Jeremi 6:29 - Gourmanchéma Bible

²⁹ Ki buaga tongi Ti noabindi nandi ki bodi mi fantama nni. O maano biandi o yogunu ki duadi likuli, Ti joagindi nan kan ña.

U TIENU MAAMA TILI 2013

²⁹ Ki buaga tongi ke ti noabindi nandi. Ba ke o maano biandi o yogunu ki duadi likuli, Ti joagindi yeni nan kan ña.

Jeremi 6:29 ပူးပေါင်းရင်းမြစ်များ

Mi Kpanjama 17:3

Bi biigidi ŋanjilifa leni wula ki buaga nne, Ama yua biigidi a pala wani n tie Li Miali Diedo.

Esayi 49:4

Ama n den yedi: «N coagini n yuli fanma fanma bebe Ki biandi n fidu yaala n ki ye po leni fanma fanma po. Ama n *moamoansaali nan ye Li Miali Diedo kani Ke n panpaani mo ye n Tienu kani.»

Jeremi 15:19

Lani n teni ke Li Miali Diedo maadi nanda: «A yaa guani n kani, N baa goa ki taa ŋa, Ŋan yaa tuuni npo.» A yaa paadi yaala n pia li mayuli leni yaala n ki pia, A baa yaa tie nani n ñoabu yeni, Bani n baa guani a kani, Laa tie fini ka n guani bikani.

Jeremi 9:7

Bi landi tie nani yaa piemi n sondi bonŋanla yene. Bi li pia i boandi bebe. Bi baa maadi leni bi yieninlielo mi yanduanma maama, Ki nan bani bi pala nni ke bi dia o ku diagu.

Esekieli 24:12

Yaa moandili n tieni kuli tie fanma, Mi fantama kan fidi ki ñani laa tantonmoani.

Esekieli 24:13

A cagindi kuli ye a joagindi yeni niinne. N den bua ki ŋanbi a, ama a naa den bua ki ŋanbi. A kan go ŋanbi leni a joagindi mo, se n wuli apo n pabienli kuli.

Ose Tili 11:7

N niba sedi bi yiema nni ke li pa, Bi yi ba ke ban guani mini tanpoli bado kani, Ama bi siiga oba kuli ki fii.

Sakari 13:9

N baa ŋaani bani yaaba n sieni ki fo yeni, Nani ban yen tieni ŋanjilifa leni wula mi fantama nni maama Ki ñani ti joagindi yeni. Bi baa yaa jaandi ki miadi nni, N baa yaa guandi bipo bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

1 Pieri 1:7

Laa bonla cua ki baa doagidi yi dandanli n moani maama. Wula, baa ke o tie bonmoanla, baa fidi ki biidi, ama bi yen biigi o leni mi fantama. Li tie yenma leni yi dandanli, yaala n tie bonmoanla ki cie wula ban baa biigi yaali ki bandi lin moani maama, ke yin baa ti pagidi leni ti kpiagidi leni ti jigidi Jesu Kilisiti n baa doagidi yaa yogunu.

1 Pieri 4:12

N buakaaba, lan da paki yi leni yaa falaciamo n tie nani mi fantama ki ye yi siiga ki baa biigidi yi nani li tie yipo boncanla yeni.

Bi Bujiaba 17:4

O den goa ki teni o naa a kujapiena yeni. O naa den taa kujapiena kobilie ki teni yua n duadi ti kudi ke o kpiedi li nannanli ki go duadi line. Bi den taa ŋa ki sieni Mika dieli nni.