Jeremi 6:14 - Gourmanchéma Bible

¹⁴ Bi buu n niba poagilima leni u yualu Bi kpaagi ki tua: «Mi yanduanma ye, mi yanduanma ye,» Ke yanduanma naa ye.

U TIENU MAAMA TILI 2013

¹⁴ Bi nua yaa nufanu n pua n niba yeni leni mi kafaama, Ki kpaagi ki tua: «Yanduanma, yanduanma.» Ki nan sua yanduanma ki ye.

Jeremi 6:14 ပူးပေါင်းရင်းမြစ်များ

2 Samueli 17:3

ki guani bi niba kuli a kani. A yibali yeni kuuma baa teni ke bi niba kuli n goa ki ŋoadi fini ki yaa ye leni mi yanduanma.»

Esayi 1:6

Ki cili a taana ki ban pundi hali li yuli siiga, Pu kuli ki pia laafia. Mi poagilima, a binbila leni a nala n ye i kaani kuli Baa ŋuudi a, baa fini a, Baa buu ŋa leni kpama.

Esayi 30:10

Bi ŋua ki tua yaaba n nua saala bonla: «Da nua mani.» Ki tua bi sawalipuaba mo: «Da pua mani tipo yaa sawalo n tiegi! Yaa banbidi ti mani! Yaa togidi ti mani yaala n mani.

Esayi 30:26

U cipienu baa yaa tie nani u yienu yenma yeni. U yienu mo baa yendi figilima lele ki pugini Nani dana lele yenma n baa taani ki yendi maama yeni. Li baa yaa tie Li Miali Diedo n baa buu o niba poagilima yaa daali, Ki paagi ba, ban den pua ki poagili ba naani.

Jeremi 14:13

N den goa ki yedi: «Ŋain Li Miali Diedo, diidi bi sawalipuaba tua ba Ke bi kan le toabu, Koma mo kan cuo ba. Ama nekanba yo ke n baa pa ba mi yanduanmoanma.»

Jeremi 14:17

Yedi ba yaa maama n tie na: «N mua ku ñiagu leni u yensiinu ki naa cedi, Kelima u nafanu pua n niba. Laa yebiadima pa hali boncianla.

Jeremi 23:17

Bi ñigini ki yedi yaaba n fali nni: ‹Yi baa baa mi yanduanma!› Ki go yedi yaaba n ŋua bi pajuaga mo: ‹Yebiadima kan nandi yi!›

Jeremi 28:3

Ne leni bina lie n baa teni ban guani u naa kaanu, Li Miali Diedo diegu nni tiadi, Babilona bado Nebukanesa n den ñani yaadi ne ki gedini ti Babilona diema po yeni kuli.

Jeremi 4:10

N den yedi: «Ŋain n Diedo Li Miali Diedo! A taani ki boandi Jelusalema dogu Leni bi naa niba kuli, ki yedi ba: ‹Yi baa baa mi yanduanma! Ke bu toabu mo nan cua ki baa ñani ti miali.› »

Jeremi 5:12

Bi pia i boandi Li Miali Diedo po Bi tua Li Miali Diedo ki ye. Fala mo kan baa ti Koma kan baa ti ki buali toabu.

Jeremi Bubula 2:14

A sawalipuaba baa apo li bonlekaala, Yaa bonlekaala n ki pia ñuadiba, kaa pia fuomaba kuli mo. Baa kadi ki waani a tagili kuli cain Ki baa ñani a ti yonbidi nni. Bi baa apo yaa bonlekaala N kaa mani, ki naa go pia fuoma mo.

Esekieli 13:10

Bi teni ke n niba yaadi kelima bi tua: ‹Mi yanduanma ye!› Mi yanduanma n ki ye yaa yogunu. Ŋan yedi n niba yaaba n maa u bilinu Ki mangidi bi pala ki boalini u leni li muanli yeni,

Esekieli 13:16

Bani Isalele yaaba sawalipuaba yaaba n pua sawali Jelusalema po, Ki laa ke mi yanduanma ye upo Yanduanma n ki ye yaa yogunu! Mini o Diedo, Li Miali Diedo n yedi yeni.›

Esekieli 13:22

Kelima yi faama po, yi den wudi o niteginka gbanu Baa ke mini nba ki den bua ki biidi o pali, Kelima yi paagi bi nibiadiba gbani Ke ban da lebidi bi yama ki ŋa bi *tuonbiadi ki yaa ye.

Esekieli 14:9

Li yaa tie ke sawalipualo cedi ke bi tulini o ke o maadi o yuceli maama, mini n cedi ke o tieni yeni. N baa tandi n nuu ki cuo ki fu leni o, ki ñani o n niba Isalele yaaba siiga.

Mise 2:11

Yaa nibuolu n tie na bua yaa nilo n tiini Ki ŋua u faalu ki pua mi faama ki tua: ‹N baa maadi yipo duven maama leni mi dabiadima yaa maama.›

Mise 3:5

Li Miali Diedo maadi yaa maama n tie na ki yedi: «Yaa sawalipuaba n boandi o niba, Ke bi yaadi o sanu nni. N niba yaa puni ba bonŋmankaala, Se ban yaa tua ke mi yemanma baa ye. Bi yaa puni ba bonŋmankaaliba mo, Ban yaa tua ke bu toabu baa cua.

1 Tesaloniki 5:3

Yaa yogunu ke bi niba baa tua: «Mi yanduanma leni laafia ye,» lanyogunu yo ke mi bolinma baa ludi ba nani u maditugukoanu n yen ludi yaa pua n baa maa yeni. Bi kan fidi ki sani ki cia.

2 Pieri 2:1

Bi sawalipua-faadanba mo den ye Isalele yaaba siiga. Bi bangi-faadanba baa ye yi moko yaa siiga yene. Bi baa boandi ki kuani mi bangitudikaama yi siiga nni, yaama n baa bolini bi niba. Bi baa yie o Diedo yua n den da ki faabi ba, ki cuani bi yula po yaa bolinma n baa baa bipo tontoni.