Jeremi 8:2 - Gourmanchéma Bible

² Bi baa deni laa kpaba u yienu nni, o ŋmaalo nni, leni a ŋmabila nintuali, ban den bua yaaba ki pugi ba yeni. Bi kan wodi a kpaba yeni, bi kan piini a mo. Ama a baa tua bugidi u tingbanu po.

U TIENU MAAMA TILI 2013

² Bi baa deni laa kpaba u yienu nni, o ŋmaalo leni a ŋmabila nintuali, ban den bua bani yaaba ki pugi ba yeni. Bi kan wodi a kpaba yeni, bi kan piini a mo. Ama a baa tua bugidi u tingbanu po.

Jeremi 8:2 ပူးပေါင်းရင်းမြစ်များ

2 Bi Badiba 17:16

Bi den ŋa Li Miali Diedo bi Tienu ñoabona kuli ki duadi bi yula po naabila lie, ki kpie ku dafoagidigu o bulo*Asitate po ki pugi ki jaandi tanpoli gola, ki ŋoadi*Baali.

2 Bi Badiba 21:3

O den goa ki maa yaa padibinbina n den ye a juana yula po ke o baa Esekiasi den bolini yeni. O den maa a padibinbina o *bulo *Baali po. O den bugini ku dafoagidigu o bulo *Akela po, nani Isalele diema bado Akabi n den tieni maama. O den pugi a ŋmabila.

2 Bi Badiba 21:5

O go den maa Li Miali Diedo diegu luoliliedi nni a padibinbina a ŋmabila po.

2 Bi Badiba 23:5

O den deli Juda batieba n den dini yaa kopadicianba i*buli po ke bi padi ki juugi tulale yaa padibinbina n ye a juana yula po po. Bi den padi ki juugi tulale yaa padibinbina n den ye a juana yula po, ki ye Juda diema dogi nni leni Jelusalema tinkundogi nni kuli. O den deli yaa kopadicianba n den padi o bulo Baali po leni u yienu leni o ŋmaalo leni Sodiaki leni a ŋmabila po, ki siagi bipo yaa tisinma yaa muñii n pia u nuulimanu yeni.

Pisomi 53:5

Naani yaaba n tiendi mi biadima yeni ki pia bandima yo? Bani yaaba n di n niba nani ban di mi jiema maama yeni. Baa jaandi ki miadi U Tienu.

Pisomi 83:10

Tieni ba nani ŋan den tieni Madiana yaaba maama, Nani Sisela leni Yabini Kisoni kpenu kani maama yeni.

Pisomi 83:11

Bi bolini ba Eyini-Dola dogu nni, Ke bi tua bugidi ki tinga po.

O Yanfuodaano 6:3

Nilo yaa mali baa bila kobiga, ki tieni binabina, o yaa gbadi o miali manu, kaa baa baa kuli, n sua ke ban mali yaa biga kaa taa cie o.

Jeremi 14:16

Ban pua yaaba yaa po sawali, Mi koma leni bu toabu Baa bolini ba Jelusalema sani nni, Bi kan baa yua n baa doagini ba mo. Bani bi puoba, bi bijaba leni bi bisiaba, N baa teni bi biadima n jiidi bi yula po.»

Jeremi 16:11

Lanwani a baa guani ba: ‹Li tie kelima yi baanba ŋa nne. Mini Li Miali Diedo n yedi yeni. Yi tiini ki ŋua i *buli, ki baa yaa kpiagidi i, Ki gbaandi i, ki go pugi i Ama mini wani, bi ŋa nni, Baa go kubi n *balimaama.

Jeremi 16:4

‹Bi baa yiage ki kpe. Bi kan baa kuŋanbili. Bi kan baa ban bogidi ba. Bi baa kpandi ki tua bugidi u tingbanu po. Bu toabu leni mi koma baa dudi ba. Bi gbanandi baa tua jiema tanpoli nuani leni ti yandi kuli po.› »

Jeremi 16:6

Li nikpela leni li bila kuli baa kpe mi naa diema nni. Bi kan baa piinma, Bi kan baa ban lu bi kudiegu, Oba kan kuo o yuli bipo, Ki buali nni ban be i be bipo.

Jeremi 19:13

Jelusalema diedi leni Juda badiba diedi Baa tua yaa kaani n *joagini nani Tofeti po yeni. Li baa tua yene laa diedi kuli po, Ban den juugi yaadi yaa yula po a dugibila tanpoli ŋmaali po, Ki go cabini a ñincaba i nilanbuli po yeni.»

Jeremi 22:19

Bi baa piini o nani o ŋunbo yeni Bi baa fuli o ki ñani o Jelusalema dogu buliñoana kani ki ban lu.

