Jeremi 52:22 - Gourmanchéma Bible

²² Li bunbunli yuli po den pia bontuankaala ke li tie kumoandi ki kpedi ki pundi nukpanduna muu. Li bunbunli yuli gaanilindima den pia bu ganbu leni *gelenadie bonluonkaala nannanli ke likuli tie kumoandi. Li den tie yene li bunbunli yaali n den sieni leni gelenadie tiidi bonluonkaala kuli po.

U TIENU MAAMA TILI 2013

²² Li bunbunli yuli po den pia bontuankaala ke li tie kumoandi ki kpedi ki pundi nukpandunamuu. Li bunbunli yuli gaanilindima den pia bu ganbu leni grenadi bonluonkaala nannanli, ke likuli tie kumoandi. Li den tie yene li bunbunli yaali n den sieni leni grenadi tiidi bonluonkaala kuli po.

Jeremi 52:22 ပူးပေါင်းရင်းမြစ်များ

1 Bi Badiba 7:20

Tanpoli po, gelenadie bonluonkaala yeni nannana bona kobilie den lindi li bontuankaala yeni, ki kuu leni naani n nudi ki gbengi i kugandi liiga. Li bonluonkaala yeni bonla kobilie go den lindi li bontuankaliela.

1 Bi Badiba 7:42

leni gelenadie bonluonkaala bonba kobinaa ki baa yaa juani i kuganliedi, kugandu kuli boncaani lie, ki baa ŋoagini yaa bontuankaala n nudi, a bonbunbuna tanpoli po,

2 Bi Badiba 25:17

Dasaayenli kpedimu den tie nukpanduna nii. Bonla den tua ki tie kumoandi ki den ciibi li dasaali yuli po. Yaala n den ciibi yeni kpedimu den tie nukpanduna taa. Bi den ceni yaala n den ciibi yeni i ce ki lindi leni *gelenadie bonluonkaala yaa nannana. Likuli den tie kumoandi. Li dasaalieli moko den tie yeni ki pia i ce.

2 Bi Badiba Jama 3:15

O go den sieni ku diegu yeni nintuali bunbuna lie yaa yaa kpedimu n den tie piitaa n nukpanduna muu ki tuani li bontuankaala a bunbuna yeni yula po.

Mi Ñama 28:25

Ŋan taa i wula-baabiliedi ki tuuni i yaa wula n tiebi yaa tanbimu n maa o kopadiciamo boacabili po benŋuunu yaa tanbimu yeni ki ye nintuali.