Jeremi 51:7 - Gourmanchéma Bible

⁷ Babilona den tie Li Miali Diedo nuu nni wula yaa tadiñokaaga Yaaga n teni ki tinga niba kuli ñuni ki gaadi. I nibuoli ñuni mi daama. Lani n teni ke i nibuoli yama bodi.

U TIENU MAAMA TILI 2013

⁷ Babilonni den tie o Diedo nuu nni, Wula tadiñokaaga yo, Yaa tadiñokaaga nni ke tinga kuli ñuni ki gaadi. I nibuoli ñuni ki daama ke mi cuo ba.

Jeremi 51:7 ပူးပေါင်းရင်းမြစ်များ

Esayi 14:4

Ŋan yedi Babilona bado po yaa maama n tie na: «Be, ki mabinga daano ki go ye! Ku tugumoangu gbeni!

Jeremi 13:13

Lanwani ŋan yedi ba: ‹Li Miali Diedo maadi yaa maama n tie na: Diidi n baa teni mi naa diema niba kuli, bi badiba yaaba n kaa Dafidi bali gbandi po, ki tie o puoliŋuani, bi kopadicianba, bi sawalipuaba, leni Jelusalema niba kuli baa ño mi daama hali ki gaadi.›

Jeremi 25:9

N baa soani ban yini nijienu po yaa niba kuli leni Nebukanesa Babilona bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain lan tua gbanankpiendi bonla leni ñuali bonla. Likani mo baa tua diegbengu yaa yogunu kuli po.

Jeremi 50:38

U tayialu baa o ñinsani! Mi ñima yeni kuli n ñuudi cain! Mi diema kuli gbie leni i buli Yi n lebidi bi yula.

Esekieli 23:42

Bi den gba yaa niligu n yaba ki naa yagini ku yama yaa fuugu. Niba boncianla den pugini bipo, Yaaba n den ñani mi fanpienma kuni nni kuli. Bi den pilini a naataanpolieda yeni nii a biana Ki go cibini bi yula po yaa badifogilimu n ŋani hali boncianla.

Danieli 2:32

Li nisaali-nannanli yeni yuli den tie wulamoano cain, li benli leni li buadi den tie ŋanjilifa, li tugu leni li pana den tie kumoandi.

Danieli 2:38

O mubini a bi nisaaliba leni ti fuayandi leni ti bonyugiditi kuli a nuu nni. Fini n die ba ban ye naankani kuli. Fini n tie li wulayuli yeni.

Mi Doagidima 14:8

Malekitoa, o bonlielo den ŋoadi o ki yedi: «U baa, u dociamu Babilona baa, wuni, yaa dogu n den teni ke i nibuoli kuli ñuni yaa duven n tie u conconbiadima ki gaadi.»

Mi Doagidima 17:2

Ki tinga nni badiba den ŋua o ki conbi leni lini, ki tinga nni yaaba mo ñuni o yaa duven n tie o *conconma ki gaadi.»

Mi Doagidima 17:4

O pua yeni den yie ti tiamoandi leni yaadi n moani colicoli, ki go bobi wula leni yaa tanbila n pia mayuli boncianla leni yaa lanbima yaa dunga pa boncianla. O den muubi wula tadiñokaaga ke ki gbie leni o conconma cagindi leni mi joagindi kuli.

Mi Doagidima 18:23

Ki fidisanga yenma Kan go yendi a niinni hali abada. Bi kan go gbadi li pocaan-pamanli Niali a niinni hali abada. Kelima a kpenda den tie Bi nicianba ki tinga nni, A den boandi i nibuoli kuli Leni a tanbipuali.

Mi Doagidima 18:3

U tua yeni Kelima i nibuoli kuli den ñuni Yaa duven n tie U pabienli *conconma ki gaadi. Ki tinga badiba den ŋua u Ki conbi leni u, Ki tinga kpenda mo den tua piada Kelima u yeŋanbua-kandikaama po.»

Mi Doagidima 19:2

Kelima o buudi tiegi Ki go tie moamoani. O den jia ti buudi Leni li poconconcianli ki cuo o, Wani, yua n den *joagini Ki tinga leni o *conconma. O den tu o naacenba soawulima panpaani Ki buali bi soama o nuu nni.»