Jeremi 9:2 - Gourmanchéma Bible

² Bi landi coa nani a dabana yeni mi faama po, Bi yantugupiendi mo ka teni ke bi pia u paalu mi diema nni. Se biadima n tu biadima. Baa bani nni. Mini Miali Diedo n yedi yeni.

U TIENU MAAMA TILI 2013

² Bi landi coa nani a dabana yeni mi faama po, Bi yantugupiendi mo ka teni Ke bi pia u paalu mi diema nni. Se biadima n tuu biadima. Baa bani nni. Mini o Diedo n yedi yeni.

Jeremi 9:2 ပူးပေါင်းရင်းမြစ်များ

Esayi 59:3

Yi nii *joagini kelima mi soama po Yi niibila mo ye leni i tagili Yi ñoacuuna mo maadi i boandi Yi landi mo bunbidi mi biadima.

Jeremi 12:1

Li Miali Diedo a tiegi ki kandi hali yaala ke n kan fidi ki bu leni a. Ama baa leni lani kuli n bua ki maadi a a buudi maama. Be n teni ke bi nibiadiba bonla kuli cuoni bipo? Be n teni ke bi yama dua bi yema nni, Bani i janbi danba yeni?

Jeremi 12:6

Kelima a kpiiba bani biba moko, Leni a baadiegu nni yaaba se apo leni i janbi. Bani biba ŋua a puoli po ki kuudi Ŋan da daani ba, baa ban maadi apo yaa mamanma kuli.

Jeremi 13:22

A yaa yedi a pali nni: «Be teni ke line tieni nni?» A tagilibiadi po n teni ke a tiadi kaadi ki doni Ke a taajentindili poagili boncianla.

Jeremi 23:10

‹Mi diema kuli gbie leni yaa niba n tiendi mi *conconma. Bi tiini ki caa mi biadima po yo, Bi gbani saagi yaala n ki ŋani tienma po. Lani yaa po n teni ke mi diema kuli ye leni li paboanli, Bi yankpaakaani kuli mo kuodi.

Jeremi 4:22

N niba ye leni mi yanpiima Baa bani nni. Bi tie yanluodanbe Baa pia yama. Ban li bani ki tieni yaala bebe n tie mi biadima. Ama baa bani ki tieni yaala n ŋani.

Jeremi 5:1

Gaani mani Jelusalema sani nni. Diidi mani, Buali mani ki ga laabaali Lingi mani bi niba n yaba naani Ki le yi yaa baa le baa niyendo Yua n tiendi yaala n tiegi Yua n bua i moamoani. Lani, n baa tieni Jelusalema po sugili.

Jeremi 5:11

Isalele leni Juda yaaba kuli Janbidi nni cain. Mini Li Miali Diedo n yedi yeni.

Jeremi 5:2

Baa bi yaa yedi: «Li Miali Diedo fo!» Bi polini faama bebe.

Ose Tili 4:2

Mi diema nni bi niba polini ki go janbidi. Mi kukpama, bu subu leni mi *conconma bebe n ye. Yi mabindi yi lieba, Yi kpaani bi niba ki tuadi tuadi.

Ose Tili 5:7

Bi yie ki janbi Li Miali Diedo, Ki mali a kpiaba. Moala li kan cie ŋmayendo, Bi baa bolini ba leni bi piama.

Ose Tili 6:7

Ama yi den biidi o *ŋantaado nani bi nisaaliba n tieni maama, Lankane, yi janbi nni.

Ose Tili 7:4

Bikuli puni bi yula mi *conconma po, Bi nanga bugili nani o dupenpualo n tongi U dupen puakaanu ki tadi yaa fantama kaa go tigi ma, Ki cili hali wan nugi mi yoma yaa yogunu, Ki pundi hali man pili ki dagidi yaa yogunu.

Mise 6:12

U dogu nni piada mabindi a luoda. U dogu nni yaaba kuli pua mi faama ki janbidi bi lieba.

Sofoni 3:4

U sawalipuaba tie japaadanba leni jajanbidiniba. U kopadicianba joagindi yaala n gagidi ki ŋani, Bi miidi o *balimaama.

Malaki 2:11

Juda fidi ban den niani yaa ñoanianu, Bi soani Jelusalema nni leni Isalele diema nni kuli yaa tuonli n gundi, Kelima bi biidi U Tienu diegu, wan bua kuni yaagu bonŋanla yeni. Bi taa bi puoba, yaa nibuoli n ŋua i *buli yeni siiga.

Malaki 2:14

Yi buali yi yula, yaala yaa po ke li tie yeni. Li tie kelima Li Miali Diedo den tie siedi Fini leni a jawaama yogunu pua, Ŋan janbi yaa pua, Baa ke o tie a yieninlielo, Leni ŋan den niani yua u ñoanianu.

Jaki 4:4

Yinba mi conconma danba yeni, yii bani ke ŋanduna yaa buama tie yibalindi leni U Tienu yo? Lanwani yua n bua ki yaa danli leni ŋanduna kuli tua U Tienu yibali.

Bi Bujiaba 2:10

Yaaba n den taa fiima leni Josue kuli moko den kpe ke nifiitoama yuandi ki ŋoadi bi puoli, yaaba n kaa den bani Li Miali Diedo leni wan den ŋanbi Isalele yaaba po maama.