Jeremi Bubula 1:9 - Gourmanchéma Bible

⁹ O joagindi gbiabi o liadili nni Waa faami yaala n baa fidi Ki tieni o ki juodi. O tingbali ki pia maama! Yua n baa baagi o kuli ki ye. O yedi: «Ŋain Li Miali Diedo diidi min laa yaa fe Yibali wani yaa bali doni.»

U TIENU MAAMA TILI 2013

⁹ O joagindi gbiabi o liadili nni, Waa faami yaala n baa faa Ki tieni o po. O tingbali ki pia maama! Yua n baa baagi o kuli ki ye. O yedi: «Ŋain o Diedo, n laa i fe, Ke n yibali mo yaa bali doni.»

Jeremi Bubula 1:9 ပူးပေါင်းရင်းမြစ်များ

2 Samueli 16:12

Li fidi ke Li Miali Diedo baa le npo n fala ki lebidi ban solini nni yaa solindi dinla ne lan tua npo seli.»

2 Bi Badiba 14:26

Li tie ke U Tienu den laa Isalele yaaba n den ye leni yaa falabiado. Laa go den pia yua n todi Isalele yaaba, lan tie yonbo bi lan tie paatielo.

Nehemi 9:32

U Tienu, ti Tienu, fini yua n yaba ki pia u paaciamu leni i jeje, Fini yua n kubi ŋan den kuani yaa *ŋantaado Leni ti ki gba mi niñima, Ŋan da fali tin laa yaa fala kuli, Tinba leni ti batieba leni ti yudanba leni ti kopadicianba Leni ti sawalipuaba leni ti yaajanba leni a niba kuli, Ki cili Asili batieba yogunu Ki taa ki pundi hali dinla.

Pisomi 119:153

Li Miali Diedo, diidi n fala, ki faabi nni, Kelima mii sundi a bali maama po.

Pisomi 140:8

N Diedo Li Miali Diedo, fini yua n tie n *faabima fidu, A kubi nni bu toabu daali.

Pisomi 25:18

Diidi ki le n fala leni n duoli, Ki pa nni n tuonbiadi kuli sugili.

Pisomi 69:21

Ti sugidi boandi n pali, Mii pia laafia. N tama ke bi baa gbadi npo mi niñima ama mii baa. N bi tama ke n baa le yua n baa baagi nni, Ama mii laa oba kuli.

Mi Ñama 3:17

ke n yedi ke n baa teni yin ña Ejipiti nni yin laadi fala naankani, ki teni yin kua Kanana yaaba, Heta yaaba, Amola yaaba, Felesa yaaba, Hefa yaaba leni Jebusa yaaba yaa diema nni, mi naaŋanma leni ti siadi n dua naani.›

Mi Ñama 3:7

Li Miali Diedo den yedi: «N laa n niba fala Ejipiti nni. N gbadi ban buudi yaa bubula yaaba n faligi ba n teni ke bi buudi maama kelima n bani bi fala.

Mi Ñama 4:31

Bi niba den daani o yedima. Bi den bandi ke Li Miali Diedo cua ki goandi Isalele bila ki laa bi falaciamo. Bikuli den gbaani ki pugi o.

O Yanfuodaano 4:1

N go laa yaa biadima kuli n tiendi mi tinfanma nni. Ban faligidi yaaba mua, ama oba kuli ki todi ba. Yaaba n duoliti ba yeni n die u paalu. Lani yaa po oba kuli kan fidi ki todi ba.

Esayi 3:8

Jelusalema tuudi, Juda mo ŋmadi ki baa Kelima bi ñoana leni bi tuona pegidi ki noanli Li Miali Diedo kpiagidi leni mi kafaama.

Esayi 37:17

Li Miali Diedo, diadi a tubili ki cengi! Li Miali Diedo, ŋubidi a nuni ki diidi. Cengi Senakeliba n soani yaa maama kuli ki baa sugi fini yaa Tienu n fo.

Esayi 37:23

A sugidi ki yualiti ŋme yo? A tangi ŋme yaa po yo? Isalele Tienu Yua n Gagidi ki ŋani yene ke a ko li diidi nanda?›

Esayi 37:29

Kelima a pali beni npo Ke a japaamaama mo baa n tuba nni. N baa pudi a miani maja ki kpibini a ki biaga. N baa teni ŋan tagini yaa sanu ki cua Ŋan goa ki tagini laa sanu ki kuni.

Esayi 37:4

Daalinba Li Miali Diedo a Tienu gbadi Asili bado n soani o guudikaaba yudaano ke o sugi U Tienu yua n fo maama. Laa yie a Tienu n jia ti buudi ki waani ba fala kelima wan gbadi yaa maama yaa po. Jaandi yaaba n da go ye yaa po.› »

Esayi 40:2

Maadi mani leni Jelusalema yaaba ki waani ba Ke bi janjanma gbeni, Ke bi baa sugili bi tagili po, Kelima bi baa U Tienu kani Bi *tuonbiadi panpaani figilima lie.»

Esayi 47:7

Yi den tua: «Tinba n li baa tie bi badisiaba yaa yogunu kuli.» Yii den tia ki kuani laa bonla yi pala nni. Yii den tiadi ke li baa baa u bianu.

