Jeremi 51:56 - Gourmanchéma Bible

⁵⁶ Yeni yua n baa bolini sedi Babilona po. Bi cuo o jakoando. Bi dabana kua. Kelima Li Miali Diedo tie yaa Tienu n bani ki pa i panpaani. O pa yua kuli o panpaani nani lan pundi maama.

U TIENU MAAMA TILI 2013

⁵⁶ Yeni yua n baa bolini nagidi Babilonni kani, o baa baa o, ki cuo o jakoanda, ki kua bi dabana, kelima o Diedo tie yaa Tienu n bani ki tuu li panli. O pa yuakuli o tuona panpaani.

Jeremi 51:56 ပူးပေါင်းရင်းမြစ်များ

Mi cilima 49:24

Ama o yaa dabanli den se ki pa bonŋanla. O nii den paagi kelima Jakobo n ŋua yua Tie U Paaciamu Kuli Daano. Li tie yene ke o tua Isalele yaaba yankpaalo leni bi tanciangu.

Pisomi 137:8

Babilona, ban baa jugi fini yua moala moala, Li pamanli ye leni yua n guani a Ŋan tieni ti yaa biadima yeni kuli.

Pisomi 37:15

Bi jugisiemu baa goa ki muu bani biba yaa pala, Bi dabana mo baa kua kua.

Pisomi 46:9

Cua mani ki le Li Miali Diedo tuona, Cua mani ki le wan tieni yaala ki tinga nni Ke li pia i jeje.

Pisomi 76:3

O gbandieli ye Salema po, O deni mo n tie Siyono.

Esayi 21:2

N laa yaa bonlekaala n pia i jeje. I janbi daano janbidi, yua n bolindi mo bolindi. Elami yaaba, gedi mani ki baa ba. Medi yaaba, gaani ki cebini mani u dogu. U Tienu yedi: «N baa teni Babilona yaaba n wangi yi yaa fala kuli n baa u bianu.»

Esayi 34:8

Kelima Li Miali Diedo n baa tu o panpaani yaa daali n yeni, Laa binli baa tua falaciamo binli kelima Li Miali Diedo baa fuu ki ga Siyono.

Esayi 35:4

Yedi mani yaaba yaa tugusoama n tiini: «Paagi mani yi pala ki da jie mani Yi Tienu n tie na. O baa tu yipo i panpaani. O baa pa yua kuli o panpaani Wani oba n kpendi ki baa faabi yi.»

Esayi 59:18

O baa pa yua kuli nani wan pundi ki baa yaa panpaani. O baa wuli o pabienli o koanginkaaba po, Ki faligi o yibalinba nani lan pundi bipo maama Ki go pa a kpendega yaaba nani ban pundi ki baa yaa panpaani.

Jeremi 49:35

Li Miali Diedo U Paaciamu Kuli Daano n maadi yaa maama n tie na: «Diidi mani n baa kua Elami dabanli, Lini yaali n tie o fidu yeni.

Jeremi 50:10

Bi baa gedi ki fagi Kalide diema. Yaaba n baa gedi ki fagi ma kuli baa guo.› » Li Miali Diedo n yedi yeni.

Jeremi 50:36

Bu toabu, fii ki sedi yaaba n kpiagidi bi yula po, Teni ban tua gaada! Bu toabu, fii ki sedi bi jakoandimoanba po. Teni i jeje n cuo ba!

Jeremi 51:24

N baa guani Babilona leni Kalide yaaba kuli, Ban tieni Siyono yaa biadima kuli yi nunbu nni. Li Miali Diedo n yedi yeni.

Jeremi 51:30

Babilona jakoanda gbali bu toabu, Ki sani ki wuoni a toadiena nni. Bi jie ki luodi Bi kpandi ki tua puoba. Bi juu mi diema mi fantama Ki mudi mi buliñoaluoditi kpakpaana.

Jeremi 51:48

Lanwani i pamandanyani baa fii Ki loli tanpoli leni ki tinga nni Kelima Babilona tingbali po. Yaaba n kpendi ki baa baa ba, baa ña nijienu po. Li Miali Diedo n yedi yeni.

Jeremi 51:53

Baa Babilona yaa kpedi hali ki siigi ti tawadi, Baa bi yaa tieni maama ke bi kan fidi ki kua bi dopaali nni, N baa soani yaaba n bolindi n baa o. Li Miali Diedo n yedi yeni.

Jeremi 51:6

Sani mani ki ña Babilona, yua kuli n faabi o miali! Da ŋmini mani suo kelima o tagili po! Kelima Li Miali Diedo n baa tu o li panli yaa yogunu yeni pundi. O baa pa o o panpaani nani lan pundi maama.

Jeremi Bubula 3:64

Li Miali Diedo ŋan soani ban mo yeni, Ŋan guani ba nani bi tuada n tie maama.

Esekieli 39:3

N baa kua a dabanli a ganu nni, Ki teni a piemi mo n ña a jienu nni ki baa.

Esekieli 39:9

Lanwani Isalele diema dogi yaaba baa ña Ki taa bi yibalinba jatiadi ki juu ti mi fantama nni. Ti gbankoandiciandi leni ti gbankoandibidi, A dabana leni i piemi, Mu jugimu leni a kpaana. Bi baa yaa cuondi laa fantama hali bina lele.

Amosi 2:15

O dabantoalo kan fidi ki sedi ki mua jama, Yua yaa taana n yua kan fidi ki sani ki cia, O tandaano kan fidi ki ga o miali.

Abidiasi 1:15

Kelima mini Li Miali Diedo pabienli daali nagini, Ke n baa jia i nibuoli kuli ti buudi. N baa soani yi nani yin den soani nitoaba maama. Yi tuona baa goa ki jiidi yi yula po.

Habakuki 2:8

Yi fie bi niba boncianla piama ki kpabidi ba. Ama bi siiga yaaba n den sieni kaa kpe mo Baa fie yi yaa piama ki kpabidi yi. Li baa tua yeni kelima yi ku bi niba boncianla Ki tieni mi diema leni i dogi leni bi niba mi biadima.

Mi Tiadima 32:35

Mini n tie o pantuulo, mini n baa tu i biadi panpaani, Yaa yogunu ke bi taana digibi Kelima bi fala daali nagini Bi juodima mo n tiini ki kpendi yeni.»

2 Tesaloniki 1:6

U Tienu nua ke li tiegi ke wan faligi yaaba faligidi yi moala,

Mi Doagidima 17:16

Ŋan laa yina piiga leni ki fuayanga yaaga yeni baa nani li poconconli, ki koadi o piama kuli, ki ŋa o mubili. Bi go baa je o gbanandi, ki buoni o.

Mi Doagidima 18:20

Tanpoli, mangi a pali u bodima po. Yinba bi *nigagidiŋanba, Bi tondiba leni bi sawalipuaba kuli Mo n mangi yi pala. Kelima U Tienu tu yipo li panli Ki jia u ti buudi.»

Mi Doagidima 19:2

Kelima o buudi tiegi Ki go tie moamoani. O den jia ti buudi Leni li poconconcianli ki cuo o, Wani, yua n den *joagini Ki tinga leni o *conconma. O den tu o naacenba soawulima panpaani Ki buali bi soama o nuu nni.»

1 Samueli 2:4

A jakoanda dabana koa, Ama a tadima ñaagi u fidu nani ku gbanñagidigu yeni.