Jeremi 8:12 - Gourmanchéma Bible

¹² Li bi pundi i fe n cuo ba leni ban tuuni yaa tuongunda. Ama i fe naa cuo ba, Baa go bani fe n tie yaala Lani n teni ke bi baa kpe nani biyaba yeni. Bi baa yaa tuudi ki baali min baa ti fii ki sedi bipo yaa yogunu. Li Miali Diedo n yedi yeni.

U TIENU MAAMA TILI 2013

¹² Li bi pundi i fe n cuo ba, Ban tuuni yaa tuongunda po. Ama i fe naa cuo ba, Baa go bani fe n tie yaala, Lani n teni ke bi baa kpe nani biyaba yeni. Min baa ti fii ki sedi bi po yaa yogunu, Bi baa yaa tuudi ki baali. O Diedo n yedi yeni.

Jeremi 8:12 ပူးပေါင်းရင်းမြစ်များ

Mi cilima 19:34

Yaa daali n ŋua o bisakpelo den yedi o waalo: «Diidi wonli nni yaa ñiagu n den duani leni n baa. Tin go teni wan ño mi daama dinla yaa ñiagu ke a mo n gedi ki duani leni o lan tie ti baa buolu n da bodi.»

Pisomi 52:1

Bi yanyanba yudaano yani siiga yanbu. Dafidi yanbu.

Pisomi 52:7

Lani yaa po U Tienu baa bolini a yaa yogunu kuli po. O baa guli a ki dadi ki ñani a a gbandieli nni. O baa ñani a bi nifuodiba tinga nni.

Esayi 24:2

Li tie yenme o kopadiciamo leni li nitaanli po, Canbaa leni o naacemo po, Cannaa leni o potuado po, Yua n kuadi leni yua daa po, Ban ledi yua yaa kani leni yua n baa ledi kuli po, Ban pia yua yaa panli leni o pandaano kuli po.

Esayi 3:9

Bi japaadi jia leni ba ti buudi. Bi doagidi bi *tuonbiadi nani Sodoma yeni ki naa wuondi ti mo, Mi yebiadima n ŋma ba kelima bani n lingi fala.

Jeremi 10:15

Baa pia mayuli Bi cila pia ti laadi, Bi baa bodi, Bi fala yaa cua yaa daali.

Jeremi 14:15

Lani n teni ke Li Miali Diedo yedi nanda: «Yaa sawalipuaba n pua mi faama Ke mii soani ba ki tua ke toabu kan cua mi naa diema nni, Ke koma mo kan tieni. Baa leni lankuli, bu toabu leni mi koma n baa bolini ba.

Jeremi 23:12

Lani n teni ke bi sanu baa yaa ŋaligi ki go biigi. Bi baa ŋmadi ki baa. N yaa fii ki sedi bipo yaa binli, N baa teni mi yebiadima n ŋma ba. Mini Li Miali Diedo n yedi yeni.›

Jeremi 3:3

Lanwani n yie kaa puni a taaga, Ki tayuankaaga mo naa cua. A li baa pia a poconcona leni mi kafaama, Ŋaa ban jie baa fe mo.

Jeremi 44:10

Hali ki ban tuoni dinla, yi naa biidi yi pala, yi naa baa fangiliba, yi naa ŋoadi min den teni yinba leni yi baanba yaa *balimaama leni yaa ñoabonbilikaana.› »

Jeremi 6:15

Li bi pundi i fe n cuo ba kelima bi tuongunda po. Ama i fe naa cuo ba. Baa go bani fe n tie yaala. Lani n teni n yaa fii ki sedi bipo yaa yogunu, Bi baa ŋmadi ki baa leni yaaba n baali, Bi baa yaa tuudi tuudi. Li Miali Diedo n yedi yeni.

Jeremi 6:21

Lani n teni ke Li Miali Diedo maadi yaa maama n tie na: «Diidi n bili a *tantuudikaana u naa nibuolu nintuali, Bi baanba leni bi bijaba kuli baa yaa tuudi ki baali lankane, Ki taani leni bi yieninlieba leni bi danlinba kuli baa kpe.»

Esekieli 23:18

O den doagidi o conconma. O go den doagidi o mubili. N yama den ñani o niinni, Nani n yama n den ñani o kpelo nni maama yeni.

Ose Tili 5:9

Fala daali yaa cua, Isalele buolu yaaba baa bodi, Min wangi yaala yinba Isalele yaaba siiga na Baa tieni ke laa pia kuli tama.

Sofoni 3:5

Ama Li Miali Diedo nan ye Jelusalema, Ki tiendi yaala n tiegi, kaa tiendi kuli yaala n bia. Fiifaama kuli, o ja yaa buudi n tiegi, Ki naa jidi baa dayenli. Ama baa leni lani kuli, bi nibiadiba tiendi yaala n bia, Kaa gba feba kuli.

Mi Tiadima 32:35

Mini n tie o pantuulo, mini n baa tu i biadi panpaani, Yaa yogunu ke bi taana digibi Kelima bi fala daali nagini Bi juodima mo n tiini ki kpendi yeni.»

Filipi 3:19

Bi juodima baa tie mi bodima. Bi tugidi n die ba. Ban tama ke yaala n tie bipo ti jigidi yeni tie bipo i fe. Bi kuandi bi yama ŋanduna bonla nni bebe.