Jeremi 9:23 - Gourmanchéma Bible

²³ Yua n bua ki jigini o yuli, N jigini o yuli ke o pia mi yanfuoma ki bani nni. Ki bani ke n tie Li Miali Diedo. Yua n tiendi mi ŋanma, Yaa bujiali n tiegi leni yaala n tiegi ki tinga nni. Kelima min bua yaala n yeni.» Mini Li Miali Diedo n yedi yeni.

U TIENU MAAMA TILI 2013

²³ Yua n bua ki jigini o yuli, N jigini o yuli kelima o pia mi yanfuoma ki bani nni, Ki bani ke n tie Li Miali Diedo, Yua n tiendi mi ŋanma, Ki ja yaa buudi n tiegi, Ki tiendi yaala n tiegi ki tinga nni. Min bua yaala n yeni.» Mini o Diedo n yedi yeni.

Jeremi 9:23 ပူးပေါင်းရင်းမြစ်များ

Jobi 32:13

Yin da yedi ke yi laa mi yama o niinni de! U Tienu n baa fidi ki nia ki paadi o, laa tie nisaalo ka.

Jobi 41:15

O gbangu n toli ki juagi maama Teni ke bi kan fidi ki begi o.

Pisomi 33:5

O bua mi *teginma leni yaa buudi n tiegi Li Miali Diedo *ŋanbili gbieni ki tinga.

Pisomi 34:3

N baa kpiagidi n yuli Li Miali Diedo nni, Bi yumiindanba mo n cengi ki mangi bi pala.

Pisomi 44:9

Ti kpiagidi ti yula U Tienu yeli nni daali kuli. Ti pagi a yeli yaa yogu n tu yaa yogu.

Pisomi 62:10

Bi nisaaliba tie fawaama bebe. A nikpiaga leni taliginba kuli tie faama bebe. Li *bonbiigikaala nni, bi baa yugi Kelima bi faali ki cie mi fawaama.

Mi Kpanjama 11:4

Li pabienli daali, mi piama ki tie pu kuli. Ama mi *teginma faabidi o nilo mi kuuma nni.

Mi Kpanjama 21:30

O nisaalo yama, o yanfuoma leni o kpaagili kuli Kan fidi pu kuli Li Miali Diedo nintuali.

Mi Kpanjama 3:5

Bili a dugidi kuli Li Miali Diedo kani Ki da dugi a yaa yanfuoma po.

O Yanfuodaano 2:19

Ŋme bani o yaa baa yaa tie yanfodaano bi yanpiidaano? Ke wani n nan baa diedi min soani ki baa yaala leni n yanfuoma n teni ke n baa yaala kuli mi tinfanma nni. Lani moko tie gangima.

O Yanfuodaano 9:11

N go laa bonla boncianla mi tinfanma nni: Yaaba n jaligi ki cie ka gaani yogunu kuli liiga mi nuama nni, a jakoanda mo ka paadi bu toabu nni yogunu kuli. Yaaba n pia mi yanfuoma ki cie ka pia mi jiema, yaaba n fani ki cie ka tie piada, a yanfodanciama ka pia ti kpiagidi. Yaala n ŋani leni yaala n bia laadi bikuli,

Esayi 10:8

Kelima bi yedi: ‹Naani ti toatieba yudanba ki pundi badiba?

Esayi 20:5

Bi baa yaa ye leni ti jawaanciandi leni i fe kelima Etiopi yua n den tie bi suginma leni Ejipiti yua n den tie ban jigini yaala.

Esayi 47:10

Yi den dugi yi biadima po, Ki den tua: «Niloba ki nua ti!» Yi yanfuoma leni yi bandima lebidi yi yula, Ki teni ke yi go den li baa tua yi pala nni: «Tinba, tinba bebe lige Yaala n sieni tie fanma.»

Esayi 5:21

Mi yebiadima baa ŋma yaaba n nua bi yula yandanba, Ki tama ke bi tie yanfodanba.

Jeremi 31:34

Oba kan go bangi o yua. Oba kan go yedi o kpiilo: ‹Bandi mani Li Miali Diedo!› Kelima bikuli baa yaa bani nni, Ki cili yua n wa bi siiga ki ban taani o nikpelo, Li Miali Diedo n yedi yeni. N baa tieni sugili bi tagili po. N kan go tiadi bi tuonbiadi po.»

