Jeremi 7:13 - Gourmanchéma Bible

¹³ Mini Li Miali Diedo yedi: ‹Nani yin soani laa tuona kuli yeni, Nani min maadi leni yi u yogunu kuli ke yi naa cengi, Nani min yini yi ke yii tuo yeni,

U TIENU MAAMA TILI 2013

^13-14 Mini o Diedo yedi: ‹Nani yin soani laa tuona kuli yeni, nani min maadi leni yi, ke yi naa cengi, nani min yini yi, ke yii tuo yeni, yin dugi yaa diegu po, ki taagi n yeli ku nii nni, min den puni yi baanba yaa kaanu yeni, n baa soani laa kaanu nani min den soani Silo maama yene.

Jeremi 7:13 ပူးပေါင်းရင်းမြစ်များ

Mi Kpanjama 1:24

N yi yi ke yi yiedi, n tiani n nuu ke oba kuli ki faami lipo.

Esayi 50:2

Be yaa po ke min den cua, mii den laa oba kuli? Be yaa po ke min den yini ke niloba kuli ki den tuo? Naani n buagu koabi ki kandi ki kan fidi ki faabi? Bi, mii pia yaa fidu n dagidi ki baa fidi ki faabi yo? N yen fu leni mi ñincianma man ñuudi, Mi kpeni mo n kpandi fanpienma, Mi jami baa bedi kelima ñima ki ye po. U ñunñuunu mo baa bolini ba.

Esayi 65:12

N caani yi ki jugisiega po. Yikuli mo baa gbaani yi duna po, ban kodi yi. Kelima n yini Ke yi naa tuo. N maadi ke yi naa cengi. Ama yi tieni yaala n bia npo Ki gandi yaala n ki mani npo.»

Esayi 66:4

Mini moko baa mangi n pali bi yaa ye fala nni Ki teni yaala n baa cie bi jigi n cua, Kelima n yini Ke oba kuli naa tuo. N maadi, ke bi naa cengi. Ama bi den tieni npo yaala n bia Ki den mangi bi pala leni yaala n gundi npo.»

Jeremi 11:7

Hali min ñani yi baanba Ejipiti diema nni yaa daali Ki ban taa ki pundi dinla, Yaa yogunu kuli n li baa maadi leni ba ki tua: ‹Cengi mani n nialu.›

Jeremi 11:8

Ama baa cengi, Baa diadi bi tuba ki cengi. Yua kuli ŋoadi o pajuagijagindi. Lani n teni ke n mo fii ki tieni bipo Laa ŋantaado n den pia yaa buudi Min den yedi ban kubi ki go tieni yaala Ke bi yie kaa tieni yeni.»

Jeremi 13:10

Laa nibiadiba n yie ke bi kan cengi n maama. Bi ŋua bi pajuaga, ki ŋua i *buli ki gbaandi ki pugi yi. Ban tua nani ku naa gbanñagidigu yaagu n ki go pia fuomaba kuli yeni!

Jeremi 13:11

Li Miali Diedo yedi: ‹Moamoani nani ban yen loli ku gbanñagidigu Ki ciaga nni maama yeni, N moko den taa Isalele yaaba kuli leni Juda yaaba kuli Ke ban tua n niba, n yeli, n pagidi, leni n jilima, Ama bi naa cengi nni.› »

Jeremi 25:3

«Hali Josiasi Amoni bijua Juda bado, piiga n bintaali binli, ki ban tu dinla, piilie n bina taa ke Li Miali Diedo maadi leni nni. N goa ki tiadi yi laa maama ki naa cedi, ama yi naa cengi mo.

Jeremi 26:5

Cengi mani n naacenba bi sawalipuaba maama bonŋanla min soani yipo yaaba. N tuuni ba yi kani yogunu kuli ki naa cedi ama, yi naa cengi ba.

Jeremi 29:19

Kelima baa cengi n maama, baa min tuuni n naacenba bi sawalipuaba yaaba yaa kani ki naa cedi. Baa leni lankuli yii cengi. Li Miali Diedo n yedi yeni.»

