Jeremi 7:34 - Gourmanchéma Bible

³⁴ N baa teni Juda dogi leni Jelusalema yaa niinni I pamandanyani n gbeni. Togibaa, leni toginaa moko yaa yani baa gbeni Kelima yaa nafanu n baa pua mi diema yeni po.»

U TIENU MAAMA TILI 2013

³⁴ N baa teni Juda dogi leni Jerusalemi niinni, i pamandanyani n gbeni. Togibaa leni toginaa moko yaa yani baa gbeni, kelima yaa nufanu n baa pua mi diema yeni po.»

Jeremi 7:34 ပူးပေါင်းရင်းမြစ်များ

Jobi 3:7

Laa ñiagu n da go baa ku liegu Laa ñiagu n da baa pamandanyigimiba.

Pisomi 78:63

Mi fantama den dini bi jawaaba. Baa den yini i ñiigiyani bi jafanba po.

Esayi 1:7

Yi diema pua nafanu! Mi fantama buoni yi dogi. Bi canba di yi tinga bonluonkaala yi nunbu nni. Laa paboanli tie nani yibalinba n bolini yaa diema yeni.

Esayi 3:26

Siyono dogu buliñoana n mua Ki go yaa ye li paboanli nni.

Esayi 6:11

N den yedi: «O Diedo hali u laa yogune?» O den goa ki yedi: «Hali fala n baa nandi i dogi, bi niba n gbeni, Ti diedi n luo bi niba, Ki tinga mo n pua nafanu ki kuodi.»

Jeremi 16:9

Kelima Li Miali Diedo U Paaciamu Kuli Daano, Isalele Tienu yedi: ‹Mini nna! N baa teni li pamankandikaali yani, Toginaa leni togibaa yani leni i yigini kuli n gbeni. Laa bonla kuli baa tieni yi nunbu nni ke yi da pia yi miana.›

Jeremi 22:6

Diidi Li Miali Diedo maadi yaa maama n tie na, Juda bado diegu po: «A tie npo nani Galaadi yene Bi nani Libani juana tanpojoma yeni. Ama baa leni lankuli n poli apo Ke n baa teni ŋan tua fanpienma, Yaa dogu n ki pia nilo.

Jeremi 25:10

N baa teni bi siiga li pamancianli leni i laayieni, togibaa leni toginaa yani, li naali leni ki fidisanga yenma n gbeni.

Jeremi 27:17

Da cengi ba mani! Soani mani Babilona bado po. Lani n tie yin yaa ye. Yi baa ga lede ki teni u dogu na n kpandi ki tua diegbena?»

Jeremi 33:10

Li Miali Diedo yedi mine: «Yinba Juda yaaba, yi kpaagi ki tua Ke yi diema pua nafanu, Niba ki ye mi niinni ki buali yandi. Moamoane! Dinla po wani, Juda dogi nni Leni Jelusalema sani nni, Niba ki ye ki buali yandi. Ama n yedi yi ke mi naa diema nni yi go baa gbadi:

Jeremi 33:11

I pamandanyani, i pamankandike yani, togibaa leni toginaa yani. Yi go baa gbadi ke bi niba yiini ki tua: ‹Pagi mani Li Miali Diedo U Paaciamu Kuli Daano Kelima o ŋani, o *ŋanbili mo ye hali yaa yogunu kuli!› Yi go baa gbadi yaaba n cuani i tuondi pada yani Li Miali Diedo diegu nni. Kelima n baa teni yaaba n den ye ti yonbidi n goa ki kpeni Min kaani ba nani kpiama yeni. Li Miali Diedo n yedi yeni.»

Jeremi 4:26

N diidi ki sua ke Kalimeli Kpandi ki tua fanpienma. O dogi mo taani ki tie yoala Li Miali Diedo nintuali, Kelima o pabienkandikaali po.

Jeremi 4:27

Kelima Li Miali Diedo yedi mine: «Mi diema kuli baa jugi, Ama n kan bolini mi kukuli.

Jeremi 44:6

N den jiini n pabienli leni n mutuoli kuli Juda diema dogi po leni Jelusalema sani nni ke likuli kpandi diegbendi leni pabiidili kaani nani tin nua dinla maama yeni.»

Jeremi Bubula 5:14

A nikpela ŋa bu buliñoabu, Bi jawaaba mo cedi bi yani.

Esekieli 26:13

N baa teni yi yani n baa u bianu, Ke bi kan go gbadi yi kogidipuama.

Esekieli 7:11

Mi biadima fii ki se, Nani yaa gbiamu n yugidi ki baa pua yeni. Yi siiga nni liba kuli kan sieni Yi fuugu, yi coali leni yi yabinu, Likuli baa bodi ke bi kan mua yipo mo.

Ose Tili 2:11

Li tie lani yaa po ke n baa gaa n ŋalikama u jetaagu yogunu, Ki fie n duvenpaano mo duven tiidi bonluonkaala ciema yogunu. N baa fie n pekobidi leni n len, Wan baa taa lani yaala ki pali, Ki lu ti tiayiekaadi ki yie ki wuoni o mubima yeni.

Ose Tili 2:13

N baa teni yaala n bi tie o pamanli kuli n gbeni, Lani n tie a bina *jaanma, Wan jaani yaa jaanma ŋmapaano kuli, Mi fuodima dana leni o taanciama kuli.

Levi 26:33

N baa yadi yadi yi kuli ŋanduna nibuoli siiga, ki noadi n jugisiega ki ŋoadi yi puoli. Yi diema yeni baa ye leni li paboanli, yi dogi mo kuli kan go yaa pia niba.

Mise 7:13

Ama li ŋandunli yaaba, Yaaba n sieni baa bodi kelima bi tuonbiadi po.

Mi Doagidima 18:23

Ki fidisanga yenma Kan go yendi a niinni hali abada. Bi kan go gbadi li pocaan-pamanli Niali a niinni hali abada. Kelima a kpenda den tie Bi nicianba ki tinga nni, A den boandi i nibuoli kuli Leni a tanbipuali.