Jeremi 51:60 - Gourmanchéma Bible

⁶⁰ Jelemi den diani li tili nni yaa fala n den baa ŋma Babilona. Laa maama kuli den diani li tili nni Babilona po.

U TIENU MAAMA TILI 2013

⁶⁰ Jeremi den diani li tili nni yaa fala n baa baa Babilonni. Laa maama kuli den diani li tili nni Babilonni po.

Jeremi 51:60 ပူးပေါင်းရင်းမြစ်များ

Esayi 30:8

Cua moala ki diani laa bonla bi nintuali i tanpabi po, Diani laa bonla kuli li tili nni, Lani n tie lan waagi ki ye hali li juodidaali, Yaa yogu n tu yaa yogu po.

Jeremi 36:32

Jelemi den taa tigbabikatoali ki teni Neliya bijua Baluki. O tidianlo Baluki den diani Jelemi n den maadi o yaa maama n den ye Juda bado Yeojakimi n den sia yaa tili yeni niinni kuli. Mi maama boncianla yaama n naani leni ma go den pugini.

Jeremi 51:1

Li Miali Diedo yedi yaa maama n tie na: «Diidi n fii ki sedi Babilona po Leni Lebi-Kamayi yaaba po Nani yaa tafaagu n bolindi yeni.

Jeremi 51:61

Jelemi den yedi Selaya: «Ŋan moandi a yaa pundi Babilona, ŋan cogi laa maama kuli.

Danieli 12:4

Fini Danieli, ŋan kubi mi maama yeni lan yaa tie ŋasiili, ŋan da doagidi li tili yeni n yedi yaala hali mi juodima yogunu n pundi. Li yogunu bi niba boncianla baa cogi li bi bandima n pugini.

Mi Doagidima 1:11

U den tua: «Ŋan baa le yaala, ŋan diani la li tili nni ki soani Kilisiti n yini yaaba nitaanleleeda ya n ye Efesa, Similina, Peligama, Tiatila, Salida, Filadelifi leni Layodise dogi nni kuli po.»

Mi Doagidima 1:19

Lanwani, ŋan diani ŋan laa yaala, yaala n ye moala leni yaala n baa ti yuandi ki cua.