Jeremi 6:23 - Gourmanchéma Bible

²³ Bi kubi li dabanli leni li kpaanli. Bi pia ku tugumoangu leni i nunkuomi Bi niali duni nani mi ñincianma yeni. Bi jagi i taami, Ki caligi bonŋanla nani niyendo bu toabu po yeni, Ki baa koani leni Siyono badisalo.

U TIENU MAAMA TILI 2013

²³ Bi kubi li dabanli leni li kpaanli. Bi pia ku tugumoangu leni i nunkuomi, Bi niali duni nani mi ñincianma yeni. Bi jagi i taami ki caligi bonŋanla bu toabu po, Ki baa koani leni Siyon badisalo.

Jeremi 6:23 ပူးပေါင်းရင်းမြစ်များ

Esayi 10:32

Dinla lige ke yibali baa cua ki sedi Noba kani, Yibali sedi ki tandi o nuu ki mua mi jama. Siyono juali po, Jelusalema joabiga yeni po.

Esayi 13:18

Bi dabana baa muu ki kpa bi jawaaba. Bi kan gbadi niñima a canpanda po. Bi kan gbadi niñima a bonjala po.

Esayi 17:12

Yaa dunli n tie na tie yaa nibuoli n ki pia coali yaa dunle. Bi dune nani mi ñincianma yeni. I nibuoli dunli dune nani a ñingola n duni maama yeni.

Esayi 19:4

N baa teni yaa canbaanba n bia n diedi Ejipiti, Yaa bado n bia boncianla baa diedi ba.» O Diedo Li Miali Diedo U Paaciamu Kuli Daano yedi yeni.

Jeremi 25:32

Diidi Li Miali Diedo U Paaciamu Kuli Daano n yedi yaala: «Fala baa tuadi diema ki go baa diema, Hali maama ke ku tafaaciangu baa fii u tinbianu po.

Jeremi 25:9

N baa soani ban yini nijienu po yaa niba kuli leni Nebukanesa Babilona bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain lan tua gbanankpiendi bonla leni ñuali bonla. Likani mo baa tua diegbengu yaa yogunu kuli po.

Jeremi 30:14

A jaconcona kuli sundi apo Baa go lingi a. N faligi a nani n yibali yeni. N waani a o falaciamo kelima a tagili n yaba maama po Leni a *tuonbiadi n bia maama po.

Jeremi 4:13

Diidi wani n do tanpoli nani ti tawadi yeni. O teliti tie nani o pinpinja yeni O taami jaligi ki cie jiebaninba. Ti bia n yeni! Bi soani ti tuonli!

Jeremi 4:16

Tiadi mani i nibuoli line, Teni mani Jelusalema dogu n bandi Ke bi niba ñani li banfoagili ki cua ki baa baa yi. Bi kuudi bu toabu kuudi ki cidi Juda diema dogi.

Jeremi 4:29

Bi tanjagiba leni a dabantuada lanbu teni Ke u dogu nni yaaba kuli sani. Bi tiini ki kua ti fatudi nni Bi tiini ki do ti tanciandi po. U dogu kpandi dokuomu Nilo kuli ki go ye u niinni.

Jeremi 5:16

Bi piemi ku a miana boncianla Bikuli tie jakoanda yo.

Jeremi 50:41

Diidi u nibuolu ñani nijienu po. Nibociamu leni yaa badiba n pia u paalu N fii hali i tinbiani po.

Jeremi 50:42

Bi kpali li dabanli, ki yugidi li kpaanli. Bi pia ku tugumoangu, kaa gba niñima. Bi niali dune nani mi ñincianma yeni. Bi jagi i taami po ki taani ki caligi Nani niyendo yeni bu toabu po, Ki baa koani leni Babilona yaaba.

Jeremi 6:4

Bi tua: «Fii tin baa o mani bu toabu! Fii mani tin gedi u yensicocolu! Ti yula ki mani, li nan di bua ki biige Ku ñiagu ŋmani ke ku cua ki gbeni.

Jeremi 8:16

Bi gba i taami dunli Dana diema po, A tanjala dunli teni Ke ki tinga kuli digibi. Bi cua, bi ŋmani Mi diema leni yaala n ye mi niinni U dogu leni yaaba n ye u niinni.»

Esekieli 21:31

O Diedo, Li Miali Diedo maadi ki yedi mine: ‹Ban ñani wan yili yaa cabili yeni, ban ñani o badifogiliga. Li bonla kuli lebidi! Bi yumiindanba baa diedi yaa kaani n pa, bi paatieba mo n jiidi.

Mi Tiadima 28:49

Li Miali Diedo baa ñani hali foagima, hali u tinbianu, nibuolu yin kan gbadi yaa nibuolu yaa maama, ki teni wun jiidi yipo nani jiebani yeni.