Jeremi 52:15 - Gourmanchéma Bible

¹⁵ Bi guudikaaba yudaano Nebusaladani den taa mi diema niba tianba yaaba n den luo ki gedini ba ti yonbidi, yaa niba n den sieni u dogu nni yaaba n den taa bi yula ki puni Babilona bado leni a tuonsoanbanda kuli.

U TIENU MAAMA TILI 2013

¹⁵ Bi guudikaaba yudaano Nebusaradani den taa mi diema niba tianba yaaba n den luo, yaa niba n den sieni u dogu nni, yaaba n den taa bi yula ki puni Babilonni bado leni a tuonsoanbanda kuli, ki gedini ba ti yonbidi.

Jeremi 52:15 ပူးပေါင်းရင်းမြစ်များ

2 Bi Badiba 25:11

Bi guudikaaba yudaano Nebusaladani yeni den cuo yaa niba n den sieni ki ye u dogu nni leni yaaba n den teni bi yula Babilona bado leni taliginba yaaba n den sieni. O den gedini ba ti yonbidi.

2 Bi Badiba 25:8

Laa binli cimuulo yaa daleleeli daali, Babilona bado naacemo Nebusaladani, yua den tie bi guudikaaba yudaano, den kua Jelusalema nni. Li den tie Babilona bado Nebukanesa bali piiga n binyiali binli.

Jeremi 1:3

O go den maadi leni o Juda bado Josiasi bijua Yeojakimi n den kaa ti gbandi po yaa yogunu, ki taa Josiasi bijua Sedesiasi bali piiga n binyenli juodima, ki ban pundi hali ban gedini Jelusalema yaaba ti yonbidi o cimuulo nni.

Jeremi 39:9

Yaa niba n den sieni u dogu nni, yaaba n den taa bi yula ki teni Nebusaladani, badidiegu guuda yudaano leni yaaba n ki den gedi kaanuba, den gedini ba ti yonbidi.

Esekieli 12:11

Yedi ba daa ke a tieni yeni Ki bua ki waani ba yaala n baa baa ba. Bi baa cuo ki gedini ba ti yonbidi.

Sakari 14:2

Li Miali Diedo baa taani i nilanbuoli, Ki teni ban baa Jelusalema. Bi baa fie u dogu, Ki fagi yaala n ye a diena nni kuli. Bi baa ñii yi puoba leni u paalu. Bi baa cuo u dogu niba boagidima ki gedini ti yonbidi. Ama yaa niba n sieni baa yaa ka u dogu nni.