Jeremi 52:7 - Gourmanchéma Bible

⁷ U folu den tieni u dogu nni ke a jakoanda kuli den lundi likani ki sani ki ñani u dogu nni ku ñiagu. Bi den tagini yaa buliñoabu n ye i bilinliedi siiga ki kuu leni o bado kpintiidi kuanu. Kalide yaaba n den lindi ki baa cebini u dogu yaa yogunu, bi den taa Alaba sanu.

U TIENU MAAMA TILI 2013

⁷ U folu den tieni u dogu nni, ke a jakoanda kuli den lundi likani, ki sani ki ñani u dogu nni ku ñiagu. Bi den tagini yaa buliñoabu n ye i bilinliedi siiga, ki kuu leni o bado salidingo. Ba ke Kalide yaaba den lindi ki cebini u dogu, bi den sani ki taa Araba sanu.

Jeremi 52:7 ပူးပေါင်းရင်းမြစ်များ

2 Bi Badiba 25:4

Lanwani bi den cibi Jelusalema bilinciamu. Baa ke Babilona toatieba den lindi ki cebini u dogu, Juda toatieba den sani ku ñiagu ki tagi yaa sanu n pendi yaa buliñoabu n ye bilinciami lie siiga ki nagi o bado sadinga kani. O bado Sedesiasi den taa u tialu po yaa sanu.

Jeremi 34:22

Diidi n baa waani yi n ñoabonbilikaana. Mini Li Miali Diedo n yedi yeni. N baa teni ban cua ki baa u naa dogu. Bi baa koani leni u, ki paadi u, ki juu u mi fantama. N baa teni Juda dogi n kpandi diegbendi, niba n ki ye naani.»

Jeremi 39:2

Sedesiasi bali piiga n binyenli binli cinaa dayiali, u dogu bilini den yagidi.

Jeremi 49:26

Laa daali bi baa kpa o nipanba o dogu sani nni. O jakoanda mo kuli baa bodi. Li Miali Diedo U Paaciamu Kuli Daano n yedi yeni.

Jeremi 51:32

U taginkaanu ki yaa, Bi sia ban dugi yaa kaanpaali po. Bi toatieba jie ki luodi.

Jeremi 6:5

Fii mani ku ñiagu Ki gedi ki ban bolini Jelusalema dieŋama!»

Esekieli 12:12

O badija yua n ye bi siiga Baa bugi o tiadi o boacabili po Ki ña u dogu nni li biigili nni. Bi baa cibi u bilinu li bonle ki nan ñani o likani. O baa pii o nunga Ke o nuni n da diidi mi diema.

Esekieli 12:4

Ŋan ñani a tiadi nani yua n caa ti yonbidi yaa sancentiadi yeni, u yensiinu ke bikuli nua ŋa. Lanwani fini, ŋan ña ku yenjuogu nani ban cuo ki caani yaaba ti yonbidi yeni ke bikuli nua.

Esekieli 33:21

Isalele yaaba yonbidi piiga n binlieli binli cipiiga damuuli daali yo, ke jayendo den ŋmadi Jelusalema dogu nni, ki cua n kani ki yedi: «U dogu baa.»

Levi 26:17

N baa buli yi n nunga ki sedi yipo. Yi yibalinba baa deli ki paadi yi. Yaa niba n nani yi yeni baa die yi, yi baa sani, baa ke oba kuli naa deli yi.

Levi 26:36

N baa teni ti jawaanciandi n cuo yaa niba n sieni yi buolu nni yeni. Baa ku faaligu n figi ki tieni yaa fuugu baa deli ba. Bi baa sani nani bi deli ba leni mu jugisiemu, ki yaa baali ke oba kuli naa deli ba.

Amosi 4:3

Bi baa ñani yi u dogu bilinciamu bona kani, Yua kuli leni wan nagi yaa bonli kani, Bi baa lu yi u kaanpaalu nni.» Li Miali Diedo n yedi yeni.

Mi Tiadima 28:25

Li Miali Diedo baa teni yin sani yi yibalinba nintuali. Yi baa tagini sanyende ki ña ki tuogi ba, ama yi baa tagini sani lele yo ki sani bi nintuali. Yi baa yaa tie i jeje bonla ki tinga nibuoli kuli po.

Mi Tiadima 32:30

Li baa ga lede niyendo n fidi ki deli niba tudili? Niba tudapiiga mo baa sani niba lie nintuali lede? Li yaa bi tie ke bi tanciangu yeni kuadi ba yaaka Li yaa bi tie ke Li Miali Diedo yaa kaa taa ba ki teni yi.