Jeremi 51:59 - Gourmanchéma Bible

⁵⁹ O sawalipualo n bili yaa ñoabonbilikaana Selaya leni Juda bado Sedesiasi bali binnaali yogunu. Li sua ke Selaya tie o bado guudikaaba yudaano.

U TIENU MAAMA TILI 2013

⁵⁹ Sedesiasi bali binnaali, o bado guudikaaba yudaano Seraya leni wani Juda bado Sedesiasi, n den caa Babilonni yaa yogunu, o saawalipualo Jeremi den soani ba u tondu.

Jeremi 51:59 ပူးပေါင်းရင်းမြစ်များ

Esidirasi 5:12

Ama ti yaajanba den fiini U Tienu yua n die tanpoli pali ke o taa ba ki teni Kalide yua Nebukanesa, Babilona bado nuu nni ke o mumudi laa diegu ki cuo bi niba ki gedini ba ti yonbidi Babilona po.

Jeremi 28:1

Laa binli nni, Juda bado Sedesiasi n cili ki kali ti gbandi po yaa yogunu, li binnaali cimuulo, Asuli bijua Anania yua n den tie Gabaono sawalipualo den yedi nni Li Miali Diedo diegu nni bi kopadicianba leni li nitaanli nintuali:

Jeremi 32:12

N den taa mi kuadima ŋantaaditili yeni ki teni Neliya bijua Baluki, Maseya bijua, n yiado bijua Anameeli nunbu nni leni siedi yaaba moko n den diani li ŋantaaditili yeni nintuali leni Jufinba yaaba n den ye li kpaadidieli luolu nni kuli nintuali.

Jeremi 36:4

Jelemi den yini Neliya bijua Baluki ki den maadi ki teni ke o dangi li tigbabikaali nni Li Miali Diedo n den yedi wani Jelemi yaa maama kuli.

Jeremi 45:1

Josiasi bijua Yeojakimi Juda bado bali binnaali binli o sawalipualo Jelemi den maadi ke Neliya bijua Baluki dangi. O den yedi:

Jeremi 52:1

Sedesiasi den pia piilie n binyenle wan den tua Juda bado yaa yogunu. O den kali ti gbandi po piiga n binyenli Jelusalema dogu nni. O naa den yi Amutali, ki tie Jelemi Libina diema yua yaa bisalo.