Jeremi 32:33

Bikuli buli nni bi nunmu, baa puni nni nunga. N bangi ba u yogunu kuli ki naa cedi, Ama bi naa gaani mi bangima.

Jeremi 35:14

Bi kubi bi yaaja Lekabi bijua Yonadabi maama wani yua n den yedi o bijaba n da ño daama, baa ko ñuni mo hali dinla. Bi tuo bi baa maama. N mo te? N maadi ki maadi leni yi hali yaa yogu ki naa cedi, ama yi naa ga n maama.

Jeremi 35:15

N den tuuni yi kani n naacenba bi sawalipuaba u yogunu kuli ki naa cedi, ke ban yedi yi: ‹Yua kuli n pegidi ki ŋa o sanbiadu, lebidi mani yi bontienkaala, da pia mani*ŋantaado leni i *buli ki baa kpiagidi yi. Yaa ye mani yeni, min puni yi yaa diema nni yinba leni yi baanba.› Ama yi naa cengi. Yi naa diadi yi tuba ki ga n maama.

Jeremi 35:17

Mini Li Miali Diedo U Paaciamu Kuli Daano, Isalele Tienu yedi: N den maadi leni ba, ama baa cengi. N den yini ba, baa guani npo. Lani yaa po n baa teni min den waani ke yaa fala n baa baa Jelusalema leni Juda yaaba yeni n nandi ba.»

Jeremi 44:23

Li tie kelima yi juu a dugibila ki tieni ti*tuonbiadi Li Miali Diedo po yo kaa cengi Li Miali Diedo maama kaa cuoni nani li balimaama n bili maama. Lani n teni ke o naa fala ŋma yi dinla.»

Jeremi 44:4

N tuuni yi kani n naacenba bi sawalipuaba u yogunu kuli ki naa cedi ke ban yedi yi: ‹Yin da tieni min nani yaa cancagintuona n tie na.›

Jeremi 5:21

Cengi mani line, yinba yaa niba n ki pia yama, Kaa pia kpaagili mo. Yinba yaaba n pia yi nuni, ki naa nua Ki pia a tuba, ki naa gba liba.

Jeremi 6:10

N baa maadi leni ŋme? N baa taa ŋme yo wan tua n siedo ban cengi nni? Diidi bi tuba biini ki gbeni Bi kan fidi ki cengi bonŋanla mo. Diidi mani U Tienu maama tie bipo fe yo. Maa go nuagi bipo.

Jeremi 7:25

Hali bi baanba n ñani Ejipiti diema nni yaa daali, Ki taa ki pundi hali dinla N soani yipo n naacenba bi sawalipuaba U yogunu kuli ki naa cedi.

Ose Tili 11:2

Ama min den ŋua ki yi ba, Bi den sani ki foagidi leni nni. Bi niba padi *Baali leni yaa *buli n tie o yaa buolu. Bi siagi i buli po a dugibila.

Ose Tili 11:7

N niba sedi bi yiema nni ke li pa, Bi yi ba ke ban guani mini tanpoli bado kani, Ama bi siiga oba kuli ki fii.

Ose Tili 9:17

N Tienu luni ba, Kelima baa cengi o. Bi baa yadi ki yaa puagi i nilanbuoli nni.

Sakari 7:13

ke n den yedi: ‹Min den yedi ba ke ban tuo ki yaa ŋua nni, ke bi yie kaa cengi nni yeni, n den yie ke n kan guani bi miabu, ban den yi nni ke min todi ba yaa yogunu.

Matie 23:37

Jelusalema, Jelusalema, fini yua n ku bi sawalipuaba, ki lugidi U Tienu n tuuni a kani yaaba a tana ki kpaani ba, taalima ŋa yo ke n den bua ki gobidi ki taani a niba nani o kooñua n yen ŋoagini o koobila o fiabi nni maama, ama ŋa naa den bua.