Jeremi 6:16 - Gourmanchéma Bible

¹⁶ Li Miali Diedo yedi nanda: «Sedi mani i sani nni ki diidi bonŋanla. Buali mani u yogu nni sani n ye naani. U sanŋamu ye le yo? Tagini mani wuni yaa niinni, Ki baa mani yi yula po mi fuodima Ama bi goa ki yedi: ‹Ti kan tagi u niinni ba!›

U TIENU MAAMA TILI 2013

¹⁶ O Diedo yedi nanda: «Sedi mani i sani nni ki diidi bonŋanla. Buali mani yi yaajanba sani n ye naani. U sanŋamu ye le yo? Lanwani, tagini mani wuni, Ki baa yi yula po mi fuodima. Ama bi guani ki yedi: ‹Ti kan tagi u niinni ba!›

Jeremi 6:16 ပူးပေါင်းရင်းမြစ်များ

1 Bi Badiba 8:36

fini yua n ye hali tanpoli n cengi ba ki pa sugili a naacenba leni a niba Isalele yaaba bi tuonbiadi po. Ŋan bangi ba ban baa yaa cuoni yaa sanŋamu nni, ki go teni ki taaga n yaa mii mi diema po, ŋan den puni a niba yaa diema ke mi tie bi piama yeni.

2 Bi Badiba Jama 19:11

Bi kopadicianba bado Amalia baa gobidi yi yaala n tie Li Miali Diedo sanŋoadima *ŋantaadi kuli nni. Isimayeli bijua Sebadia yua n tie Juda buolu yaa gufeneeli, mo baa gobidi yi, o bado ŋantaadi kuli nni. Lefi buolu yaaba mo baa tua yipo bi bujiaba. Yin paagi mani yi gbani li tuonli po, ke U Tienu n yaa ye leni yaaba n baa tiendi yaala n ŋani.»

Pisomi 116:7

N den yedi: «N naano, guani ki ban yaa fuo Kelima Li Miali Diedo tieni a mi ŋanma.»

Esayi 2:5

Yinba Jakobo buolu yaaba Fii mani tin cuoni Li Miali Diedo yenma nni.

Esayi 28:12

O den yedi ba: «No mani mi fuodima nne, Cedi mani yua coagi n fuodi. Mi fuodima nne.» Ama bi naa tuo ki cengi.

Esayi 30:21

A yaa caa ganu bi jienu a baa gbadi u nialu a puoli po ke u yedi: «U sanu nno tagini wuni.»

Esayi 46:9

Tiadi mani hali yogu yaala n den kpa tieni Kelima mini n tie U Tienu Toa ki ye, N tie U Tienu Liba mo ki naani leni nni.

Esayi 57:2

O niteginka baa baa mi yanduanma Ki duani ki fuodi o duanu po Wani yua n ŋua yaa sanu n tiegi yeni.

Esayi 8:20

Guani mani li *bali maama leni siedi kani. Bi yaa tieni yeni, suginmaba kan yaa ye bi niba po.

Jeremi 12:16

Bi yaa bangi n niba sani, Bi yaa poli n yeli nni ki yedi: «Li Miali Diedo fo!» Nani ban bangi n niba ke bi polini o bulo *Baali yeli nni maama yeni, Lanwani bi baa guani, Ki kali n niba siiga.

Jeremi 18:12

Ama bi yedi: ‹Suginma ki ye! Kelima ti baa ŋoadi ti yanjaga. Yua kuli baa ŋoadi o pajuagijagindi.› »

Jeremi 18:15

Ama n yaa niba wani nan sundi npo Bi padi i *buli po a *dugibila. Bi cenli nni bi yen tuudi bi sani nni, Ban den maani ki tagi yaa sankpeli yeni nni. Bi goa ki ŋoadi yaa sani ke baa koadi ki bili.

Jeremi 2:25

Ŋan moandi ki da gedi taapiena Ki da tuo ñunñuunu mo n kuodi a nialu. Ama a yedi: «Lebidima kan go tieni, Kelima n bua bi canba yegimu!»

Jeremi 22:21

Hali a yema n den mani apo yaa yogunu n den maadi leni a, Ama a den yie ke a kan cengi. A tagu nan li tie yene hali a panma nni Ŋaa cengi n nialu.

