Jeremi 7:14 - Gourmanchéma Bible

¹⁴ Lani yaa po, yin dugi yaa diegu po ki taagi n yeli ku nii nni, Min den puni yi baanba yaa kaanu yeni, N baa soani laa kaanu nani min den soani Silo maama yene.

Jeremi 7:14 ပူးပေါင်းရင်းမြစ်များ

2 Bi Badiba 25:9

Nebusaladani den juu Li Miali Diedo diegu leni o bado diegu leni Jelusalema diedi yaadi n den ŋani kuli.

2 Bi Badiba Jama 7:21

Yaa niba n ti tagini ku naa diegu yaagu n bi den kpedi boncianla yeni kani, li pakili baa cuo ba ke bi baa yedi: ‹Be yaa po ke Li Miali Diedo soani mi naa diema leni ku naa diegu nande?›

Pisomi 78:60

O den ŋa Silo diegu, Wan den tii yaa gbandieli ki ye bi niba siiga yeni.

Esayi 64:11

Li Miali Diedo, baa leni lani kuli, a baa ŋmini Ki kan yedi liba ki faligi ti hali lan pendi?

Jeremi 12:7

N ŋa n diegu N ŋa n faali N ŋa n yibalinba nuu nni Min den bua yaala leni n pali kuli yeni.

Jeremi 23:39

Kelima lani yaa po n baa ña yi maama nni cain. Yinba leni u dogu kuli, n baa lu yi foagima min den puni yi yu, yinba leni yi baanba.

Jeremi 26:18

«Mise Moeseti yua den pua sawali Esekiasi Juda bado yogunu ki tua Juda yaaba kuli: ‹Li Miali Diedo U Paaciamu Kuli Daano yedi ke Siyono dogu baa tua kuanu. Jelusalema baa kpandi kulinjagbeligu, Li jaandieli juali mo baa tua yaa juali n baa kpandi fuali.›

Jeremi 26:4

Ŋan yedi ba ke Li Miali Diedo maadi yaa maama n tie na: ‹Yi naa cengi n maama ki baa tieni min bili yaa *balimaama yaa nintuali.

Jeremi 7:10

Yi yen cua ki sedi n nintuali ku naa diegu nni Ban kpiagidi n yeli naankani, ki yedi: ‹Ti baa mi *faabima!› Ama ki nan yuandi ki soani a naa tuongunda kuli.

Jeremi 7:12

Gedi mani n kaanu yu n gagidi ki ŋani, Silo yeni po, Min den cedi ke n yeli ye naani Ki le min soani u kaanu yeni maama, Kelima n niba Isalele yaaba biadima po.

Jeremi 7:4

Yin da dugi mani yi boandi po ki yedi: ‹Nekanba n tie Li Miali Diedo diegu, Li Miali Diedo diegu, Li Miali Diedo diegu nne!›

Jeremi Bubula 2:7

Li Miali Diedo ñani o *padibinbinli maama nni Ki fali o *kaangagidiŋamu. O ŋa yibali nuu nni Jelusalema badidiegu bilini. Bi yibalinba laa ki yigini Li Miali Diedo diegu nni Nani u badu daale yeni.

Jeremi Bubula 4:1

Jam, li ga lede! Wula baa fidi ki joagini? Wulamoano ñuadi kpe! Li jaandieli tana yayadi i sani nni kuli.

Esekieli 23:31

A den ŋoadi a kpelo fuuli. Li tie lani yaa po ke min faligi wani maama yeni N baa faligi a moko yeni.

Esekieli 24:21

Ŋan yedi Isalele buolu yaaba ke mini o Diedo, Li Miali Diedo yedi mi ne: Diidi n baa *joagini n*kaangagidiŋamu, yu n teni ke yi jigini yi yula, ki tie yi nuni pamanli leni yi suginma yeni. Yi bijaba leni yi bisiaba, yin ŋa yaaba Jelusalema po yeni, ki jugisiega n baa kpa ba.

Mi Tiadima 12:5

Ama yi baa lingi Li Miali Diedo yi Tienu n baa gandi yi buoli kuli siiga yaa kaanu, ki kuani o yeli likani ke lin yaa ye. Lan tie yin baa yaa caa naankani.

Mi Tiadima 28:52

U baa cua ki lindi yi ki baa yi yin ye naankani kuli, hali yin bili yi dugidi yi diema bilinciami yi n pia u paalu yeni po kuli n wudi ki gbeni. U baa lindi yi ki baa yi yin ye naankani kuli, Li Miali Diedo yi Tienu n puni yi yaa diema yeni niinni.