Jeremi 7:24 - Gourmanchéma Bible

²⁴ Baa leni lankuli baa cengi. Baa diadi bi tuba ki cengi. Bi ŋoadi bi pajuaga yaa *joagini yaa tundi, Bi guani puoli, baa suagi liiga.

U TIENU MAAMA TILI 2013

²⁴ Ba leni lani kuli, baa cengi. Baa diadi bi tuba ki cengi. Bi ŋoadi bi pajuaga ya joagini yaa tundi, ki guani puoli, kaa suagi liiga.

Jeremi 7:24 ပူးပေါင်းရင်းမြစ်များ

Nehemi 9:29

A den tigini ba ban guani ki kubi a bali maama, Ama bi den suagi liiga leni ti japaadi, Baa cengi a mabilikaama, Bi miidi a ñoabona ya n teni ke yua n tuo ki kubi la baa yaa ye. Bi den fiini mi yiema ki juagi bi tuli kaa tuo a maama.

Pisomi 81:13

Lanwani nmo den ŋaa ba ke bi ŋoadi bi pajuaga n bua yaala, Bani mo den ŋoadi ban bua yaala.

Jeremi 13:10

Laa nibiadiba n yie ke bi kan cengi n maama. Bi ŋua bi pajuaga, ki ŋua i *buli ki gbaandi ki pugi yi. Ban tua nani ku naa gbanñagidigu yaagu n ki go pia fuomaba kuli yeni!

Jeremi 13:11

Li Miali Diedo yedi: ‹Moamoani nani ban yen loli ku gbanñagidigu Ki ciaga nni maama yeni, N moko den taa Isalele yaaba kuli leni Juda yaaba kuli Ke ban tua n niba, n yeli, n pagidi, leni n jilima, Ama bi naa cengi nni.› »

Jeremi 15:6

A sundi npo! A buli nni a nunga! Lani n teni ke n tandi n nuu ki baa bolini a. N gbadi Jelusalema po mi niñima ki coagi.

Jeremi 16:12

Yimo go tieni mi biadima ki cie yi baanba. Diidi yi siiga nni yua kuli ŋua O pajagindi tundiyuodi ki naa cengi nni.

Jeremi 17:23

Ama yi baanba yeni naa den cengi, Baa diadi bi tubili, Bi juagi bi pala Kelima baa bua ki gbadi ki go ga mi bangima.»

Jeremi 17:9

O nisaalo pali goli ki cie bonla kuli Li naa pia ñoagu mo. Ŋme n baa fidi ki bandi li ki gbeni?

Jeremi 18:10

Ama laa nibuolu yaa tieni yaala n gundi npo ki naa cengi n nialu, n yen lebidi n yama, leni min bi jagi ki tieni bipo yaa ŋanma.›

Jeremi 18:12

Ama bi yedi: ‹Suginma ki ye! Kelima ti baa ŋoadi ti yanjaga. Yua kuli baa ŋoadi o pajuagijagindi.› »

Jeremi 2:27

Bani yaaba n tua ku daagu: «A tie n baa!» Ki tua li tanli mo: «A mali nni!» Kelima bi teni nni bi cakodigu, ki naa diidi nni. Bi yaa ye mi yebiadima nni bi yen yedi: «Fii ki faabi ti.»

Jeremi 22:21

Hali a yema n den mani apo yaa yogunu n den maadi leni a, Ama a den yie ke a kan cengi. A tagu nan li tie yene hali a panma nni Ŋaa cengi n nialu.

Jeremi 23:17

Bi ñigini ki yedi yaaba n fali nni: ‹Yi baa baa mi yanduanma!› Ki go yedi yaaba n ŋua bi pajuaga mo: ‹Yebiadima kan nandi yi!›

Jeremi 3:13

Ŋan li tuo a tagili bebe Kelima a yiema kuli Taa ki sedi Li Miali Diedo a Tienu po yo. A den ŋoadi bi nilanba *buli, Ki ban conbi yaa tibu n bundi kuli yaa tinga, Ki naa den cengi n nialu mo. Li Miali Diedo n yedi yeni.›

Jeremi 3:17

Laa yogunu bi baa yaa yi Jelusalema “Li Miali Diedo bali kalikaanu”. Mi diema nibuoli kuli baa sani ki cua u dogu yeni niinni, Li Miali Diedo yeli nni, Jelusalema dogu yeni po. Bi kaa go baa ŋua bi pajuaga sanyuodi.

Jeremi 32:23

Bi cua ki diedi ma, ama bi naa cengi a maama, baa cuoni nani a *balimaama n den bili bipo maama. Baa den tieni ŋan den puogi ba ban tieni yaala. Lani n teni ke a cuani bipo o naa fala kuli.

Jeremi 32:33

Bikuli buli nni bi nunmu, baa puni nni nunga. N bangi ba u yogunu kuli ki naa cedi, Ama bi naa gaani mi bangima.

