Jeremi 8:13 - Gourmanchéma Bible

¹³ Li Miali Diedo yedi: «N bua ki baa min baa bili ba naani. *Duven tiidi kan luoni pu kuli. Bu kankanbu kan go yaa pia kankana Ti faadi baa mali N baa ŋa ba bi yibalinba nuu nni.»

U TIENU MAAMA TILI 2013

¹³ O Diedo yedi: «N baa baa min baa bili ba naani. Duven tiidi kan luoni puu kuli. Bu kankanbu kan go yaa pia kankana, Ti faadi baa mali, N baa ŋaa ba bi yibalinba nuu nni.»

Jeremi 8:13 ပူးပေါင်းရင်းမြစ်များ

Esayi 5:10

Duven tiidi kuanu yaa pundi ekitaadi bonba taa Laa kuanu nni bi kan fidi ki ñani duven tiidi daama litidi piimuu. Yua mo n buli *ŋalikama kilo kobiga baa yendi kilo piiga bebe.

Jeremi 14:12

Baa bi yaa loli bu ñoabu n kan cengi bi paboandanmoe. Baa bi yaa cuani a padijuukaana leni bu paabu pada N kan cengi ba kelima n baa teni bu toabu, Mi koma leni u yianbiadipuodiko n dudi ba.»

Jeremi 14:15

Lani n teni ke Li Miali Diedo yedi nanda: «Yaa sawalipuaba n pua mi faama Ke mii soani ba ki tua ke toabu kan cua mi naa diema nni, Ke koma mo kan tieni. Baa leni lankuli, bu toabu leni mi koma n baa bolini ba.

Jeremi 17:8

O tie nani ban ŋu yaa tibu u kpenu kani, Ke bu jiini tandi ki ban pundi ku baagu nni. Laa tibu naa bani ke wulugu ye. Bu faadi mo kan mali abada. U tayialu binli, bu yama naa yagini. Bu go baa yaa baa luoni bu bonluonkaala mo.

Jeremi 5:17

Bi baa je yi kpaandi leni yi jiema Bi baa je yi bijaba leni yi bisiaba Yi yangbenga leni yi yanbidi kuli Yi duven tiidi kuani leni yi kankandi Bu toabu baa bolini yi dopaali Yin tama naani ke puu kan nandi yi yeni.

Jeremi 7:20

Lani n teni ke n Diedo, Li Miali Diedo yedi mine: «Diidi n pabiencianli baa nandi u naa kaanu koatiidi, Li niba, li yandi, leni li tinga bonluonkaala kuli. Mi fantama baa yaa siagi la ki kan gbindi.»

Esekieli 22:31

N wuli bipo n pabienli ki bolini ba leni n pabienli fantama. N baa teni bi tuona n goa ki baa bi yula po. O Diedo, Li Miali Diedo n yedi yeni.»

Ose Tili 2:12

N baa yiedi o mubima, O jaconcona nintuali. Oba kuli mo kan fidi ki faabi o n nuu nni.

Joeli 1:7

U nibuolu yeni bolini ti duven tiidi, Ki jendijendi ti kankandi, Ki kpabidikpabidi i ki tudi ki luni i, Ki kogidi n duven tiidi dapoaga ki ŋa a dapiena.

Levi 26:20

Yi baa tuuni ki biandi yi fidu fanma fanma. Yi tinga kan luoni yipo ki bonluonkaala, ki tinga tiidi mo kan go luoni yipo bonluonkaala.

Habakuki 3:17

I kankandi kan go tieni puuma. I duven tiidi kan luoni. *Olifie tiidi kan luoni liba kuli. Kpaangu kan tieni i kuani nni. I pe kuli baa bodi a yanlola nni I ne mo n bodi i naapagi nni.

Age Tili 1:11

N teni ke u yialu cua mi diema nni, Ke a juana yula po kuodi, *Ŋalikama kuani kuodi, Duven tiidi kuani kuodi, *Olifie tiidi kuani kuodi, Yaa bonbulikaala n sieni kuli kuodi, Bi niba leni ti yandi laa fala lipo, Yi nii tuona kuli bia fanma.› »

Age Tili 2:17

N den teni ke yi kuani faani, A baayuana den kua i, A tatana moko den baa ki biidi yi bonluonkaala. Ama leni lani kuli, Yii lebidi yi yama ki guani n kani. Li Miali Diedo n yedi yeni.

Malaki 3:11

N kan tuo a bonfuoda n bolini yi bonbulikaala. Yi duven tiidi baa luoni boncianla, Li Miali Diedo, U Paaciamu Kuli Daano n yedi yeni.

Matie 21:19

O den laa bu kankanbu u sankunu ki jadi ki gedi bukani. Ama waa den laa pu bupo se ti faadi bebe. O den yedi bu: «Ŋan da go luoni pu kuli hali abada.» Lanyogunu bu kankanbu den kuodi.

Jaki 1:11

U yienu pudi ke u wulitonma teni ke ti muadi kuodi ke ti puuma mo suodi, tin pia yaa jawaama mo bodi. O piado moko baa mali ki suodi yene o ŋantaadi siiga.