Jeremi 9:20 - Gourmanchéma Bible

²⁰ Kelima mi kuuma kua ti diebona kani. Mi kua ti dieŋama nni. Mi di a bila i sani nni, Ki di bi nipanba mu daamu nni.

U TIENU MAAMA TILI 2013

²⁰ Kelima mi kuuma kua ti diebona kani. Mi kua ti dieŋama nni. Mi guu a bila i sani nni, Ki guu bi nipanba mo mu daamu nni.

Jeremi 9:20 ပူးပေါင်းရင်းမြစ်များ

Jobi 22:22

Cengi o ñoabu nni tundi Ki kuani o maama a pali nni.

Esayi 3:16

Li Miali Diedo yedi: «Nani Siyono puoba n pia ti popaadi Ki cuoni ki dadi bi tuli, Ki pia mi kafaama, ki cuoni dindini, Ki teni ke bi taana biana mua yeni,

Esayi 3:4

N baa teni a bonwaala n yaa gobidi ba Ki caani ba ban bua naani.

Jeremi 14:16

Ban pua yaaba yaa po sawali, Mi koma leni bu toabu Baa bolini ba Jelusalema sani nni, Bi kan baa yua n baa doagini ba mo. Bani bi puoba, bi bijaba leni bi bisiaba, N baa teni bi biadima n jiidi bi yula po.»

Jeremi 23:16

Li Miali Diedo U Paaciamu Kuli Daano, maadi yaa maama n tie na: «Da cengi mani yaa sawalipuaba n pua yipo sawali yeni maama! Bi boandi yi yo. Bi togidi yi bi pala nni bonlekaala. Laa tie yaala n ñani mini Li Miali Diedo ñoabu nni ka.

Jeremi 23:28

Yaa sawalipualo n dangi ti dangidi wan togidi o dangidi. Yaa sawalipualo n gbadi n maama n caa ma bonŋanla. Li Miali Diedo yedi: «Be n taa yenma ti kankagidi leni mi bonbima siiga?»

Jeremi 6:11

Li Miali Diedo pabiencianli ye leni nni N kubi li ki coagi mo. Li Miali Diedo yedi: «Wuli li yaa biga n puagi i sani nni po, Leni bi nipanba po. Kelima bi baa cuo o ja leni o pua Yaaba n kpeligi leni yaaba n podi bonŋanla kuli.»

Jeremi 7:29

Kuo ŋan den gagidi a yuli Ki bili yaa yudi yeni ki ban lu ti. Gedi a juana yula po ki wanli! Kelima Li Miali Diedo fali, O yama mo sii yaa nifiima n bieni o pali hali boncianla yeni po.›

Jeremi 8:2

Bi baa deni laa kpaba u yienu nni, o ŋmaalo nni, leni a ŋmabila nintuali, ban den bua yaaba ki pugi ba yeni. Bi kan wodi a kpaba yeni, bi kan piini a mo. Ama a baa tua bugidi u tingbanu po.

Jeremi 9:12

Li Miali Diedo yedi: «Li tie kelima bi ŋa n*balimaama, min den teni ba yaama yeni. Baa cengi n nialu, baa ŋoadi nani min den bili bipo maama.

Jeremi Bubula 2:19

Bi fii ki mua boncianla. Ku yagu yaa cili ki yagidi yaa yogunu, Togidi Li Miali Diedo a yantugu kuli. Yugidi a nii opo ki jaandi Ki mia a bila laafialo, Mi koma n caa ki baa je yaaba i sankuni nni kuli yeni.

Jeremi Bubula 2:21

Bi jawaaba leni a jakpela Bikuli bili bili tiipo i sani nni. N jafanba leni n jawaaba Bu toabu dini bikuli. A pabienli nni a ku ba ke niñima ki cuo ŋa.