Jeremi 7:6 - Gourmanchéma Bible

⁶ Yi yaa mabini o caano, ki kpienbiga leni li kpepuoli, Yi yaa wuli yua n ki pia tagili soama nekanba, Yi yaa ŋoadi i *buli yii n baa cuani yipo fala,

U TIENU MAAMA TILI 2013

⁶ yi yàá mabini o caano, ki kpienbiga leni li kpepuoli, kaa wuli yua n ki pia tagili soama u naa kaanu, yi yàá ŋoadi tientoe yii n baa cuani yi po fala,

Jeremi 7:6 ပူးပေါင်းရင်းမြစ်များ

2 Bi Badiba 21:6

O den taa o bijua ki padi li padili ki buoni o mi fantama nni. O den bu ku baagu ki go tiedi ti buligbandi. O den baa yaa ñoagidanba n maadi leni bi tinkpiba leni a lingida ki kaani. O go den suagi liiga ki tiendi yaala n bia Li Miali Diedo po, ki biendi o pali.

2 Bi Badiba 24:4

leni wan den ku yaa niba n kaa pia tagili ki gbieni Jelusalema bi soama yaa po. Li Miali Diedo ki den bua ki pa sugili.

Pisomi 106:38

Bi den wuli yaaba n ki pia tagili soama Ki den taa bi bijaba leni bi bisiaba soama Ki padi Kanana yaaba buli po. Lani, mi diema den *joagini kelima li kukpali po.

Mi Kpanjama 23:10

Ŋan da ŋmiagi yin den kpa bili yaa biankpaana, Ŋan da kua kpienbila mo yaa kuanu nni.

Esayi 59:7

Bi taana tiini ki caa mi biadima po Bi jaligi ki bua ki wuli yaa soama n ki pia tagili, Bi yantiana kuli tie yaa yantiana n ki tiegi U nafanu leni mi bolinma ye bi sani nni.

Jeremi 13:10

Laa nibiadiba n yie ke bi kan cengi n maama. Bi ŋua bi pajuaga, ki ŋua i *buli ki gbaandi ki pugi yi. Ban tua nani ku naa gbanñagidigu yaagu n ki go pia fuomaba kuli yeni!

Jeremi 19:4

Kelima bi ŋa nni ki teni ke u kaanu ne ki go pia bandima. Bi padi likani i *buli po a *dugibila, bi baanba leni Juda badiba leni bani biba n ki den bani yaa buli. Bi gbieni u naa kaanu leni yaaba n ki pia tagiliba kuli soama.

Jeremi 2:30

N pua yi bijaba fanma fanma bebe Bi naa gaani tundi. Nani yaa yangbanli n bolindi yeni Yi ku yi sawalipuaba yene.

Jeremi 2:34

A luoda leni yaaba n ki pia tagili Kuli soama ye a tiadi po, Ke a naa ludi ba ke bi bua ki pua Ki luodi a dieli buliñoabu ka.

Jeremi 26:15

Ama yin bandi ke yi yaa kpa nni, yi baa tugi yaa soama n ki pia tagili yi yula po, yinba, u naa dogu leni u niba kuli, kelima moamoani Li Miali Diedo n soani min waani yi laa maama.»

Jeremi 26:23

Bi den ñani Uliya Ejipiti nni ki cuani o o bado Yeojakimi kani ki ku o leni ki jugisiega ki luni o mi diema niba kula nni.

Jeremi 35:15

N den tuuni yi kani n naacenba bi sawalipuaba u yogunu kuli ki naa cedi, ke ban yedi yi: ‹Yua kuli n pegidi ki ŋa o sanbiadu, lebidi mani yi bontienkaala, da pia mani*ŋantaado leni i *buli ki baa kpiagidi yi. Yaa ye mani yeni, min puni yi yaa diema nni yinba leni yi baanba.› Ama yi naa cengi. Yi naa diadi yi tuba ki ga n maama.

Jeremi 5:28

Bi noadi bonŋanla ke bi gbani ñuliti Bi tuongunda ki pia bianu. Baa koani ki baa ga ki kpienbiga, Bi bonla kuli cuoni bipo bonŋanla. Bi baga ki ye leni a luoda.

Jeremi 7:5

Li yaa tie ke i moamoani yi lebidi yi tagi leni yi tuada, Yi yaa tieni bi niba kuli po nani lan pundi maama,

Jeremi 7:9

Yi su, ki kpaani mi kuuma, ki conbi, Ki pua mi faama ki polini, Ki padi a pada o bulo *Baali po, Ki tiini ki ŋua yin kaa pia *ŋantaado leni yaa buli.

Jeremi Bubula 4:13

Laa bonla tieni kelima o sawalipuaba tuonbiadi Leni o kopadicianba tagili po, Yaaba n den wuli bi niteginkamoanba soama bi siiga yeni.

Esekieli 18:6

ki naa di a juana po padijiema, ki naa ŋua Isalele yaaba *buli, ki naa boandi o nisaalilielo pua, ki naa taani leni yaa pua n ye o ŋmaalo nni ki baa *joagini o yuli,

Esekieli 22:7

A yaa niinne ke bi fali bibaa leni binaa. A siiga nne ke bi mabindi bi canba. A niinne ke bi janbidi a kpienbila leni a kpepuona.

Levi 19:33

Caano yaa cua ki kali yi diema nni, yin da janbidi o.

Levi 25:17

Oba kuli n da janbi o yua. Ŋan fangi a Tienu kelima n tie Li Miali Diedo a Tienu.

Malaki 3:5

Li Miali Diedo, U Paaciamu Kuli Daano yedi: «N baa cua yi siiga li bujiali po, N baa jaligi ki taa a lingida leni mi *conconma danba tagili, Ki taani leni yaaba n polini ki pua mi faama, Leni yaaba n mabindi bi tuonsoanba kaa pa ba bi ligi, Leni yaaba n faligidi a kpepuona leni a kpienbila, Leni yaaba n tiendi bi canba yaala n bia kaa fangi nni.»

Matie 27:25

Ku niligu kuli den goa ki yedi o: «O soama n baa tinba leni ti bila po.»

Matie 27:4

ki yedi: «N tieni ti *tuonbiadi ki janbi yua n naa pia tagili.» Bi den goa ki yedi o: «Lani mo nan ŋua tii? Li ŋua fine.»

Mi Tiadima 11:28

Ti solindi mo, yi yaa yie Li Miali Diedo yi Tienu balimaama, ki jadi ki ŋa min bili yipo yaa sanu dinla nne ki ŋoadi yin kaa bani yaa buli.

Mi Tiadima 24:17

Yin da muni o caano leni ki kpienbiga i moani, ki nan da ga li kpepuoli tiagu kelima o bua yin dini li panli po.

Mi Tiadima 27:19

‹Ti solindi n baa yua n muni o caano, ki kpienbiga bi li kpepuoli i moani!› Lani bi niba kuli baa taani ki ga: ‹Amina!›

Mi Tiadima 8:19

Yi yaa sundi Li Miali Diedo yi Tienu po ki ban ŋoadi i*buli, ki kpiagi i, ki gbaani ki pugi i, n waani yi laa maama dinla ke yi baa bodi.

Jaki 1:27

Yaa jaanma n ŋani cain ki naa pia joagindi ti Baa U Tienu nintuali tie, ki yaa todi a kpienbila leni a kpepuona bi fala nni, ki go kubi o yuli leni ŋanduna joagindi.