Jeremi 31:21

Sieni, sieni mi maalima a sanu nni, Faami ŋan cuoni yaa sanu nni bonŋanla. Guani mani ne yinba Isalele yaaba. Guani mani yin die yaa dogi yeni nni.

Jeremi 42:3

Li Miali Diedo a Tienu n doagidi tipo tin baa tagini yaa sanu leni tin baa tieni maama.»

Jeremi 44:16

«Tii bua ki cengi yaa maama ke a yedi ti Li Miali Diedo yeli nni yeni.

Jeremi 50:5

Bi baa buali yaa sanu n caa Siyono po. Bi baa pegidi ki teli lanpo. Cua mani ki fini Li Miali Diedo bonŋanla Ki kuani leni o yaa *ŋantaado n ki pia sundima, Ki kan gbeni mo!

Jeremi 7:23

Ama n den yedi ba yaa maama n tie na: ‹Cengi mani n maama Ke min yaa tie yi Tienu, yimo n yaa tie n niba. Yaa cuoni mani min yedi yin tagini Yaa sani kuli nni, lani n tie yi yema n yaa mani yipo.›

Jeremi 7:24

Baa leni lankuli baa cengi. Baa diadi bi tuba ki cengi. Bi ŋoadi bi pajuaga yaa *joagini yaa tundi, Bi guani puoli, baa suagi liiga.

Jeremi 7:3

Li Miali Diedo U Paaciamu Kuli Daano, Isalele Tienu yedi: ‹Lebidi mani yi sani leni yi tuada Lani n tie min cedi yin yaa ye nekanba.›

Luki 16:29

Abalahama den goa ki yedi o: ‹A waamu pia Musa leni bi sawalipuaba kuli, ban cengi ba.›

Jan n diani U Tienu Laabaaliŋamo maama 12:35

Jesu den goa ki yedi ba: «Mi yenma da baa ye yi siiga u yogunu waamu po. Yin yaa cuoni mani hali yin pia mi yenma yaa yogunu kuli, ke li *biigili n da ludi yi. Yua n cuoni li biigili nni naa bani wan caa naani.

Jan n diani U Tienu Laabaaliŋamo maama 13:17

Yi yaa bani lani ki tiendi la, yi pia li pamanli.

Jan n diani U Tienu Laabaaliŋamo maama 5:39

Yi cogi ki kpaagi i Diani po bonŋanla kelima yi tama ke yi baa baa yaa miali n kan gbeni lienni. Laa Diani n tiendi npo siedi.

Jesu Tondiba Tuona 17:11

Yaa Jufinba n ye laa dogu nni den tie nimoanba ki cie Tesalonika yaaba. Bi den kuani bi yama ki ga U Tienu maama, ki lingilingi daali kuli i Diani nni ki baa le ban wangi ba yaala yaa tie moamoani.

LOMA YAABA 4:12

O go tie a junga moko yaa baa, bani yaaba n ki sedi leni ku koanciagu bebe ka, ama bi moko ŋua Abalahama dandanli fuuli hali ke o daa kua ku koanciagu.

Mi Tiadima 32:7

Tiadi mani puoli po dana po Ki kpaagi nifiima n tu nifiima Ki buali yi baanba, bi baa togidi yi la.

Kolosi 2:6

Yin den tuo Jesu Kilisiti o Diedo yeni, yin yaa tuugi mani leni o yi yema kuli nni,

Hebilunba 11:2

Li tie kelima li dandanli yaa po ke U Tienu den tieni bi nikpiaba po o siediŋamo.

Hebilunba 6:12

Tii bua yin yaa tie kpadijedanba, ama yin yaa togidi yaaba n baadi U Tienu n niani yaala kelima li dandanli leni li juunli yaa po.

Bi Bujiaba 2:17

Ama baa den cengi bi gobidikaaba yeni, bi den ŋa U Tienu ki ŋoadi i buli ki padi yini. Bi den yaadi tontoni ki ŋa bi yaajanba yaaba n den tuo ki tiendi Li Miali Diedo ñoabona n den ŋua yaa sanu. Baa den tuo ki ŋua Li Miali Diedo ñoabona nani bi yaajanba n den tuo ki ŋua maama.