Esayi 51:19

Yaa bonliedila n tie na kuli nandi yi Ŋme n baa mua yipo? Lani n tie bu febu leni mi bolinma. Mi koma leni bu toabu. Ŋme n baa baagi yi?

Esayi 54:11

Jelusalema dogu yu n den laa falaciamo Ku tafaaciangu n pua yu, Oba kuli n ki den baagi yu. Diidi n baa biali a tana cilo N baa tieni a tanpuuna mo leni safili.

Jeremi 13:27

N laa a *conconma, yaama n ñiidi leni a cagindi kuli. A juana yuli po leni i kuani nni, Fala jagi a yuli po Jelusalema, Fini yua n ki ŋanbidi aba! Laa tuongunda baa gbeni be yogunu yo?»

Jeremi 16:7

Oba kan cua ki taani ki je Leni yaaba n ye leni mi kuuma paboanli ki baagi ba. Oba kuli kan padi i baagi padili Yua yaa baa bi yua yaa naa n kpe po.

Jeremi 2:34

A luoda leni yaaba n ki pia tagili Kuli soama ye a tiadi po, Ke a naa ludi ba ke bi bua ki pua Ki luodi a dieli buliñoabu ka.

Jeremi 48:26

Li Miali Diedo yedi: «Ñuni o mani wan gaadi kelima o fii ki sedi Li Miali Diedo po. Moabi n yaa faligidi o siindi nni, wan guudi ki ga i fe.

Jeremi 5:31

Bi sawalipuaba pua mi sawali-faama Bi kopadicianba lingi bi yucela ŋamu bebe, N niba mo sua ke lani n dagidi bipo. Yi baa tieni lede saala po?

Jeremi 50:29

Yini mani a dabantuada n cua ki baa Babilona. Yaaba n bani li dabanli kuli, Gaani ki lindi mani u dogu Niloba kuli n da cia. Pa o mani nani o tuona n tie maama. Guani o mani wan tieni yaala kuli. Kelima o tieni mi kafaama Li Miali Diedo Isalele Tienu Yua n Gagidi ki ŋani po.

Jeremi Bubula 1:17

Siyono pua ki bubuuga Niloba kuli ki nanli o. Li Miali Diedo teni ke Isalele yieninlieba kpandi ki tua o yibalinba, Jelusalema tua joagindi bi siiga.

Jeremi Bubula 1:21

Bi den gbadi ke n duni, Ama oba kuli naa den baagi nni. N yibalinba kuli gbadi n yebiadima, Bi mangi bi pala leni ŋan teni ke li tieni. Ŋan den maadi yaa daali yaa maama yeni, A teni ke li cua. Teni bani moko n goa ki tua nani mini yeni!

Jeremi Bubula 2:13

N go baa yedi a be? N baa sua ke ŋme n de leni a? N baa baagi a lede, Siyono *powandiali? Kelima yaa yebiadima n ŋma ŋa Yaba ki pundi mi ñincianma. Ŋme n baa fidi ki paagi a?

Jeremi Bubula 4:1

Jam, li ga lede! Wula baa fidi ki joagini? Wulamoano ñuadi kpe! Li jaandieli tana yayadi i sani nni kuli.

Jeremi Bubula 5:1

Li Miali Diedo, tiadi yaala n tieni ti! Diidi ki le ti fe!

Ose Tili 2:14

N baa bolini o duven tiidi leni o kankandi, Wan maadi yi yaa maama Ki tua: ‹N jaconcona n pani nni yaa panpaani nna.› N baa teni likani n tua fuali, Ti moayandi mo n ŋmani i tiidi yeni.

Sofoni 2:10

Laa bonla baa baa ba kelima bi japaadi po, Leni ban den fiagi Li Miali Diedo, U Paaciamu Kuli Daano niba maama po.

Jan n diani U Tienu Laabaaliŋamo maama 11:19

ke Jufinba boncianla den cua Malata leni Maliyama kani ki baa baagi ba kelima bi naataanja kuuma po.

Mi Tiadima 26:7

Lanwani ti den kpaani ki mia Li Miali Diedo ti baanba Tienu. Li Miali Diedo den gbadi ti miabu ki laa ban den mabindi ti maama, ti fala leni ti yeyianma.

Mi Tiadima 32:27

Li yaa tie ke n den jie yibalinba sugidi, Ke bi koanginkaaba mo n da boandi bi yula ki yedi: ‹Ti nuu n pia u paalu, Laa tie Li Miali Diedo kaa tieni laa bonla kuli.›

Mi Tiadima 32:29

Bi yaa bi pia yanfuome bi bi baa bandi lani kuli, Ki yaa faami yaala n baa ti faa ki cua bipo.

1 Pieri 4:17

U yogunu pundi ke ti buudi baa cili leni U Tienu diegu. Lanwani li yaa tie ke ti buudi cili leni tinba, yaaba n yie kaa tuo ki tiendi U Tienu Laabaaliŋamo n yedi yaala mo yaa juodima baa tie lede?

1 Samueli 1:11

O den niani li nianli ki yedi: «Li Miali Diedo U Paaciamu Kuli Daano, a yaa tuo ki diidi mini a yonbo fala, a yaa tiadi kaa sundi npo, a yaa puni mini a yonbo bonjaga, n baa goa ki pa o fini Li Miali Diedo hali o miali dana kuli. Pengu kan maani o yuli po.»