Jeremi 35:15

N den tuuni yi kani n naacenba bi sawalipuaba u yogunu kuli ki naa cedi, ke ban yedi yi: ‹Yua kuli n pegidi ki ŋa o sanbiadu, lebidi mani yi bontienkaala, da pia mani*ŋantaado leni i *buli ki baa kpiagidi yi. Yaa ye mani yeni, min puni yi yaa diema nni yinba leni yi baanba.› Ama yi naa cengi. Yi naa diadi yi tuba ki ga n maama.

Jeremi 6:16

Li Miali Diedo yedi nanda: «Sedi mani i sani nni ki diidi bonŋanla. Buali mani u yogu nni sani n ye naani. U sanŋamu ye le yo? Tagini mani wuni yaa niinni, Ki baa mani yi yula po mi fuodima Ama bi goa ki yedi: ‹Ti kan tagi u niinni ba!›

Jeremi 7:26

Ama baa cengi n maama. Baa diadi bi tuba ki cengi. Bi juagi bi pala. Bi tieni yaala n bia ki cie bi baanba.

Jeremi 8:5

Be n teni ke Jelusalema niba jadi ki ŋa u sanu Kaa bani ban se naani? Bi suagi liiga leni i janbi Bi yie ke bi kan guani n kani.

Jeremi 9:14

Lani n teni Li Miali Diedo U Paaciamu Kuli Daano, Isalele Tienu yedi nanda: Lani yaa po n baa ñuni bi naa niba ti loabidi, ki teni ban yaa ye leni li paboanli.

Esekieli 20:13

Ama Isalele yaaba den fiini npo mi yiema mi fanpienma nni. Baa den ŋoadi n mabilikaama, ki den luni n ñoabona, o nilo n baa kubi ki go tieni yaala, ki fidi ki yaa ye. Bi go den joagini yogunu kuli n fuodima dana. N go den yuandi ki jagi ke n baa wuli bipo n pabienli mi fanpienma nni, ki bolini ba.

Esekieli 20:16

N den poli yeni kelima bi den ŋa n balimaama ki naa ŋua n ñoabona, ki naa den kubi n fuodima dana, lankuli kelima bi den puni bi yula bi buli.

Esekieli 20:21

Ama bani mo den fiini npo mi yiema. Bi naa den ŋoadi n balimaama ki den yie baa kubi n mabilikaama, ki naa go den tieni man yedi yaala, o nilo n baa kubi yaama ki fidi ki yaa ye. Bi den joagini n fuodima dana. N den jagi ke n kan go juuni leni ba, ama ke n baa wuli bipo n pabienli, ki gedi hali n pabienli bianu bipo mi fanpienma nni.

Esekieli 20:8

Ama bi den fiini npo mi yiema ki naa bua ki cengi nni. Oba mo kuli ki den ŋa ban den maani ki tiendi yaa cagindi, ki naa luni Ejipiti yaaba buli mo. N den yedi ke n kan go jiini n pali bipo, ama ke n baa wuli bipo n pabienli, ki teni n pabienli n tuoni li bianu bipo Ejipiti diema nni.

Danieli 9:6

Tii den cengi a naacenba bi sawalipuaba, yaaba n den maadi leni ti badiba leni ti badijaba leni ti baanba leni ti diema yaaba kuli a yeli nni.

Ose Tili 10:6

Bi baa tugi o ki gedini Asili diema nni, Ki ban pa o badiciamo. I fe baa cuo Efilayima buolu yaaba lipo. Bani Isalele yaaba baa yaa ye leni i fe, Kelima ban den jagi ki gandi laa sanu po.

Ose Tili 4:16

Isalele yie nani yaa naañua n yie Ke bi kan dadi o yeni. Li baa ga lede min yaa kpaa ba nani a pebila yeni Yaa yankpaafuana n tandi kaa pia bianu yaa niinni?

Mise 6:16

Yikuli ŋoadi o bado Omili n den bili yaa bogidibiada, Leni wani Omili bijua Akabi puoliŋuani N den tiendi yaala kuli. Yi ŋua ki kubi ban den jagi ki bili yaa bonbiadila. Li tie lani yaa po ke n baa taa yi Ki teni yi yibalinba nuu nni ban bolini yi. Fini u dogu, n baa teni a niba n tua bi niba po laadi bonla. Yi baa tugi ban den n fiagidi n niba yaa fe.»

Sakari 7:11

Ama bi niba den yie kaa cengi. Bi buli bi nunmu, ki biini bi tuba kaa bua ki gbadi.

Mi Tiadima 29:19

Li Miali Diedo kan tieni opo sugili. Ama Li Miali Diedo pabienli leni o *nunponli baa baa laa nilo po. Hali ke yaa solindi n diani li naa tili nni kuli n baa opo, lani Li Miali Diedo baa duuni ki ñani o yeli mi tinfanma nni.