Jeremi 25:33

Li Miali Diedo n baa kpa landaali yaaba yeni, baa bibili i kaani kuli. Ki cili u naa tinbianu ki ban tu u naa tinbianu, bi kan ŋanbi bi kuuma, bi kan doagini ba. Bi kan baa piinma. Ama bi baa kpandi ki tua bugidi u tingbanu po.

Jeremi 31:40

Bi baa biigi bi tinkpiba leni mi fantanpienma joaloangu ki taani leni yaa fanma n bili ki ban pundi hali Sediloni joaloangu ki ban tu i taami buliñoabu nijienu po. Bi baa taa likuli ki gagidi ki ŋanbi Li Miali Diedo po. Bi kan go tudi ki lu la, ki buali ban bolini la.»

Jeremi 36:30

Li tie lani yaa po yo ke Li Miali Diedo maadi Juda bado Yeojakimi po yaa maama n tie na: Oba kuli o buolu nni kan kali Dafidi bali gbandi po. Bi baa ña ki bili o tinkpilo niini u yienu n puli o u yensiinu, ti wadi mo n gbadi o ku ñiagu.

Jeremi 9:20

Kelima mi kuuma kua ti diebona kani. Mi kua ti dieŋama nni. Mi di a bila i sani nni, Ki di bi nipanba mu daamu nni.

Jeremi 9:21

Li Miali Diedo ñoabonli nne: Bi niba baa kpe ki wudi nani ti bugidi yeni i kuani nni Nani ban yendi yaa dikala Ki luni yua n yendi puoli po yeni, Oba kuli kan nuadi ba.

Jeremi 9:22

Li Miali Diedo yedi nanda: «O yanfodaano n da jigini o yuli o yanfuoma po. O gbanmandaano n da jigini o yuli o gbanmanu po. O piado n da jigini o yuli o piama po.

Esekieli 29:5

N baa lu fini leni a kpeni jami kuli Mi fanpienma nni. A baa baa i kuani nni, Bi kan taa ŋa, ki buali ban piini a. N baa teni ŋan tua Ki tinga yandi leni tanpoli nuani bonjekaala.

Esekieli 39:5

A baa baa ki tinga po ki kpe Kelima o Diedo, Li Miali Diedo n yedi yeni.

Esekieli 6:5

N baa ladi Isalele yaaba kpiema bi buli nintuali. N baa yadi yadi bi kpaba ki lindi bi padibinbina.

Esekieli 8:16

Lane o den gedini nni Li Miali Diedo diegu luolu nni. Diidi Li Miali Diedo diegu buliñoabu kani, bu buliñoajabu leni li padibinbinli siiga, piilie n jaba muu den ye likani. Bi nunmu den tiegi puoli, ke bi cakoda mo tiegi Li Miali Diedo diegu. Bi den labindi ki kpiagidi u yienu.

Sofoni 1:17

Li Miali Diedo yedi: «N baa kuani bi nisaaliba fala nni, N baa teni ban yaa cuoni ki tulibi nani a juama yeni, Kelima bi tieni npo ti *tuonbiadi. Bi soama baa wuli i kaani kuli nani ku tangungu yeni, Bi kpiema n bedi nani ti baadi yeni.

Sofoni 1:5

N baa bolini yaaba n do a diena tanpoli ki kpiagidi a ŋmabila, Leni yaaba n kpiagidi nni Ki polini ke bi ŋua nni leni bi pala kuli, Ama ki nan biliti i ñoaniani leni o bulo Milikomi.

Jesu Tondiba Tuona 7:42

Lane U Tienu den lebidi ki ŋa ba, ki cedi ke bi kpiagidi tanpoli ŋmaali, nani lan diani bi sawalipuaba tila nni maama: ‹Yinba, Isalele buolu yaaba, Naani yi den padi npo ti yandi leni a pada buoli kuli Yin den ye mi fanpienma nni bina piinaa bi?

Mi Tiadima 17:3

ki gedi hali ki ban kpiagi i *buli ki go gbaani ki pugi u yienu, o ŋmaalo leni tanpoli gola kuli, yaala n tie min kuani yi ke yin da tieni yaala.

Mi Tiadima 4:19

Fangi mani yi yula ke yin da ti yaadi ki diidi tanpoli po, u yienu, o ŋmaalo, a ŋmabila leni tanpoli gola kuli, ke yin da ti kuani yi yama ke yi baa gbaani ki pugi ba. Kelima lani n tie Li Miali Diedo yi Tienu n boagidi ki puni yaa bonla ki tinga nibuoli kuli.