Jeremi 8:4 - Gourmanchéma Bible

⁴ Ŋan yedi ba: Li Miali Diedo yedi nanda: «Naani yua n baa ki yen fii kaa? Naani yua n jadi ki ŋa u sanu ki yen ti guani?

U TIENU MAAMA TILI 2013

⁴ Ŋan yedi ba: O Diedo yedi nanda: «Naani yua n baa ki yen fii ka? Naani yua n jadi ki ŋaa u sanu ki yen ti guani?

Jeremi 8:4 ပူးပေါင်းရင်းမြစ်များ

1 Bi Badiba 8:38

a niba Isalele yaaba kuli yaa tuo bi tagili ki jaandi ki mia ŋa, bi yaa diidi ku naa diegu po ki yugidi bi nii ki jaandi a,

Mi Kpanjama 24:16

O niteginka fidi ki ŋmadi ki baa figilima lele, o baa goa ki fii mo, Ama bi pieni ki luni bi nibiadiba wani fala nni.

Esayi 44:22

N bolini yi tagili nani ku tawaligu yeni Ki bolini yi *tuonbiadi mo nani ku gbangbadigu yeni. Goa ki cua mani n kani Kelima n den da ki faabi yi.

Esayi 55:7

O nibiado n ŋa o tagu Fanma miali mo n ŋa o yantiajoagindi, Ki lebidi ki goa Li Miali Diedo kani Yua n baa gbadi opo mi niñima, Leni ti Tienu yua n puuni sugili leni ti bulicindi kaa cedi yeni kani.

Jeremi 23:14

Ama Jelusalema sawalipuaba kani, N laa yaa bonla n gundi hali boncianla. Bi pia mi conconma Ki cuoni i boandi nni. Bi paagidi yaaba n tiendi mi biadima pala, Ki baa teni ke oba kan pegidi ki ŋa o biadima. N nuni po bikuli tie nani Sodoma yeni. Jelusalema niba mo nani *Gomola yene.»

Jeremi 3:1

Guani mani npo: O ja yaa ñani o pua Ke o ñani o kani ki ban kuni jatoa. Naani laa ja go baa guani o pokpelo yeni kani? Naani laa diema kan *joagini cain, bi mani kaa? A mo conbi leni a jaconcona boncianla Moala wani, a di bua ki guani n kani. Mini Li Miali Diedo n yedi yeni.

Jeremi 3:22

Guani mani n kani, yinba yaaba n kan sedi kaanyendu yeni. N baa paagi yi leni yi yanlengidima Bi yedi: «Diidi ti kpendi a yaa kane, Fini n tie Li Miali Diedo ti Tienu.»

Jeremi 36:3

Li fidi ke Juda yaaba n faami min jagi ki baa tieni ba yaa bonbiadila kuli. Lani n tie yua kuli n ŋa o tuadibiada. Yeni, n baa tieni bipo sugili bi tagili leni bi *tuonbiadi po.»

Jeremi 4:1

Isalele, mini Li Miali Diedo n yedi a, A yaa guani, a yaa guani n kani, A yaa ñani a cagindi kuli n nintuali, A yaa cedi ti puagidi,

Esekieli 18:23

Mini o Diedo, Li Miali Diedo yedi: ‹Naani n bua o nibiado kuuma bi? Min sugini yaala ki tie wan lebidi o tagu ki yaa ye kaa?›

Ose Tili 14:1

U Tienu baa waani Samali yaaba fala, Kelima bi yie o. Bi yibalinba baa kpa ba leni mu jugisiemu. Bi baa ŋma ki midi bi biwaala, Ki lidi bi tugipunba mo.

Ose Tili 6:1

Lanwani, yi tua: «Cua mani tin lebidi ki goa ki ŋoadi Li Miali Diedo, Kelima o den dadi ki toatoadi ti, ama o baa buu ti, O den poagili ti, ama o baa fini tipo ti nala.

Ose Tili 7:10

Bani Isalele yaaba japaadi kpaani Ki tieni bipo yaa siedi n bia. Baa leni lani kuli, baa lebidi bi yama Ki guani Li Miali Diedo bi Tienu kani, Baa leni lani kuli, bi naa lingi o.

Amosi 5:2

Isalele yaaba baa nani yaa jafaano n kpe ki daa bani ja yeni. O panma nni, o baa ki kan go fii, O bili tiipo, Oba kuli kan fiini o.

Mise 7:8

Ti yibalinba, da mangi mani yi pala tipo, Baa ti yaa baa, ti go baa fii Baa ti yaa ka li *biigili nni, Li Miali Diedo tie ti yenma.