Jeremi 51:64 - Gourmanchéma Bible

⁶⁴ ‹Babilona n baa bodi cain maama n yeni. Min baa teni yaa fala n baa o yeni. O kan fidi ki fii ki sedi.› » Jelemi maama kuli n yeni.

U TIENU MAAMA TILI 2013

⁶⁴ ‹Babilonni n baa bodi cain maama n yeni. Min baa teni yaa fala n baa o n yeni. O kan go fidi ki fii ki sedi.› » Jeremi maama kuli n yeni.

Jeremi 51:64 ပူးပေါင်းရင်းမြစ်များ

Jobi 31:40

I konkoni n pudi *ŋalikama kaanu. Ti moabiaditi n pa *olije kaanu.» Joba majuodikaama n yeni.

Pisomi 72:20

*Isayi bijua Dafidi jaandi juodima n yeni.

Pisomi 76:12

Niani mani Li Miali Diedo yi Tienu I ñoaniani, ki go kuani yi. Yaa niba n gaani ki lindi o kuli N cuani bu paabu wani U Tienu yua n pia jeje po.

Esayi 47:13

Yi coagini yi yula leni mi lingima. Yaaba n yaadi ki nua tanpoli Ki diidi u yienu leni i ŋmaali Ki diidi ŋmapaano kuli Ki wangi yaala n baa cua kuli, coagini bi yula.

Jeremi 13:4

«Taa ŋan da yaa gbanñagidigu ke ku ñaagi a ciaga nni, ki gedi u kpenciamu Yufilata po ki ban wuoni gu li tanli tinga.»

Jeremi 19:10

A baa mudi li cuali yaaba n yegi leni a nintuali ki yedi ba:

Jeremi 25:27

Ŋan yedi: «Li Miali Diedo U Paaciamu Kuli Daano Isalele Tienu yedi mine: ‹Ño mani ki gaadi, ki go sii. Baa mani ki da go fii ki sedi yin baa le ke n cuani ki jugisiega yi siiga yaa yogunu!›

Jeremi 51:42

Mi ñincianma pundi o kani Leni ku fuugu boncianla. Mi ñima milini o.

Jeremi 51:58

Li Miali Diedo U Paaciamu Kuli Daano n go yedi mine: «Babilona bilinciami baa ŋmadi ki baa cain. Mi fantama baa juu o buliñoana ya n kpedi boncianla yeni. Bi niba baa sua ke bi soani fanma po yo. I nibuoli baa sua ke bi coagi bi yula mi fantama po.»

Jeremi 9:5

Li Miali Diedo yedi: «Bi baa ña tugumoangu nni ki ban kua tugumoantoagu nni Ki ña mi naa faama nni ki ban kua mine nni, Ki yiedi ke bi kan bandi nni.»

Esekieli 28:19

I nibuoli siiga yaaba n den bani a kuli Baa yaa ye leni li paboanli kelima apo. A baa tua jeje bonla A kan go yaa tie pu kuli mo!› »

Habakuki 2:13

Yin koani ki paadi yaa nibuoli coagini bi yula fanma fanma, Yin maa yaala kuli baa buodi mi fantama nni. Li Miali Diedo U Paaciamu Kuli Daano n teni ke li tieni.

Mi Doagidima 14:8

Malekitoa, o bonlielo den ŋoadi o ki yedi: «U baa, u dociamu Babilona baa, wuni, yaa dogu n den teni ke i nibuoli kuli ñuni yaa duven n tie u conconbiadima ki gaadi.»

Mi Doagidima 18:2

O den kpaani leni u nialiciamu: «U baa, u baa, u dociamu Babilona baa. U tua mu cicibiadimu yekaanu, Muni i bilisinba buoli kuli yekaanu, Leni yaa bonyugiditi n *joagini Ki gundi mo n jiidi naankani.

Mi Doagidima 18:21

Lani yaa maleki n pia u paalu boncianla den yua yaa tancianli n naani leni li naacianli, ki luni li mi ñincianma nni ki yedi: «Yene ke bi baa pieni Ki lu u dociamu Babilona, Ke bi kan go le u hali abada.