Jeremi 7:18 - Gourmanchéma Bible

¹⁸ A bila kpaagi ti daadi Bi baanba cuondi mi fantama, Bi puoba kaaliti mi yoma, Ki baa pua ti lalaadi Tanpoli badipua po. Bi go baa cabi i buli po, Ki baa bieni n pali.

U TIENU MAAMA TILI 2013

¹⁸ A bila kpaagi ti daadi, bibaanba cuondi u mu, bi puoba kaaliti mi yoma, ki baa pua ti lalaadi Tanpoli badipua po. Bi go cabini tientoe po, ki biendi n pali.

Jeremi 7:18 ပူးပေါင်းရင်းမြစ်များ

1 Bi Badiba 14:9

A tieni yaala n bia ki cie yaa yudanba n kpiani a kuli. A tieni a yuli po i *buli, ki duadi a nannana ki fiini n pali, ki luni nni.

1 Bi Badiba 16:2

«N den gandi a ke ŋaa tie liba kuli, ki teni ke a tugi n niba Isalele yaaba yuli. Ama ŋan ŋoadi Jeloboami fuuli ki teni ke n niba Isalele yaaba kua ti *tuonbiadi nni ki fiini n pali yeni,

Pisomi 16:4

I *buli yabidi hali boncianla, Yua kuli jaligi ki baa gedi i buli po, N kan go pa ba mi padisoama, N kan go taa bi yela mo.

Esayi 3:8

Jelusalema tuudi, Juda mo ŋmadi ki baa Kelima bi ñoana leni bi tuona pegidi ki noanli Li Miali Diedo kpiagidi leni mi kafaama.

Esayi 57:6

Yi ŋalimano ye ku joaloangu tankpinkpilima nne Yi biinu mo ye lankane. Li tie laa tana yaa po ke yi cabini a *ñincaba, Ki padi yi padijuukaana. Naani n baa fidi ki baagi n yuli laa bonla kuli po?

Esayi 65:11

Ama yinba yaaba n ŋa Li Miali Diedo Ki sundi n joagagidikaali po, Yinba yaaba n ŋanbi mi jiema Gada po Ki gbieni o bulo Meni po o tadiñokaaga,

Esayi 65:3

Bi tie yaa niba n ye n nintuali Ki biendi n pali u yogunu kuli. Bi padi a pada i kuani nni Ki juugi tulale i tankonkuomi po.

Jeremi 1:16

N baa jia laa buudi leni ba Kelima bi biadima po, Kelima bi ŋa nni ki juu a *dugibila i *buli po, Ki gbaani ki pugi bi nii n tagi yaala.

Jeremi 11:17

Li Miali Diedo U Paaciamu Kuli Daano n den kaani o niba lankani. Wani n den teni ke mi yebiadima ŋma ba Kelima Isalele yaaba leni Juda yaaba n den tieni yaa biadima po. Bi den bieni o pali ki padi o bulo Baali po a dugibila.»

Jeremi 17:2

Yeni, yi bila baa tiadi bi padibinbina po, Leni bi bulo *Akela daadi po yaadi n kuu Leni yaa tiidi n bundi bonŋanla a joabila po,

Jeremi 19:13

Jelusalema diedi leni Juda badiba diedi Baa tua yaa kaani n *joagini nani Tofeti po yeni. Li baa tua yene laa diedi kuli po, Ban den juugi yaadi yaa yula po a dugibila tanpoli ŋmaali po, Ki go cabini a ñincaba i nilanbuli po yeni.»

Jeremi 25:7

Ama yi naa cengi nni, yi bua ki bieni n pali ki tagi yi buli ki lingi yi yula po fala. Li Miali Diedo n yedi yeni.»

Jeremi 32:29

Babilona yaaba, yaaba n baa u dogu nne baa kua u niinni. Bi baa juu u mi fantama ki taani leni ban juugi A *dugibila yaa diena po o bulo *Baali po, Ki go cabi butoe po ki baa biidi n pali.

Jeremi 44:25

Li Miali Diedo U Paaciamu Kuli Daano, Isalele Tienu yedi mine: ‹Yinba leni yi puoba maadi leni yi ñoana ki tieni leni yi nii yin yedi yaala, ti bua ki kuani tin bili yaa ñoanianu, ki padi a dugibila tanpoli badipua po ki go cabi opo. Lanwani yi baa kubi ki go tieni yin niani o yaala.›

Jeremi 44:4

N tuuni yi kani n naacenba bi sawalipuaba u yogunu kuli ki naa cedi ke ban yedi yi: ‹Yin da tieni min nani yaa cancagintuona n tie na.›

Jeremi 7:17

Naani ŋaa nua ban tuuni yaa tuona Juda dogi nni leni Jelusalema sani nni?

Jeremi Bubula 5:13

Bi nipanba tugi li naali, Bi jawaaba tugi a dababikpiaga ki tuudi ki baali.

Esekieli 16:26

A den conbi leni a kuantalieba Ejipiti yaaba, yaaba yaa gbani n ŋani bonŋanla ki pugini a conconma ki bieni n pali leni a tuongunda.

Esekieli 20:28

N den gedini ba min den yugidi n nuu ki poli ke n baa pa ba yaa diema nni. Bi den yaadi ki diidi yaa juana n kpedi leni yaa tiidi n biigi ki den padi bi pada lankani. Bi den bieni n pali leni ban den kpendinni likani yaa paabu leni yaa padijuukaana leni ban den cabini yaa *ñincaba kuli.

Esekieli 8:16

Lane o den gedini nni Li Miali Diedo diegu luolu nni. Diidi Li Miali Diedo diegu buliñoabu kani, bu buliñoajabu leni li padibinbinli siiga, piilie n jaba muu den ye likani. Bi nunmu den tiegi puoli, ke bi cakoda mo tiegi Li Miali Diedo diegu. Bi den labindi ki kpiagidi u yienu.

Esekieli 8:17

U Tienu den yedi nni: «O ja na, a ko nua ban tiendi yaala? Naani li daa dagidi Juda yaaba po leni ban tiendi yaa cagindi kuli u naakaanu? Li pundi ban go yaa baa pugidi bi paabiadu mi diema nni, ki yaa biendi n pali? Diidi bi nagidi li tibenli bi miani kani.

1 Korenti 10:22

Ti baa tieni yeni ki ñuni o Diedo li mutuoli bii? Ti pia u fidu ki cie o bi?

Mi Tiadima 32:16

Bi den fiini o *nunponli leni bi nilanba *buli Ki biendi o pali leni a tuongunda tienma.

Mi Tiadima 32:21

Bi fiini n nunponli leni yaala n ki tie Tienu Ki fiini n pali leni bi buli yi n tie fanma po Mini mo n baa fiini bi yaa nunponli leni yaa nibuolu n ki tie nibuomoanu po, N baa fiini bi pala leni yaa nibuolu n naa pia yama po.

Mi Tiadima 4:19

Fangi mani yi yula ke yin da ti yaadi ki diidi tanpoli po, u yienu, o ŋmaalo, a ŋmabila leni tanpoli gola kuli, ke yin da ti kuani yi yama ke yi baa gbaani ki pugi ba. Kelima lani n tie Li Miali Diedo yi Tienu n boagidi ki puni yaa bonla ki tinga nibuoli kuli.