Jeremi 8:16 - Gourmanchéma Bible

¹⁶ Bi gba i taami dunli Dana diema po, A tanjala dunli teni Ke ki tinga kuli digibi. Bi cua, bi ŋmani Mi diema leni yaala n ye mi niinni U dogu leni yaaba n ye u niinni.»

U TIENU MAAMA TILI 2013

¹⁶ Bi gba i taami dunli hali Dan diema nni, A tanjala dunli teni Ke ki tinga kuli digibi. Bi cua, bi ŋmani Mi diema leni yaala n ye mi niinni, U dogu leni yaaba n ye u niinni.»

Jeremi 8:16 ပူးပေါင်းရင်းမြစ်များ

Jobi 39:20

Naani fini n teni ke o yugi nani li dondobili yeni? Wan yigini ki duni maama yen pia ti jawaandi.

Pisomi 24:1

Dafidi yanbu. Li Miali Diedo n die ki tinga Leni yaala n ye ki niinni kuli. Wani n die li ŋandunli leni yaaba n ye lienni kuli!

Jeremi 10:25

Teni a pabiencianli n jiidi i nilanbuoli po Bani yaaba n ki bani a Leni yaa nibuoli n ki jaandi ki miadi a todima yeni po. Kelima bi di Jakobo buolu. Bi dini o hali ki bolini o Ki teni ke o tinga tua paboanli kaanu.

Jeremi 3:24

Hali ti bonwaama nni o cancaginbulo *Baali ŋoadima pia i fe, li dini ti baanba N den faligi bi yula ki bili yaala, Bi yangbenga leni bi yanbidi kuli, Bi bijaba leni bi bisiaba kuli.

Jeremi 30:16

Lani n teni ke yaaba n dini a, bi baa je ba A yibalinba kuli baa gedi ti yonbidi Yaaba n den su ŋa, bi baa su ba Yaaba n kpendi ki fagi a Bi baa fagi bani moko.

Jeremi 30:5

Wani Li Miali Diedo yedi nanda: «Min gba yaa fuugu yeni naa tie yanduanma fuugu ka. Li tie jawaanciandi yaa fuugu yo.

Jeremi 4:24

N diidi a juana, ŋani mo bendi ki baali, A joabila kuli begibi.

Jeremi 4:7

O yangbanlo sani ki ñani o wuonkaanu Yua bolindi i nibuoli fii ki cili li cenli. O ñani o deni Ki baa kuani mi diema nni li paboanli. A dogi baa le boni Nilo kan sieni i niinni.

Jeremi 47:3

Kelima yaa taami n pia u paalu taana n mua maama po, Teliti dunli po leni bi taana moe po, Bibaanba ki gbegidi ki diidi bi bijaba, Kelima bi nii n tadigi boncianla maama po.

Jeremi 5:17

Bi baa je yi kpaandi leni yi jiema Bi baa je yi bijaba leni yi bisiaba Yi yangbenga leni yi yanbidi kuli Yi duven tiidi kuani leni yi kankandi Bu toabu baa bolini yi dopaali Yin tama naani ke puu kan nandi yi yeni.

Jeremi 50:42

Bi kpali li dabanli, ki yugidi li kpaanli. Bi pia ku tugumoangu, kaa gba niñima. Bi niali dune nani mi ñincianma yeni. Bi jagi i taami po ki taani ki caligi Nani niyendo yeni bu toabu po, Ki baa koani leni Babilona yaaba.

Jeremi 51:29

Ki tinga waagi ki jeli banbani, Li Miali Diedo n den bili ke o baa tieni Babilona diema yaala n tieni yaa yogunu. O teni ke Babilona diema tua diegbengu, Niba n ki go ye naani.

Jeremi 6:23

Bi kubi li dabanli leni li kpaanli. Bi pia ku tugumoangu leni i nunkuomi Bi niali duni nani mi ñincianma yeni. Bi jagi i taami, Ki caligi bonŋanla nani niyendo bu toabu po yeni, Ki baa koani leni Siyono badisalo.

Nahumi 3:2

U dogu nni, i fibi mua, Ti toateliti taana mua waliwali, Ti toateliti tiini.

Habakuki 3:10

A juana laa ŋa ki digibi. Mi ñima ña tanpoli ki cuudi ki tinga nni. Mi ñincianma fu ki fiindi a ñinguona Ke a pua ki yugi hali tanpoli.

1 Korenti 10:26

kelima li diani ki yedi: «O Diedo die ki tinga Leni yaala n ye ki niinni kuli.»

1 Korenti 10:28

Ama o nilo yaa yedi yi: «Yaa nandi n tie na tie padinandi,» da je mani kelima yaa nilo n waani yi la po, leni li pali siedi po.

Bi Bujiaba 18:29

Bi den yini u Dana, bi yaaja Dana, Jakobo bijua n den yi maama. Ama u den kpa yi Layisi yo.

Bi Bujiaba 20:1

Isalele yaaba kuli den taani ñoabu ki gedi ki taani Mitisipa dogu, Li Miali Diedo nintuali. Bi den ñani i kaani kuli, ki cili nijienu po, Dana dogu, ki yaa caa hali niganu, Beti-Seba dogu, leni Galaadi, puoli po yaa diema.

Bi Bujiaba 5:22

Lanwani i taami tawoga den mua Bi toatieba yaaba n jagi ba n den tiini ki bua ki ga bi yula.