Jeremi 7:31 - Gourmanchéma Bible

³¹ Bi ŋanbi a pada kaani Beni-Hinomi joaloangu nni, Ki baa yaa siagi bi bijaba leni bi bisiaba, Min kaa den puni yi yaa sanu. Min kaa den baa yaa yanjagili.› »

U TIENU MAAMA TILI 2013

³¹ Bi ŋanbi a pada kaani Beni-Hinomi joaloangu nni, ki baa yaa siagi bi bijaba leni bi bisiaba, min kaa den puni yi yaa sanu, min kaa den baa yaa yanjagili mo.› »

Jeremi 7:31 ပူးပေါင်းရင်းမြစ်များ

2 Bi Badiba 17:17

Bi den juugi bi bonjala leni bi bonpola a pada po, ki kuani bi yama mi lingima leni li babuuli nni, ki puni bi yula ki tiendi yaala n bia Li Miali Diedo po ki fiini o pali.

2 Bi Badiba 23:10

O bado Josiasi den biidi o bulo *Moloko yaa kaanu, yu n den ye Hinomi bijaba joaloangu nni ki yi Tofeti. O den tieni yeni ke niloba n da go taa o bijua bi o bisalo ki sia mi fantama nni o bulo Moloko po.

2 Bi Badiba 23:20

O den kodi i buli kopadicianba, yaaba n den ye likani, ban den padi yaa padibinbina kani, ki sia bi tinkpikpaba a padibinbina kani. Li yaa puoli, o den lebidi ki kuni Jelusalema.

2 Bi Badiba Jama 28:3

O den juu tulale Beni-Hinomi bijaba joaloangu nni. O den juu o bijaba mi fantama nni, ki ŋoadi nani i nilanbuoli cagindi, Li Miali Diedo n den deli yaaba Isalele yaaba nintuali.

2 Bi Badiba Jama 33:6

O den taa baa o bijaba ki padi ba li padili po, ki buoni ba mi fantama nni, Beni-Hinomi Joaloangu nni. O den bu ku baagu ki go tiendi ti buligbandi leni u ñoagu. O den baa yaa ñoagidanba n maadi leni bi tinkpiba, leni a lingida. O go den suagi liiga ki tiendi yaala n bia Li Miali Diedo po, ki biendi o pali.

Esayi 30:33

Bi tuodi ki bogini u juukaanu hali yogu, Li kaanu tie o bado moko yaa po yo. Li tie buogu yaagu n ñua ki go pia. Bi dogini likani yaa daadi n yaba boncianla mi juuma po. Li Miali Diedo ñoabu fawaama n baa cuoni ti nani li cidibili yeni.

Esayi 57:5

Yi fiindi yi gbani yi ticiandi kani Leni yaa tibu n bundi bonŋanla kuli tinga Ki kodi a bila ti joaloandi nni, Leni a joatanmaba tinga.

Jeremi 19:2

Ŋan yuandi ki ñani a tancacala buliñoabu po, yaabu n goa Beni-Hinomi joaloangu po. Lankani a baa waani ba min baa puogi a ŋan waani ba yaa maama.»

Jeremi 2:23

A ban tieni lede ki yedi: «Mii joagini, Mii pia *ŋantaado leni o bulo Baali ŋoadima.» Diidi a taabuona ku joaloangu nni, Ki tuo ŋan tieni yaala Fini ki yuoyuoñuaga yaaga n puagi ki lindi!

Jeremi 32:34

Bi kuani bi cancaginbonla n diegu nni Ban taagi n yeli naani ki *joagini gu.

Jeremi 32:35

Bi maa bi *buli padikaani Baali po Beni-Hinomi joaloangu nni Ki baa padi bi bijaba leni bi bisiaba o bulo *Moloko po. Mii den puogi ba ban tieni laa bonla. Mii den baa li yantiali ki baa tieni laa cagindi bole Ki teni Juda n tieni ti *tuonbiadi.»

Esekieli 16:20

A go den taa a bijaba leni a bisiaba ŋan den mali npo yaaba ki padi ba a *buli yeni po ke i dini ba. Naani ŋan den conbi yeni daa den dagidi apo yo ke a go den tieni yeni?

Esekieli 20:26

N den teni ke bi joagini biba leni ban tieni yaa pada, ki padi bi bonjakpiamu yeni po. N den kuani ba laa fala nni ke ban bandi ke n tie Li Miali Diedo.›

Esekieli 20:31

Moala yi go joagini yi yula leni yin den caani yaa paabu leni yin padi yi bila yaaba ki poandi mi fantama nni. Lanwani yinba Isalele yaaba, yi tama yene ke n baa cedi yin cua ki bu nni? Lan ki ye. Mini Li Miali Diedo yua n fo n yedi ke n kan tuo yin cua ki bu nni.›

Levi 18:21

Ŋan da teni a bila siiga baa yendo ban lu o mi fantama nni ki padi o, o bulo *Moloko po. Ŋan da jugi ki biidi a Tienu yeli. N tie Li Miali Diedo.

Mise 6:7

Naani Li Miali Diedo pali baa mangi N yaa cuani opo i pe tudatuda bam? Naani Li Miali Diedo bua yaa kpama n baa gbieni I kpenciami tudatuda bam yo? Naani n baa taa n bonjakpiaga ki padi ga li padili Ki mia sugili n yiema leni n yanmaalibiadima po bi?

Mi Tiadima 12:31

Yin da tieni yeni Li Miali Diedo yi Tienu po, kelima bi den tiendi bi buli po a tuongunda buoli kuli leni ti cagindi yaala n ki den mani Li Miali Diedo po. Bi den ban juugi baa bi bijaba leni bi bisiaba mi fantama nni bi buli kpiagidi po.

Mi Tiadima 17:3

ki gedi hali ki ban kpiagi i *buli ki go gbaani ki pugi u yienu, o ŋmaalo leni tanpoli gola kuli, yaala n tie min kuani yi ke yin da tieni yaala.

Mi Tiadima 18:10

Ban da le yi kani niloba yua n poandi o bijua bi o bisalo mi fantama nni, niloba yua n puni o yuli mi lingima po, yua n kubi u baayuadiidu, bi yua n pua mi tama, bi yua n kubi ti buligbandi,

Josue 15:8

U den ñani lankani ki poandi Hinomi joaloangu, Jebusa yaaba juaga jiidima ganu po, Jelusalema dogu n ye naani. U den tagini ki doni yaa juali n ye Hinomi joaloangu nintuali leni Befayima buolu yaaba yaa joaloangu jienu po.