Jeremi 6:22 - Gourmanchéma Bible

²² Li Miali Diedo yedi mine: «Diidi yaa nibuolu n tie na ñani nijienu diema po. Nibociamu ñani hali u tinbianu po ki kpendi.

U TIENU MAAMA TILI 2013

²² O Diedo yedi mi naa maama: «Diidi yaa nibuolu n tie ne ñani nujienu diema po. Nibuociamu ñani hali u tinbianu po ki kpendi.

Jeremi 6:22 ပူးပေါင်းရင်းမြစ်များ

Nehemi 1:9

Ama yi yaa lebidi ki guani n kani ki go kubi n balimaama ki tiendi man yedi yaala mo, lanwani baa bi yaa gedini yi ti yonbidi hali ŋanduna bianu, n baa ñani yi lipo ki taani yi ki guani yi min den gandi yaa kaanu nni, ki bili ke bi baa yaa kpiagidi nni likani.›

Jeremi 10:22

Ti gba ke bu lanbu kpendi. Laa lancianbu ñani nijienu diema po yo, Ki baa teni Juda dogi n tua diegbendi Leni tanboe yekaanu.

Jeremi 13:20

Yaadi ki diidi a yibalinba yaaba n ñani nijienu po ki kpendi. Min bi piani ŋa yaa niba yeni Ŋan bi jigini a yuli yaaba yaa po yeni ye le?

Jeremi 25:32

Diidi Li Miali Diedo U Paaciamu Kuli Daano n yedi yaala: «Fala baa tuadi diema ki go baa diema, Hali maama ke ku tafaaciangu baa fii u tinbianu po.

Jeremi 25:9

N baa soani ban yini nijienu po yaa niba kuli leni Nebukanesa Babilona bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain lan tua gbanankpiendi bonla leni ñuali bonla. Likani mo baa tua diegbengu yaa yogunu kuli po.

Jeremi 30:5

Wani Li Miali Diedo yedi nanda: «Min gba yaa fuugu yeni naa tie yanduanma fuugu ka. Li tie jawaanciandi yaa fuugu yo.

Jeremi 4:16

Tiadi mani i nibuoli line, Teni mani Jelusalema dogu n bandi Ke bi niba ñani li banfoagili ki cua ki baa baa yi. Bi kuudi bu toabu kuudi ki cidi Juda diema dogi.

Jeremi 4:6

Baa mani yin baa sieni yaa maalima bonla Ki goa Siyono po. Sani mani! Da sedi mani! Kelima n teni ke mi yebiadima ñani nijienu po Ki kpendi leni li yuboancianli!

Jeremi 47:2

Li Miali Diedo yedi nanda: «Diidi a ñingola fii nijienu po, A ñingola yeni fii nani mi ñinpuubikaama, Yaama n baa kali yeni, Mi milini mi diema leni yaala n ye mi niinni, I dogi leni yaaba n ye i niinni. Bi niba kuudi, mi diema niba kuli buudi ki yalini.

Jeremi 5:15

Diidi mani yinba Isalele yaaba, Mini Li Miali Diedo n yedi yi: N teni ke u nibuolu ñani foagima Ki pia u paalu ki cua ki baa koani leni yi. Laa nibuolu ye hali yaa yogu kuli. Yii gba laa nibuolu maama, Yi kan bandi ban maadi yaala.

Jeremi 5:16

Bi piemi ku a miana boncianla Bikuli tie jakoanda yo.

Jeremi 6:1

Sani mani Benjamina buolu yaaba ki ña Jelusalema Piebi mani li naatuntunli Tekoa dogu nni Fiini ki sieni mani li *tuudicabili Beti-Akelemi dogu nni. Kelima fala leni mi yebiadima ñani nijienu po ki kpendi.

Esekieli 21:31

O Diedo, Li Miali Diedo maadi ki yedi mine: ‹Ban ñani wan yili yaa cabili yeni, ban ñani o badifogiliga. Li bonla kuli lebidi! Bi yumiindanba baa diedi yaa kaani n pa, bi paatieba mo n jiidi.

Esekieli 23:22

Li tie lani yaa po, Oholiba, O Diedo, Li Miali Diedo yedi mine: ‹N baa teni a jaconcona kuli n fii ki sedi apo, A yama n den ñani bani yaaba yaa niinni yeni, N baa ñani ba i kaani kuli ban fii ki sedi apo.

Habakuki 1:6

N baa teni Kalide yaaba n baa u paalu, Bani yaa nibuolu n bia kaa gba niñima. Bi baa goadi mi tinfanma nni Ki fie ban kaa die yaa tinmu.

Mi Tiadima 28:49

Li Miali Diedo baa ñani hali foagima, hali u tinbianu, nibuolu yin kan gbadi yaa nibuolu yaa maama, ki teni wun jiidi yipo nani jiebani yeni.