Jeremi 7:25 - Gourmanchéma Bible

²⁵ Hali bi baanba n ñani Ejipiti diema nni yaa daali, Ki taa ki pundi hali dinla N soani yipo n naacenba bi sawalipuaba U yogunu kuli ki naa cedi.

U TIENU MAAMA TILI 2013

²⁵ Hali bi baanba n ñani Ejipiti diema nni yaa daali, ki taa ki pundi hali dinla, n soani yi po n naacenba bi saawalipuaba, u yogunu kuli ki naa cedi.

Jeremi 7:25 ပူးပေါင်းရင်းမြစ်များ

2 Bi Badiba Jama 24:19

Li Miali Diedo den soani bi sawalipuaba bi siiga, ke ban waani ba ban lebidi ki guani o kani, ama niloba kuli ki den cengi ba.

2 Bi Badiba Jama 36:15

Li Miali Diedo bi yaajanba Tienu yua n pia mi buama den tuodi ki soani figilima coacoali o tonda ke ban maadi o maama, kelima o bua ki faabi o niba, leni o diegu yaagu n tie o yekaanu.

Esidirasi 9:7

Hali ti yaajanba yogunu ki taa ki pundi hali moala, ti tieni ti tuonbiadi boncianla. Li tie ti tuonbiadi po ke a den taa ti, tinba leni ti badiba leni ti kopadicianba ki teni i nilanbuoli badiba nuu nni ke bi den tuogi leni ti bu toabu ki paadi ti, ki fagi ti ki gedini ti ti yonbidi ke dinla i fe kubi ti.

Nehemi 9:26

Ama baa yeni bi den fii ki fiini mi yiema apo. Bi den luni a bali maama, Bi den ku a sawalipuaba yaaba n den tigini ba Ke ban guani a kani. Bi den tudi apo tudicianma.

Nehemi 9:30

A den juuni leni ba hali yaa bina n yaba. A sawalipuaba yaaba n den gbie leni a Fuoma den tundi ba. Ama baa den cengi. Lanwani a den taa ba ki teni bi nilanba nuu nni.

Esayi 5:4

N go baa fidi tieni be yo n duven tiidi kuanu po Ke n daa tieni la? Be yaa po yo ke n den sugini ke u baa luoni Yaa bonluonkaala n ŋani ke u fii ki loni npo bonyuodi?

Jeremi 11:7

Hali min ñani yi baanba Ejipiti diema nni yaa daali Ki ban taa ki pundi dinla, Yaa yogunu kuli n li baa maadi leni ba ki tua: ‹Cengi mani n nialu.›

Jeremi 25:3

«Hali Josiasi Amoni bijua Juda bado, piiga n bintaali binli, ki ban tu dinla, piilie n bina taa ke Li Miali Diedo maadi leni nni. N goa ki tiadi yi laa maama ki naa cedi, ama yi naa cengi mo.

Jeremi 25:4

Li Miali Diedo soani yikani o naacenba ki naa cedi, ama yi naa cengi. Yii diadi yi tuba ki cengi moko.

Jeremi 29:19

Kelima baa cengi n maama, baa min tuuni n naacenba bi sawalipuaba yaaba yaa kani ki naa cedi. Baa leni lankuli yii cengi. Li Miali Diedo n yedi yeni.»

Jeremi 35:14

Bi kubi bi yaaja Lekabi bijua Yonadabi maama wani yua n den yedi o bijaba n da ño daama, baa ko ñuni mo hali dinla. Bi tuo bi baa maama. N mo te? N maadi ki maadi leni yi hali yaa yogu ki naa cedi, ama yi naa ga n maama.

Jeremi 35:15

N den tuuni yi kani n naacenba bi sawalipuaba u yogunu kuli ki naa cedi, ke ban yedi yi: ‹Yua kuli n pegidi ki ŋa o sanbiadu, lebidi mani yi bontienkaala, da pia mani*ŋantaado leni i *buli ki baa kpiagidi yi. Yaa ye mani yeni, min puni yi yaa diema nni yinba leni yi baanba.› Ama yi naa cengi. Yi naa diadi yi tuba ki ga n maama.

Jeremi 44:4

N tuuni yi kani n naacenba bi sawalipuaba u yogunu kuli ki naa cedi ke ban yedi yi: ‹Yin da tieni min nani yaa cancagintuona n tie na.›

Jeremi 7:13

Mini Li Miali Diedo yedi: ‹Nani yin soani laa tuona kuli yeni, Nani min maadi leni yi u yogunu kuli ke yi naa cengi, Nani min yini yi ke yii tuo yeni,

Esekieli 2:3

O den yedi nni: «Fini o ja yeni, mini n soani a laa nibuoyieko Isalele yaaba kani, bani yaaba n fiini npo mi yiema yeni po, bani leni bi yaajanba den tua npo i tagili danba ki taa ki pundi hali dinla.

Ose Tili 11:7

N niba sedi bi yiema nni ke li pa, Bi yi ba ke ban guani mini tanpoli bado kani, Ama bi siiga oba kuli ki fii.

Ose Tili 12:10

N tie Li Miali Diedo, yi Tienu, hali yin den ye Ejipiti. N didi go baa teni yin yaa ye yi gbandiena nni, Nani yi jaanma yogunu yeni.

Amosi 2:11

N den fiini yi bijaba siiga bi sawalipuaba, Yi nipanba siiga mo *Nasileya yaaba Bi laa tie yeni ka Isalele yaaba? Li Miali Diedo n yedi yeni.

Malaki 3:7

Hali yi yaajanba yogunu, Yi yaadi ki ŋa n ñoabona, Kaa tiendi ŋan bili yaala. Lebidi mani ki guani n kani! Nmo baa lebidi ki guani yi kani. Li Miali Diedo, U Paaciamu Kuli Daano n yedi yeni. Ama yi tua: ‹Ti ŋa a lede yo, Ki baa lebidi ki guani a kani?›

Luki 11:49

Li tie lani yaa po ke wani U Tienu yanfuoma po o maadi Jufinba maama ki yedi ke wani U Tienu n baa soani bikani o sawalipuaba leni o tondiba. Bi baa kpa bine ki faligi bine.

Mi Tiadima 9:7

Tiadi mani ki da sundi yin den bieni Li Miali Diedo yi Tienu pali mi fanpienma nni maama, ki cili yin ñani Ejipiti diema nni yaa daali ki taa ki pundi hali yin cua u naa kaanu yaa daali. Yi den fiindi mi yiema Li Miali Diedo po.