Jeremi 48:14

Yi baa tieni lede yin yedi ke yi tie jakoanda, Yaa toatieba n bogini bu toabu po yeni?

Jeremi 48:7

Nani ŋan dugi a tuona leni a ŋalimani po yeni, Bi baa cuo fini moko. Bi baa gedini a bulo Kemosi ti yonbidi, Wani, a koanbala leni a kopadicianba kuli.

Jeremi 49:4

Be yaa po yo ke a pagi a yuli kelima a gbanmanu po? A gbanmanu gbeni n yeni! A bia n yeni, fini yua n den dugi a ŋalimani po ki den tua: ‹Ŋme n baa tuo ki cua ki baa nni bu toabu?› »

Esekieli 29:9

Ejipiti diema baa tua diegbendi leni diewudima, Lanwani bi baa bandi ke n tie Li Miali Diedo, Kelima o yedi: ‹U kpenciamu tie n yu yo Mini n tieni u.›

Esekieli 7:19

Bi baa lu bi ŋanjilifa i sani nni, Ki noanli bi wula mo nani ti baadi yeni Kelima bi ŋanjilifa leni bi wula kuli kan fidi ki faabi ba Li Miali Diedo pabienli daali. Bi kan fidi ki baa yaala n baa guoni ba, Bi yaala n baa mangi bi pala Kelima ŋanjilifa leni wula kuani ba ti tuonbiadi nni, Ki go tua bi tagili n ñani naankani.

Danieli 3:15

Moala yin bogini mani, yi yaa go gbadi a naatuntuna, mu yelimu, ti kogiditi, mu sielimu, a kogididajena leni yaa baantiadi n sieni kuli fuugu, lanyogunu liga yin labini ki kpiagi min teni ke bi tieni yaa nisaali-nannanli yeni. Yi yaa pugi li, lanyogunu-lanyogunu bi baa lu yi yaa buaga n yigidi ki tuoni niinni. O laa bulo n baa fidi ki faabi yi n nuu nni?»

Mise 6:8

U Tienu den bangi fini o nisaalo yaala n ŋani. Leni Li Miali Diedo n gu akani yaala. Lani n tie ke ŋan yaa ŋua yaa bujiali n tiegi, Ki bua mi teginma Ki go yaa cuoni wani a Tienu nintuali leni li yumiinli.

Sofoni 1:18

Bi ŋanjilifa leni bi wula kan fidi ki faabi ba, Li Miali Diedo pabienli daali. N pabienli fantama baa buoni ki tinga kuli, Li baa bia hali boncianla. O baa bolini li ŋandunli niba kuli.»

Marki 10:24

Li den paki o ŋoadikaaba. Lani Jesu go den yedi ba: «N bila, U Tienu diema nni kuama pa boncianla.

LOMA YAABA 1:22

Baa ke bi kpiagidi bi yula ke bi tie yanfodanba, bi tua yanluodanba.

1 Korenti 1:31

Lanwani, nani lan diani maama: «Yua n bua ki jigini o yuli, Wan jigini li o Diedo nni.»

Mi Tiadima 8:17

Yin fangi mani yi yula ki da ti yedi yi pala nni: ‹Ti paalu leni ti nuu fidu n teni ke ti baa yaa ŋalimani n tie ne.›

Filipi 3:10

Min bua yaala tie min bandi wani Kilisiti, leni o fiima bi tinkpiba siiga paalu, ki go taani leni o o fala nni, ki yaa naani leni o o kuuma nni,

Filipi 3:8

Moko, n nua li bonla kuli ke li tie nani li bonbodikaala yeni. Yaala n tie npo li bonmoanla tie: Ki bandi Jesu Kilisiti n Diedo. Kelima wani yaa po ke n tuo ki luni min pia yaala kuli, ki nua la nani ti baadi yeni, ke min fidi ki baa Kilisiti.

1 Timote 6:10

Kelima i ligi buama tie bonbiadila buoli kuli yaa jiinu. Bi nitianba den kuani bi yama mi ligibuama nni, ki yaadi ki ŋa li *dandanli ki kuani bi yula li pabiidicianli nni.

1 Samueli 17:42

Filisiti yua yeni n den diidi ki laa Dafidi, o den fali o kelima o den sua ke o tie biga ki moani ke o nunga ŋani.