa fe.»

Nahumi 3:19

Yaa yema n ŋmaa yi yeni, gaapo ki ye, A poagilima yeni baa ñani a miali. Yaaba n gbadi a bolinma laabaalo kuli pua ti nupodi ki mangi bi pala, Kelima a biadima naa den pia kuli man lagidi yua.

Sofoni 2:15

Lani n tie yaala n baa baa laa dogu yaaba, Bani yaaba n den pia ti japaadi ki jigini bi fidiceli, Ki tama ke liba kuli kan baa ba, Ke baa pia kuli bilie. Diidi likani n tua paboanli kaanu maama! Likani tua ti yandi wuonkaanu! Yaaba n tagi likani kuli fuoni ki fegini bi yula.

Matie 27:39

Bi santagiba den sugidi o, ki fegini bi yula ki tua:

Marki 15:29

Bi santagiba den sugidi o, ki fegini bi yula ki tua: «Hei, fini yua n baa mudi U Tienu diegu ki go maa gu dana taa,